MAZMUR 36:4 - Allah Wene Fano Wene Hupla Inane

⁴ Aren he fano mene inom inendawinggen wenggelogo agarek mene inom he hilingiterek lek, at ane materek mene andoma re mondok haferogo nek ikhi logolik he eranhogo wene nek ikherek.

MAZMUR 36:4 ပူးပေါင်းရင်းမြစ်များ

ESTER 5:14

A'nogo isikhemo holhukwasik he at agwe inom at agaila'lak omanogo inomen he wene yi'nogo yagatukwa, ”Aben e liagaisogo ap inebe eba porogo fisugu mene uanhogo re 25 meter en hilingisuageluk yagaisan. A'nogo hilingfembik he e andiba at Mordekhai andi paku warogo eba fouwageluk at raja ba kino yaga'no. A'nogo hilingiten halok enek he hat hebe seni andiba hendawinggen hambukhogo nagain.” iluk yagatukwa. A'nogo yagatukwama re, at Haman nen he wene noba aga mene andi re fano anggasikhesik, aren he e ap paku warogo fisagarek mene a'nogo weak-weak hilingisuageluk yagaisasikhe.

ESTER 6:4

A'nogo isukwama at raja nen he mel isikhe, ”O yogondak an nawi istana ba andoma pegawai an nagoromi mene sa werek?” iluk isikhe. At a'nogo ugu kwelek aremnogo at Haman a'nogo nen he, ”Ap Mordekhai a'nogo ebe warogo e wendeberogo fesikhe meneba teisalogo fagain,” iluk raja elurogo yagasigin iluk he o raja ebe werek oba awi silimo omanogo kwi lagaikhesik heinok wogisasikhe.

AYUB 15:16

Nen, nit afuni weak mondok nonghonghogo, hilingiti lago mene yi, weak andi mondok i hak hilingik logolik hundik-handik hilingiti lagoma re ebenagaik fanoaphogo ninobagau re mondok elo'lek.

MAZMUR 38:12

It an narugwi mene inom, nori nagaila'lak namep mene inomen he, an noba ou welagi mene kwelaknealuk he agaiset nabi'lagwi. It nogogwi nagoromi meneba nen ogore an nagaiserogo lili'lagwiat.

MAZMUR 52:3

Hit afuni kaindek hinap yi sani, hiren ap Allah nen endawi hundik hilinginaferek mene inoba weagerinafi lagep andoma faget, foget fakhikhi lagep andi re nenahalok nogo?

MAZMUR 97:10

At Tuhan nen he it afuni At againafuri mene omanogo At awea'ma ferinarek logolik werek, nen Aren he it andi afuni wene melalek sagalogo fuluk hilingitarek mene inenggimo nen lologo wulak fisikherek. Ariginik enggere, hit afuni Tuhan hinendawirogo welagep mene nen he, weak hilingitarek mene andi faget hinabiret fisikhi logoni o.

AMSAL 24:2

Ap ariginik mene andi re weak hilingisugun mene nek inelokhoma hoporogo logolik we inaneba weak mene nek agarek.

AMSAL 24:23

Ap inendawi mondok wenggelek mene nen he yi'nogo agarek: ”Ap wene heirogo tegeterek agun nen he it ekhe inebikhit aga logolik, it ekhe mabenet fisikhi logogun lek,” iluk ikherek.

AMSAL 4:16

It ap inobabut weak mene andi re iren weak ekhe hilingiti'lek halok he, hup nogo u lek hak. Iren ap amu mene ekhe weagerinafi'lek halok he, nogo ineil agarek lek.

YESAYA 65:2

An he nagainafuri woginabigin iluk hundik-hundik fouget fuluk welagiba nen he iren wene oak sagalugun mene nek inamolorogo hilingiri'lagwi. Unggulenu andi mene re wene kwanirek mene nek hilingiti logolik inendawimo nen anggaluk wene melalogo fagarek mene a'nogo murok lili'lagwi.

YEREMIA 4:22

Tuhan nen ikhi logolik, ”An nagainafuri andoma re mondogat kemburego, iren An fut nobagali'lagwi lek. It he omalik kembu mene hak hilingik logolik, wenggelhu mene endebat iluk ogo werek lek, inaniniba hilingisugun mene a'nogo faget enek he hibil-hebelhogo hilingiti logolik, fanorogo hilingisu mene omanogore mondogat nonghong sego,” iluk ikhe o, isikhe.

