MAZMUR 37:9 - Allah Wene Fano Wene Hupla Inane

⁹ Afuni inobabut weak hilingiri'lagwi mene re mondogat leget fisagain, oba nen he, afuni Tuhan oba inendawinggen tipsek logolik werek mene re kweang Aren wogisikhe mene andi eiserogo logolik fisogo logogun.

MAZMUR 37:9 ပူးပေါင်းရင်းမြစ်များ

MAZMUR 25:13

It inebere inangge yi mene ti mene mondogat were'ma nek logogun, nen it inagainafuri inombawi inom he, inaggweang it eise agaikha mene andi fisogo logolik mondok logogun.

MAZMUR 37:29

It afuni inobabut Allah ane hologo higithogo hilingitarek mene andi re, hobuk o andoma eise asimbik, mondok-mondok logogun.

MAZMUR 55:23

Afuni higithogo hilingitarek mene re mondok-mondok faget mabenet fisoageluk herak fisikherek lek andi nen he, hiren yi mene ti mene faget menenei uan horok ebeti lagep mene andi re hineisena Tuhan oba nek wogeti logogun halok he, Aren enggiba agorogo fethinarek logogin o.

AMSAL 2:21

Ap Allah endawimo anggikherek mene higithogo hilingitarek mene halok he, ap andi endawinggen mondok fano mene logogin, it andi mene re o kweang Tuhan nen wene warisasikheba omanogo logogun.

YESAYA 57:13

Hiren hinane kwesugun halok he tugwi kembu andoma nen telhinabuak he! It he sogoien furisamo longgo ugun, nen nele age misigam fut hagain meneba legasugun. Oba nen he afuni An noba inagap telek logouwageluk hilingiri'lagwi mene re o kweang andi eiserogo logolik An nawi wuri'mo omanogo nen An fogetnafi logogun o,” iluk ikhe isikhe.

YESAYA 58:14

Hiren a'nogo hilingiti logogun andiba An nobaget hilingitunem he hinagaiyek hikhi logogun. A'nogo hilingitunem An nen hit inoba yi afuni ti afuni mondogaren agaugwet hinafi logouwageluk hilinghinobagakhi logogin. Hit he hinomba Yakub en kweang hinobagasikheba omanogo nen enggen ugu faget hinagaiyek hikhi logolik logogun. Iluk An hineisena Tuhan nen nane mondogat igi o,” isikhe.

YESAYA 60:21

Afuni andoma logogun mene re eberogo mene nek hilingiti logogun, iren he o kweang andi mondok-mondok faget eise a'luk logogun. Ithe e awi kigilogo An nonggwarek nalong welagi mene a'nogo weinamet fagain iluk yakfesigi mene hangge hilingik logogun.

MALEAKHI 4:1

Tuhan Omame Mondok Hokho mene a'nogo ane ikhi logolik he, ”Hobuk An nawi andi wei ugunem he, afuni ekhe inonggwaregen foget fakhagarek mene inom, inobabut weak hilingitarek mene andi inom, inebe engga puk mene endu nen ninggerek andi hak ekhe fena herakfisigi'lek endu mondok nagain o.

BILANGAN 26:65

Tuhan nen ikhi logolik it mondogat o leikwe nen wa'lasugun isikhemo re eberogo it inebe mondogat wa'lagaukwa, we hun Kaleb at Yefune amlogo a'nogo inom, nen Yosua hun Nun amlogo a'nogo inom enek he wa'lagaukwa lek.

ULANGAN 5:33

Hit hinawi hinanggweang wokhisagain oba andoma hineluk ekhe inom uanhogo logolik fanorogo logobagaigen he, hineisena Tuhan Allah nen wene melalek yagahisugu mene andi higithogo nek hilingiti logoino.” iluk yaganisikhe a'nogo iluk yagaisasikhe.

IBRANI 11:16

We, it ebeti lagaukwa andi re, inawi ebe fano mondok pogoroba mene faget inamolo anggikhi lagaukwa andi nen he, Allah nen it faget inawi arat tegelogo fisasikhemo andi nen he, aren, ”An it ineisena,” iluk, enggali legat ikherek andi.

YOSUA 14:9

A'nogo hilingitigi andi nen Musa nen wene wa'neti logolik he, kweang an nen neil penerik wagagi kwe andoma re ibi-eberogo an inom an nagainafuri inom mondok-mondok inanggweang mene asuageluk wokhisagaino, isikhe.

WAHYU 5:10

It andi inonggo palogo fisasigindik, Nineisena Allah faget hilingiti logouwageluk, Inunggulenu, Allah eisewerek, salhigin, Inebe kainat menfisasiginmo, Iren afuni kweangma mene, Inawe a'ma fisaluk ferinarek logogun,” iluk endawi watunem isigi.