MAZMUR 37:34 - Allah Wene Fano Wene Hupla Inane

³⁴ Hiren, Tuhan nen telninabigin iluk oba eberek logolik, Aren komotninafikhe wene andi hologo higithogo hilingiti logoino. A'nogo hilingiti logogun halok, Aren hit o abok yagahisasikhe mene andoma eise logouwagaluk agaugwet hinabimbik wokhisagain o. Nen it afuni inobabut weak hilingitarek mene andi re, inebe legetfisugunem hineilenggen hogoin aro.

MAZMUR 37:34 ပူးပေါင်းရင်းမြစ်များ

AYUB 17:9

Ap higithogo hilingitarek mene inom, nen ap weak hilingitarek lek mene inom, nit At Allah endawimo agaiyek anggikherek higithogo welago iluk, it inebe werek mene faget ekhe inom omamet fakhikhi logouwak.

MAZMUR 112:8

It aselei mene omanogo mabenet fisagain iluk endawimo anggikhi logolik he, aren endawimo ailo anggigik, endawi hokho mene fitik, hilingiti logogin mondok lek.

MAZMUR 112:9

Aren he angge yi mene ti mene it afuni inenggi lek mene leberisigik, nen at ebe along werek mene hilingik logolik lego were'ma re, afuni nen along anggaluk legeisogo fugunem, aren fano mene nek it inoba hilingfisugu, welagarek.

MAZMUR 25:13

It inebere inangge yi mene ti mene mondogat were'ma nek logogun, nen it inagainafuri inombawi inom he, inaggweang it eise agaikha mene andi fisogo logolik mondok logogun.

MAZMUR 27:14

Tuhan oba nek hinendawinggen eberek mondok logoni, hinendawimo leigeti'lek hambukhogo logoni, we, At Tuhan oba nek hinendawinggen tibet fuluk logoni, iluk samban isikhe.

MAZMUR 37:3

Hinendawinggen Tuhan oba himbirik logolik he, fano mene nek hilingiti lo goino. Hinebe hinawi welagep oba andiat logolik he, hinobabut higithogo nek hilingiti logoino.

MAZMUR 37:7

Hit hinendawinggen hambuget haluk logolik hineisena Tuhan serogo logoino, Aren hilingisigin mene oan werek kwelek hinafe morogo serogo logoino. Afuni nen hilingitunem ambisangma fano asigin mene faget hinendawinggen abolok u fuk.

MAZMUR 37:9

Afuni inobabut weak hilingiri'lagwi mene re mondogat leget fisagain, oba nen he, afuni Tuhan oba inendawinggen tipsek logolik werek mene re kweang Aren wogisikhe mene andi eiserogo logolik fisogo logogun.

MAZMUR 91:8

A'nogo hilinglagunem hera'lu heilenggen kwelagisagain he, Allah nen afuni weak hilingitarek mene inobabut oba onggo weagerinafunem heilenggen hagain o.

MAZMUR 92:12

An he it naselei mene mabenet lagaikharek mene andi re neilenggen isikhi lagi, it afuni an noasuogeluk nawene melalogo fuluk nanggomo pali'lagwi mene andoma mondogat he nesanggo holhi lagi.

AMSAL 16:17

Ap higithogo hilingiterek mene re weak mene agaiseraterek, ap ineluk werek mene faget fut fikherek mene andi re at ebe eluk a'nogo halogo fakhikherek.

AMSAL 20:22

Iren weaget hinafunem hiren ogo weagerinabu fuk, we hineisena Tuhan oba hinendawinggen tibet fugunem Aren lebetisikhi logogin.

AMSAL 29:16

Ap weak hilingitarek mene nen ferinarek were'ma re weak mene ekhe inom hokhorogo hilinglagarek. Oba nen ap tiphogo hilingitarek mene nen enek he hobuk ap weak mene inebe leget fisugunem hogoin.

YESAYA 57:13

Hiren hinane kwesugun halok he tugwi kembu andoma nen telhinabuak he! It he sogoien furisamo longgo ugun, nen nele age misigam fut hagain meneba legasugun. Oba nen he afuni An noba inagap telek logouwageluk hilingiri'lagwi mene re o kweang andi eiserogo logolik An nawi wuri'mo omanogo nen An fogetnafi logogun o,” iluk ikhe isikhe.

MATIUS 24:13

Meneat he, sa nen afe morogo mondok logogin halok he, o wurep oba Allah nen teligin o.

ULANGAN 5:33

Hit hinawi hinanggweang wokhisagain oba andoma hineluk ekhe inom uanhogo logolik fanorogo logobagaigen he, hineisena Tuhan Allah nen wene melalek yagahisugu mene andi higithogo nek hilingiti logoino.” iluk yaganisikhe a'nogo iluk yagaisasikhe.

1 PETRUS 1:7

Emas onggo hokho palharek mene andi, ’Fano a? Weaga,’ iluk endu oba obabut palharek andi hak, Allah nen he, ”It inendawinggen an noba eberogoat himbirik werega? Lega,” iluk, enegat asuageluk anggugunem hinoba yi enggin ti enggin hikhi lagep andi. Emas andi re, we tulemat lek asigin meneat he, ebe esin he, hinendawinggen Allah oba eberogoat himbirik welagep andi aro. Hit hinendawinggen at oba himbirik logogun halok he, aren hinobabut palhi logombik Yesus Kristus weinamhogo lakfei wesigin andi sambul, fogethinafik, agaugwethinafik, esinethinafik, igino.

1 PETRUS 5:6

A'nogoat, Allah nen hobuk hinenuwerek menhinobagauwageluk, yogondak ya hinonggwaregen fogerakhigi'lek, at enggi omame werek mene awe a'ma kuluk hinendawinggen sebelogo logolik hilingiti logoino o.