MAZMUR 37:12 - Allah Wene Fano Wene Hupla Inane

¹² Afuni inobabut weak hilingitarek mene andi nen, wene weak mene afuni fano hilingitarek mene inoba fuluk, ineilenggen inabit oba kumurisagarek.

MAZMUR 37:12 ပူးပေါင်းရင်းမြစ်များ

KEJADIAN 39:16

A'nogo yagaisasikhesik, Yusuf asu nonggolek a'nogo agun wagunem inukhageluk fesikhe.

ESTER 3:5

A'nogo yagasi lagaukwama re, at Mordekhai nen at Haman oba a'ma sebe uluk legeisogo figi'lek hilingiti lagaikhe mene a'nogo elu agaikhesik he Haman mondok a'mage lagasikhe.

ESTER 3:6

Nen at Haman nen holhunemen he at Mordekhai andi re Yahudi agun iluk elu agaikhesik he, at Haman nen he Mordekhai unggum oba fagain iluk wene isikhe, oba nen he at Mordekhai faget enek he lek, athe it afuni Yahudi mene abirengge o Persia kweang andiba werek mene mondogat leget fisagain iluk wene palhukwa.

ESTER 5:13

Oba nen he, at Mordekhai ap Yahudi mene andi, o raja kwikherek oba ebekhoma aremnogo hurek werek kwelek he yi mene ti mene omanogo re noba wuri'lago lek.” iluk isikhe.

MAZMUR 31:13

An he afuni inebe mondogat wa'lagu mene hangge hilinglagarik welagi o, nen yi mene ti mene hugisaluk oba ebetarek lek andi hak hilingik welagi o.

MAZMUR 34:22

It afuni weak hilingitarek mene andi re, inaweak hilingitarek mene andiba inebe wa'lasugun. It afuni ekhe nen it ekhe eberogo anggagarek mene inoba inabiret fisugu halok he, wene inoba fisagain.

MAZMUR 35:16

Iren weak inetokhogo hilingitarek andiba re puliabinafu mondok werek, nen an he ineilenggen asik-sikhogo kwela'niili'lagwi.

MAZMUR 37:32

Afuni inobabut weak hilingitarek mene andi nen it afuni higithogo hilingitarek mene andi inoasuogoluk ineil woginabik nikharek.

DANIEL 8:12

A'nogo hilingitunem he afuni omanogo re iren yi mene ti mene fuluk wogetunogo iluk werek mene a'nogo sagalogo hilingituba re it weak hilingiti lagaikha. Andiba re, wene eberogo mene kabogeti logolik hilingitarek mene a'nogo re kweangma hambokhogo hugisa pikhi laga. A'nogo hilingiti laga andiba re, andimuk a'nogo nen ekhe aple-ekhe aple hilingitunem he ambisangma fano nek hilinglarik lagunem higi.

DANIEL 8:24

A'nogo weinam asimbik at ebe omame mondok hokho asigin, oba nen he at onggwarek omameba re fuk. Aren he afuni weagerinafu mene mondok inailo mene, we nena wene faget hilingitunem higit enek aga logogin. Ap andi nen ap inalong werek mene inom Allah againafuri mene inom alomat inabigin.

MIKHA 2:1

It afuni ekhe nen it ekhe weagerinabugun iluk o hubanggo inebe nogo agarek oba wengik logolik inendawimo wene weak mene ebetaresik, o wei ilik lagunem hilingirik lagaikharek mene andoma re weagerinabigin o.

MATIUS 26:16

Onggo arat fesukwama re, at Yudas Iskariot a'nogo nen he, ”Yesus ebe fanoasuak ninggi'nogo were'ma inenggiba fagain he,” iluk weim abok endawimo logolik menenei ebeti lagaikhe.

MATIUS 26:4

Yesus eil lagalogo fakfuluk wasuogeluk weim abok ikhi lagaukwa.

1 SAMUEL 18:21

A'nogo isikhesik endawimo nen he, ”Paik hele fugunem ke'nok ikherek andi hak, na'logo Mikhal wokhesigin, iluk laligin meneat he, at weim yafunem, ap Filistin mene nen ebe wasugun andi fano mondok,” iluk anggasikhesik, hobuk enggi pirenek meneba Daud mel yagatikhe: ”Hat yogondak an neamal asinogen o,” iluk yagatikhe.