MAZMUR 36:3 - Allah Wene Fano Wene Hupla Inane

³ Aren anggikhi loglik he an enek he nalong werek nagun welagi anggikherek, andiba re aren aweak hilingiterek mene a'nogo oba ebeterek lek, nen at aweak faget abit anggikherek legat.

MAZMUR 36:3 ပူးပေါင်းရင်းမြစ်များ

2 SAMUEL 22:22

An he At Tuhan nen awene melalek yi'nogo hilingi'no ti'nogo hilingi'no iluk yaganisugu mene a'nogo hologo nek hilingitu welagi. An nen At neisena Allahba nen kwanirogo amu fikhit laga lagi lek.

2 TAWARIKH 20:32

At eisena Asa nen hilingiti lagaikhe hakhogo re, at Yosafat en hogo Allah eilhanem mondok higithogo nek hilingiti lagaikhe.

MAZMUR 10:7

A'nogo anggikhi logolik he, iren afuni homan fisigik, inailo mene kwelafik, ineranen wene lalinafik, agarek. It inane agarek mene andoma re mondok weak mene afuni inoba wusu fuk mene nek agarek.

MAZMUR 125:5

Oba nen he it afuni lalogo hilingitarek mene inom, it afuni kwanirogo hilingitarek mene inom At Tuhan nen unggum inoba fagain logouwak. It afuni Hat hagainafuri mene omanogo inebeba fanorogo nek logouwak!

MAZMUR 140:3

It inendawimo nen he, wene weak mene kagali'lagwi, linggene hundik-handik andomaba re, iren yei wene nek liafu werek.

MAZMUR 5:9

Tuhan neisena, afuni an naselei mene re mondok hokho pokhorogo hilingi'mo re. An nen Hat hendawimo anggikhi lagen mene nek hilingiti logouwageluk melalnobagagik, nen kwe yiba lan iluk yaganetik, ikhi logoino o, neisena.

MAZMUR 55:21

Attak an nagailak ekhe ninom fano welago mene nen he, at agaila'lak ekhe inoba labok igik, nen aren wene waterek mene a'nogo taganhogo hilingitik, hilingiti laga.

MAZMUR 58:3

Mondok lego, o yomaba hiren wene weak mene nek melalogo figik, nen hinagaila'lak inangge hinenggi abisak teligik, hilingiti lagep andi.

MAZMUR 94:8

Yago hit afuni an nunggulenu mene nen he mondok kembu ariginik mene andi re hilingisu fuk, hinungguloa'ma nen fanorogo wenggelhugu mene andiat yanggulhi logoni!

AMSAL 4:16

It ap inobabut weak mene andi re iren weak ekhe hilingiti'lek halok he, hup nogo u lek hak. Iren ap amu mene ekhe weagerinafi'lek halok he, nogo ineil agarek lek.

YEREMIA 4:22

Tuhan nen ikhi logolik, ”An nagainafuri andoma re mondogat kemburego, iren An fut nobagali'lagwi lek. It he omalik kembu mene hak hilingik logolik, wenggelhu mene endebat iluk ogo werek lek, inaniniba hilingisugun mene a'nogo faget enek he hibil-hebelhogo hilingiti logolik, fanorogo hilingisu mene omanogore mondogat nonghong sego,” iluk ikhe o, isikhe.

HOSEA 8:3

oba nen iren fano mene helugu aple andoma inabit eri'lagwi. Andiba re it inebe ap selei mene nen mugisogoin.

ZEFANYA 1:6

It afuni an nambit wagi'legengge nen, An noba, ’Yi'nogo yaganisoageluk’ kino yaganeti legengge hilingitik, An nombo'ne lagi'legengge hera'nobagaluk lagik, agarek mene andoma re An nen mondogat legetfisagain o,” iluk yagaisasikhe.

MATIUS 22:35

ap ekhe Allah ane yagaisikhi lagaikhe mene nen, Yesus obabut paligeluk oba heinok wanhi logolik he, mel yagatikhe:

LUKAS 11:25

Wagaresik kwikherek he, o a'nogo mondok lelem wulagaisogo tegelek were'ma ha wagaresik he,

IBRANI 10:39

A'nogo meneat he, nit he, it afuni ekhe alomat lasuogeluk inambotkwe wulibugun mene andi hangge welago fuk. Lego. Nit he, ninebe telninabuageluk ninendawinggen at oba himbirik welago mene welago o.

1 YOHANES 2:19

It afuni andi inebe re, nit mene palek meneat he, it inebe eberogoat nit werekwe mene lego. It inebe eberogoat nit werekwe mene logoilepma re, inebe nit ninom mondogat logoilo o. Mene re, Allah endawimo nen, ”It andi, inebe mondogat hit mene lek, hunogoat mene werek, iluk, enegat asuak,” iluk anggasikheba it a'nogo wulifukwa andi.

1 SAMUEL 15:26

A'nogo yagatikhe meneat he, at Samuel en he, ”Haren nineisena Tuhan ane sagalogo hilingitenma, afuni Israel mene inoe raja logogin lek, iluk ikhemo re, hat an nemberek o Gilgal logoin mondok nabiro,” iluk yagatikhe.

1 SAMUEL 16:14

At Saul Allah Areagun nen herakfisaluk wulifikhemo re, nineisena Tuhan nen munggwarengge obabut weak mene ayonggo fesikhesik Saul oba lakfei wagaikhemo, oba yi enggin ti enggin hugu mondok welagaikhe.

1 SAMUEL 18:21

A'nogo isikhesik endawimo nen he, ”Paik hele fugunem ke'nok ikherek andi hak, na'logo Mikhal wokhesigin, iluk laligin meneat he, at weim yafunem, ap Filistin mene nen ebe wasugun andi fano mondok,” iluk anggasikhesik, hobuk enggi pirenek meneba Daud mel yagatikhe: ”Hat yogondak an neamal asinogen o,” iluk yagatikhe.

1 SAMUEL 26:21

A'nogo isikhemo at Saul en onggo ikhi logolik, ”An weak mondok hilingiti lagi o, andi nen he Daud namlogo e hebe sugulogo eme o! Haren yogondak hup yiba an neluk ekhe inom logouwageluk nobagegenma re, an nen weak mene hat hoba ekhe hilinghobagagin lego. An nobabut he mondok morue. An he we ibi-eberogo nen nonghonghogo hilingiti o,” iluk yagatikhe.