MAZMUR 34:9 - Allah Wene Fano Wene Hupla Inane

⁹ Hiren At Tuhan nen fano hilingiterek mene andoma kwelakhaluk he, obabut palhi logoni. Afuni Tuhan awe a'ma welagaikharek mene re inendawimo inagaiyek hikhi logogun.

MAZMUR 34:9 ပူးပေါင်းရင်းမြစ်များ

KEJADIAN 22:12

”Hat hamlogo ari henggi fakfuluk at oba yi'nogo ti'nogo ekhe hilingitun o,” iluk malaikat en yagatikhe andi ebe re, nineisena Tuhan nen yagati logolik ekhe mel yagatikhe: ”Hat hamlogo ari ebe misik tago hilingi'mo re, hendawirati'legat, An wo'nesigeluk egen andi nen, haren An agaugwetnafendik nane hologo hilingiten andi nen hat hobabut yogondagen an arat nelu aga o,” iluk yagatikhe.

MAZMUR 2:12

At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.

MAZMUR 22:23

Haren hilingiti lagen mene andoma re an nen nerugwi nagaila'lak yagaisikhi logogin o. Hagainafuri andogorek were'ma andoma, an nen fogethafi logogin o.

MAZMUR 23:1

At Tuhan he, an nanggembala se'narek mondok were'ma, an nelagaikhogo ekhe welagirek lek.

MAZMUR 31:23

An nendawi nonghong ugunem logolik he, An he Tuhan elokhoma nen hukniikhe hea, iluk anggikhi lagi. Oba nen he, an nen At enu hombuk palogo yagatu sambul he, Aren an nane ugu mene a'nogo esanggo holi'lago.

MAZMUR 89:7

O pogoroba andoma re, Tuhan hebe higit mene ekhe werek lego, nen it pogoroba ineluk welagaikharek mene andoma Hat hinom higit mene ekhe werek legaro.

HOSEA 3:5

A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.

ROMA 8:32

At onggwarek amlogo endawi agi'lek nit mondogat faget wa'lasuageluk lakfei wagaikhe. At obabut fano nen a'nogo wo'nisasikhesik he, yi mene ti mene oba loukhogo wo'nisagain lek nogo? Wo'nisagain aro.

FILIPI 4:19

Nen, hit yi mene ti mene hinenggi lek were'ma, an neisena Allah fogeratirek mene Kristus Yesus inom hundik logolik enggi weregen fogeratarek mene a'nogo nen, wokhisugunem hinenggi werek asigin aro.