MAZMUR 34:3 - Allah Wene Fano Wene Hupla Inane

³ Tuhan nen, fano hilinginaferek andi nen, nendawimo nagaiyeti lagi. Hit yi enggin ti enggin hikhi lagep mene andi, Allah abok hinesanggo hol fuluk he, hinendawimo hai hikhi logoino.

MAZMUR 34:3 ပူးပေါင်းရင်းမြစ်များ

1 TAWARIKH 16:10

At he, Tuhan Enu Mondok Lego welagarek mene, e hu, Nit ninebe re At onggwarek mene welago andi nen he hinagaiyegeti logoni, e hu It mondogat At apne wili'lagwi mene andoma re inagaiyegeti logouwak, e hu

1 TAWARIKH 29:20

A'nogo mondogat samban isikhesik, at Daud en afuni hokhorogo andoma kaboksek welagaukwa mene omanogo inoba ikhi logolik he, ”Hineisena Tuhan Allah fogera'ni o! Iluk yagaisasikhemo re, it afuni mondogat a'nogo nen, ineisena Tuhan Allah it inombawi nen apne wanhi lagaukwa mene a'nogo fogeratukwa. Fogerati logolik he, iren At Tuhan legeisogo fikhi logolik iluk inom, at raja a'nogo legeisogo fikhi logolik iluk inom he, ineindep awi yakfesukwasik inelokhe sagaum fogeratukwa.

2 TAWARIKH 29:30

It afuni holhu mene inogogwi omanogo inom, at raja inomen he wuni at raja Daud en felalhikhe mene inom, hun nabi Asaf en felalhikhe mene inom, wuni Tuhan obaget fogeratu awuni omanogo it ap Lewi inaben wulabuageluk yagaisasukwama iren wuni omanogo wulagaisogo watu kwelek he, it ap mondogat a'nogo re wuni inagaiyek oba wati logolik he, ineindep awi yagaisogo Allah apne wanhi lagaukwa.

MAZMUR 35:27

Afuni nen an ap eberogo mene iluk yaganesigin sambul andi re, ineilenggen neambik inagaiyegen inanggiluk esuak. Iren hundik-hundik ikhi logolik he, ”Eberogo Tuhan andi re mondok andungdang werek mene! Aren he amingmingengge agap telek logouwageluk agaiyek mondok werek!” iluk ikhi logouwago.

MAZMUR 40:16

Afuni an endo ya'nabi'lagwi mene andoma re inailo mondok a'luk, inenggali asuago.

MAZMUR 66:8

Yago, hit yi afuni ti afuni welagep mene andoma nen he, nit nineisena Allah andi nek fogerati logoni o, Wuniba At enu nek seralhu logoni!

MAZMUR 69:30

A'nogo meneat he, it afuni ekhe nen yi enggin ti enggin hilingnafunem, ou hokhorogo hikhi lagi mene andi neisena Allah, Haren he, an nebe wo'nabimbik he telnabinogoluk hayonggo figi o.

MAZMUR 69:33

A'nogo hilingitunem andi ineilenggen healuk he afuni inoba enggin-fenggin hilingfisugunem werek mene re inagaiyek agaikharek, nen it afuni Allah apne wanharek mene re inalong ari'lagwi.

YEREMIA 9:23

A'nogo yagaisigimo Tuhan nen mel ikhe: ”Ap ekhe endawinggen kagalek andi nen fogerakhigik, it ekhe inomame hokho andi nen fogerakhigik, it ekhe inangge yi mene ti mene mondok hokhorogo werek andi nen fogerakhigik, ugun mondok lego.

YEREMIA 9:24

Sa nen amu mene faget ekhe endawimo nen fogerakhagain anggikhe halok he aren An nebe elu asimbik fut nobagakhi logolik fogerakhagain logouwak, nen An nen mondok-mondok faget nendawi hundik hilinginafi lagi mene andi faget inom, An nen eberogo weneba inom katokhogo hilingitarek meneba inom o kweangma mondogat omamet fikhi lagi mene andi faget aren elu aga halok enek he, fogerakhagain logouwak. Mondogat andoma a'nogo asigin halok ibi-eberogo nen he An nendawimo namolo anggigirek mene o. iluk An hineisena Tuhan nen nane mondogat igi,” ikhe isikhe.

LUKAS 1:46

A'nogo yagatikhemo, at hele Maria nen he, ”Neisena Tuhan andi an nendawimo nen fogerati lagi o.

KISAH PARA RASUL 19:17

Heise wulifukwama re, afuni nen, ”It a'nogo hilingita o,” iluk isukwama, it afuni Yahudi mene inom, Yunani mene inom, o kota Efesus welagaukwa mene mondogat inesanggo holhukwa. Holhukwasik he, inailo agaukwasik, Yesus enu ekhe inom fogerati lagaukwa.

FILIPI 1:20

An nendawimo nen he, wene Kristus faget ure nenggali agi'lek yagaisikhi logogin namolo. Halok, nenggali agi'lek yagaisikhi logogino, iluk, futfuluk nendawimo fano welagi. Hundik-handik fakhogoat yagaisigirek hak, yogondak a'nogoat yagaisagelugat welagi o. Nebe neluk logoumo fanoat. Nen, wa'lasumo fanoat. An a'nogo hilingnafu kwelek, nebe abirengge Kristus faget hilingiti lagi andiba re, afuni nen Kristus fogerasuagelugat welagi o.

WAHYU 14:7

A'nogo nikhi logolik, ane hokhorogo mel ikhi laga: ”Nineisena Allah nen wene afuni inoba figik, kotik, igin a'nogo, arat horogasi waga andi nen he, Allah pogot inom, kweang inom, i laut yenggelek inom, i elesi agai mondogat inom, elalhikhe mene a'nogo hinailorogo logolik, hinendawinggen at oba eberogoat himbiret fuluk, fogerati logoino o,” iluk ikhi laga yethigi.