YEREMIA 6:16

Nineisena Tuhan nen againafuri faget mel ikhe: ”Hit hinebe ebekhe lagaikharek oba kwe handogalma andoma mendek logolik he hineilenggen fanorogo penesino o. A'nogo pene'luk he, kwe attak laga lagaukwa kwe andi, hiren wenakhaluk he, Fano re yi kwe iluk hinendawinggen hambukhogo logobagaigen he, kwe fanokwe andiat laga logoino o,” iluk ikhe. A'nogo ikhe meneat he, iren mel aga, ”Kwe haren egen kwe andi nen laga logogun he ninabiro,” iluk aga.

YEREMIA 8:6

An nen hinane fanorogo holhi lagiba nen he, hiren weinamhogo ikhi lagep lek. Hit mene ap misigen iluk ogore hinaniniba hilingiti lagep mene andoma faget ninambigen iluk mel hinendawinggen warikhi lagep legat. Athe An nen hilingiti lagi mene yi re ningginik mene hilingiti lagi nogo, iluk aga mene ekhe werek legat. Hit he wam kuda nen weim yafuba kwikhi logolik monhaluk kwikherek hak, hiren ogo ebekwe hinamu nen yakhikhi lagep andi.

AMOS 5:15

Inobabut weak hilingitarek mene andi hinabit logolik, fano hilingitarek mene andiat hinendawirogo logoino. A'nogo hilingiti logolik, wene higithogo hilingitarek mene andiat omamerati logoino. A'nogo hilingisugun andiba re, Tuhan nen, afuni Israel mene fena ineluk logogun mene omanogo endawi hundik hilinginafi logogin logou hak.

MIKHA 2:1

It afuni ekhe nen it ekhe weagerinabugun iluk o hubanggo inebe nogo agarek oba wengik logolik inendawimo wene weak mene ebetaresik, o wei ilik lagunem hilingirik lagaikharek mene andoma re weagerinabigin o.

MIKHA 6:8

Lego! We nineisena Tuhan nen nit fano mene hilingiti logouwageluk weinamhogo yaganisikhe mene ebere yi: Afuni amu mene inoba higithogo nek hilingfisigik, nen, inendawi hundik hilingitarek mene andi ero omamet figik, ninendawinggen sebelek logolik Allah ninom hundik welagik, hilingiti logogun andi nek he mondok esin o.

MATIUS 27:1

A'nogo hilingitukwasik were'ma, o arat wei isikhemo ohealekwe it ap Allah eisewerek mene inogogwi kaindek mene omanogo inom, inaluendek omanogo inom, mondogaren he, Yesus wasuogeluk weim abok isukwasik he,

KISAH PARA RASUL 23:12

Ohealekwe ap Yahudi mene inebe ekhe andoget fesukwasik he, Paulus ebe wasuogeluk weim abok ikhi logolik mel isukwa: ”Niren Paulus ebe wati'lek logolik, i inom, sumburu inom, ninggi'lek logombigen, arat wato halogen nouwogo,” iluk hombuk palogo wene palhukwa.

ROMA 1:32

A'nogo hilingitarek andi nen, at Allah nen he: ”Afuni inobabut a'nogo hilingitarek mene halok he, an nen wene inoba fembik inebe mondok inoasu higit obaat inoasigin o,” iluk isikhe mene inelu logoligat he, it inonggwaregen a'nogo hilingitoat welagaikharek andi. It a'nogo hilingiti logolik, it ekhe nen a'nogoat hilingitunem he: ”Elok hilingiti lagep,” iluk yagaisagaregat.

ROMA 12:9

Hit hinendawinggen oba nenat afuni ekhe hinendawirogo logoino o. Weak mene hinabit mondok logolik he, fano mene hinenggi ninghogo fisogo logoino o.

WAHYU 2:2

Hiren an faget hinafe morogo hinomamerogoat hilingiti logolik, it ekhe weak hilingitunem he, inoba lombok, iluk, komorinafi'lek herakfisikhi lagep lek. Nen, it ekhe Yesus nen lakfisa wagunem hak hilingisogo we'luk ugunem, hiren he, ineranen ili'lagwi, iluk inobabut enegat palhi lagebat. Hinobabut a'nogo hilingiti lagep andi, an nelu o.

1 SAMUEL 19:11

A'nogo lagaikhemo, andi sambul hubanggoat at Saul en, agoromi nen Daud ineil wanhi logombik ohealek hubet halok ebe wasuagaluk he, inayonggo fesikhesik, Daud aiba lakfisasikhe. A'nogo meneat he, it andi oan lagi'lek werek kwelek, Daud agwe Mikhal en he, mel yagatikhe: ”Hat hebe o hubanggo yiat heise wulibigin lek halok he, hobit hubet hebe mondok hoasugun o,” iluk yagatikhe.