MAZMUR 38:13 - Allah Wene Fano Wene Hupla Inane

¹³ Ap an noasugun iluk anggagarek mene nen he an nobaget hele yebet nobagali'lagwi, nen an nebe alomat nobagaluk neiloak leget nobagauwogeluk he, inane waletu mondok werek.

MAZMUR 38:13 ပူးပေါင်းရင်းမြစ်များ

MAZMUR 119:110

It ap inobabut weak mene nen an nobaget hele wephogo nobagali'lagwi, oba nen an he Haren wene tekhogo menfesigin mene omanogoba nen taganhogo wilifi lagi lego.

MAZMUR 39:2

An nen wenggel hikhi logolik he, ”An namelinggen oba nen weak hilingiti hanogoluk nonggwaregen fanorogo kagalek logogin, afuni weak hilingitarek mene an horokhogo werek sambul he, an he nane igi'lek weat logogin,” iluk ikhi lagi.

MAZMUR 39:9

An naweak omanogoba nen lologo nobagain, an ap kembu mene nen li'not nafungge hilingnobagau fugo.

YESAYA 53:7

At oba wiik weakhogo hilingisogo fugu kwelek, afe morogo welaga. Wam domba wasuogeluk waluk lagu kwelek hea, athe domba isa mene esi palhu kwelek hea, ane legat welagarek andi hak, at ebe weak hilingisogo fugu kwelek meneat he ane igi'legat welaga andi.

1 PETRUS 2:23

Afuni nen inane asegen weak wokhugu kwelegat, aren onggo ane asegen wogisigi'legat. Iren yi enggin ti enggin hilingitu kwelegat, aren, ”An hobuk onggo ekhe hinoasigin,” iluk yagaisikhi lagaikhe legat. Athe, ”We, Allah nen wene inoba figik, kotik, higithogo igin sambul werego,” iluk, at enggiba fuluk, ane onggo igi'lek kamo ikhi lagaikhe.