MAZMUR 38:2 - Allah Wene Fano Wene Hupla Inane

² Tuhan neisena, an he Hat homameba unggum wo'nesu fugo, nen ha'mageba an nebe noasu fugaro.

MAZMUR 38:2 ပူးပေါင်းရင်းမြစ်များ

AYUB 6:4

At Mondok Omame Hokho mene a'nogo andogen he an nebe agaukhe tiagan noatemo welagi yi. At awei nen he nebene nelonggokwe mondogat heiselik lagamaat andi. At Allah nen hilingiterek mene andoma re inailo mondok hokho mene nek hilingiti logolik he, Aren he ap selei mene logale'ma inoatarek hak noasigiluk hilingiri'lago andi.

MAZMUR 21:12

Iren at raja awene melalek a'nogo sagalogo fuluk hilingisugun iluk wene lenggalhi logogun halok he, ineranen wene ikhi logogun mene andi re ambisangma fano aga logogin mondok lek.

MAZMUR 32:4

Neisena Tuhan nen he, hup hundik lingge hundik wene noba fugu were'ma, mo aigen yi mene ti mene yago mene puget fikherek andi hak, namusu palhi lagagin.

MAZMUR 6:2

Tuhan neisena, Haren he ha'mageba yei noatik, nen helokhe ageba wene noba figik u fugo.

MAZMUR 64:7

Iren he wene weak hilingisugun mene omanogo faget enek abok palhi logolik he, yi'nogo agarek, ”Niren wene palhi lago mene andi re mondok ninawenggelekhogo nek palhi lago,” iluk agarek. Afuni inendawinggen inom wenggelharek ero inom andi re mondok elonggoma hilingi'mo re afuni nen kwelakha re elo'lek.

RATAPAN 3:12

At asikhe enggelaba fangsek logolik, andok he an pisinget neagain iluk enggat noba tibetfuluk werek.

ULANGAN 2:15

At Tuhan nen it inom hundik-hundik weim kagalek welagaukwasik ambisangma nen it mondogat leget fisasikhe.

RUT 1:13

hiren it inebe inalue agu kwelek elok nenangorinafi logogun anggegeba? Mondok elo'lego o. Hit ap hunogo mene ekhe woginafi'lek logogun elo'lego, neagwi. Neisena Tuhan nen ambot wo'netemo weak welagi andi nen he, hit nendawilago,” iluk yagaisasikhe.

1 SAMUEL 5:11

A'nogo isukwasik he, inogogwi kaindek omanogo andogosi wesuagaluk inayonggo fesukwama, wagaukwama re, mel yagaisasukwa: ”Nit ninebe inom, ninagainafuri inom, ninoasinogo iluk, afuni Israel mene ineisena nen Peti Wene Warogo woginafikhe, iluk hilingik mene andi, attak welagaikheba ambotkwe lakfeino o,” iluk yagaisasukwa. A'nogo yagaisasukwa hak he, Allah nen afuni o kota andoma welagaikharek mene omanogo mondogat wene weak mene inoba fesikhemo re, inane mondok hokhorogo sagalik lagaukwa.

1 SAMUEL 5:6

Hobuk he, at nineisena Tuhan nen he, afuni Filistin mene o kota Asdod welagaukwa mene inom, o esanggokwe yi awi ti awi welagaukwa mene inom, wene inoba fikhi logolik, ou weak mene inebene tuk-tugengge hilinglasuagaluk inoba fesikhe.

1 SAMUEL 6:9

A'nogo lagu kwelek hineil wanino o. A'nogo hineil wanhunem, peti andi waluk aiba o kota Bet-Semes higit pikhit lagu halok he, wene mondok weak mene andi afuni Israel mene ineisena Allah nenat ninoba lakfei wagama higi, iluk futfogoin o. A'nogo meneat he, kwe amukwe kwanirogo lagu halok he, wene andi Allah nen ninoba lakfei wagi'lek, we, erabisagat ninoba agama, iluk nit futfogoin aro,” iluk yagaisasukwa.