MAZMUR 34:4 - Allah Wene Fano Wene Hupla Inane

⁴ Hit an ninom seberogo Tuhan enu legeisogo fouwok, ninebe mondogaren at enu hokhorasuogen we'ni.

MAZMUR 34:4 ပူးပေါင်းရင်းမြစ်များ

2 TAWARIKH 15:2

hun Raja Asa ambit lagaikhesik aren ikhi logolik he, ”Noe raja Asa hebe inom, it afuni Yehuda mene yoma inom, Benyamin mene inom, hinesanggo fanorogo holini o! Hit hinebe Tuhan hinom horokhogo welagep halok he, At ogo hit hinom horokhogo werego. Nen hiren nit yi ninggi'nogo hilingisugun anggaluk kino ugun halok he, Aren ogo onggo higithogo lebethisikhi logogin aro. Oba nen he hiren At a'nogo hinonggot a'luk hilingitep halok he, Aren ogo hit hinoba onggoret hinobagaginat.

MAZMUR 18:6

Wa'lagaikharek mene a'nogo nen he an haningisogo kwelaknabi weri'lagwi, nen wa'lari'lagwi mene andi re hele wepsek were'ma hakhogo an neralukwe a'nogo wepsek logolik werek.

MAZMUR 22:24

Hit afuni At oba tipsek logolik hilingiti lagep mene yi sani, At enek fogerati logoni o! Hit afuni Yakub en tagongge mene mondogaren he Arenek esinet fikhi logoni o! Hit afuni Israel en tagongge mene hinebe mondogaren he ineindep awi yagaisogo At apne wanhi logoni o!

MAZMUR 31:22

Tuhan andiat fogerasuok! An haningisogo kwelaknobagaluk noasuogeluk kwi wagunem At Tuhan nen endawi hundik hilingnabi'lago mene andi faget he, an nen fogerati lagi o.

MAZMUR 35:27

Afuni nen an ap eberogo mene iluk yaganesigin sambul andi re, ineilenggen neambik inagaiyegen inanggiluk esuak. Iren hundik-hundik ikhi logolik he, ”Eberogo Tuhan andi re mondok andungdang werek mene! Aren he amingmingengge agap telek logouwageluk agaiyek mondok werek!” iluk ikhi logouwago.

MAZMUR 40:17

It hat fogethafarek mene andoma mondogaren he inendawimo hai higik, inagaiyegetik ugu mondok logouwago. Nen it telninafendek mene andi inagaiyek mene nen he, nineisena Tuhan andi re esin mondok werego iluk ugu mondok logouwago.

MAZMUR 46:2

At Allah andi re, nit ninebe At awe a'ma ninobagaluk, fetninarek mondok logolik omame wo'nisikherek. Yi enggin ti enggin hugu were'ma, Aren higithogonek lebetnisikherek.

MAZMUR 56:3

Linggene hundik-hundik he it an ninom seleirogo welago mene omanogo nen alperelnabi weri'lagwi o, Neisena Allah Hebe Lego welagen mene, it inebe hokhorogo nen he, an it inaselei mene hilingnobagali'lagwi o.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YUNUS 2:2

”Tuhan neisena! An weak logolik nane hokhorogo hayonggo fikhi lagi mene yi hesanggo holin o. Afuni wa'la'luk wagaikharek oba yoma nen telnabinogen iluk hayonggo fikhi lagi mene yi, hesanggo holimbik futnobagaino, neisena

MATIUS 7:7

A'nogo yagaisasikhesik ekhe mel yagaisasikhe: ”It afuni inebe lombogen Allah kino yagatunem he, aren inebe lombok wogisikherek enek andi. Nen, it ekhe inebe lombogen yi mene ti mene at oba heratunem he, inebe lombok herakhagarek enek andi. Nen, it ekhe inebe lombogen kwe ane papaget hugunem he, aren inebe lombok kwe hurisikherek enek andi. Andi nen he, hit he, Allah kino yagati logoino. Yagati logoumo, wokhisagain aro. Fano mene at oba herati logoino. Herati logoumo herasugun aro. Nen, kwe ane papaget hikhi logoino. Papaget hikhi logoumo re, aren kwe huthisagain aro.

LUKAS 11:9

Andi hak, an wene ekhe yagahisak. It afuni inebe lombogen Allah kino yagatunem he, aren inebe lombok wogisikherek enek andi. Nen, it ekhe inebe lombogen yi mene ti mene at oba heratunem inebe lombok he, herakhagarek enek andi. Nen, it ekhe inebe lombogen kwe ane papaget hugunem he, aren inebe lombok kwe hurisikherek enek andi. Andi nen he, hiren Allah kino yagati logoino o. Yagati logoumo wokhisagain aro. Fano mene at oba herati logoino. Herati logoumo, herasugun aro. Kwe ane papaget hikhi logoino. Papaget hikhi logoumo, aren kwe huthisagain aro.

2 TIMOTIUS 1:7

Allah nen ninobabut wo'nisikherek andi re, ninailorogo logouwageluk wo'nisikherek fuk. We, ninomamerogo welagik, afuni ekhe ninendawirogo welagik, ninendawinggen sebelek welagik, ikhi logouwageluk wo'nisikherek andi.

IBRANI 5:7

At Yesus ebe kweangma yoma were'ma afuni nen wasinogo iluk, Allah nen elok teligin andi nen he, le aga logolik, ane hokhorogo Allah enu hombuk palogo ayonggo fikhi logolik, eisena ane ailorogo hologo welagaikhe andi nen, ane esanggo holhikhe.

1 SAMUEL 27:1

At Daud a'nogo laga logolik he, endawimo yi'nogo wenggelik lagaikhe, ”Andem a'nogo ogoba nen he hilingik kwelek at Saul en an nebe noasu hak. Nen, an nen amurogo hilingisu mene ekhe werek legat, we it afuni Filistin inaiba andoma wulibi layok. A'nogo hilingisigin andiba re at Saul en an it afuni Israel mene were'ma andoma ekhe hira'nabik lagain lek, nen an ogo andoma nailo legengge fano logogin,” iluk wenggelhikhe.