MAZMUR 34:1 - Allah Wene Fano Wene Hupla Inane

¹ At Daud eranen ap Abimelekh eilhanem ebe kembu mene hangge hilingiti lagaikhemo, mugusogo ale'ma laga logolik wuni watikhe mene.

MAZMUR 34:1 ပူးပေါင်းရင်းမြစ်များ

KEJADIAN 20:2

at agwe Sara a'nogo faget he, andi re an nagot iluk isikhe. A'nogo isikhemo it raja Abimelekh he Gerar agun a'nogo nen he, he Sara andi wani laluk he at ambit waluk wesuageluk lakfisasikhe.

KEJADIAN 26:1

O andomaba attak hun Abraham logolik hilinglagaikhe a'nogo hakhogo nekhengge sumburu ouwak lagasikhemo, at Ishak en an o Gerar andoma logogin fano a, iluk hun Abimelekh raja Filistin mene andiba heinok wani lagaikhe.

MAZMUR 71:6

An nebe ta'lagagi huli nen engge re Hat henggi agut obaat fetnarek welagen o, an nebe neluk logolik oba re nendawinggen Hat hoba himbirik logolik he, Hat enek hundik-handik fogethafu welagirego.

MAZMUR 71:8

An nen he hundik-handik Harenek fogethafu welagi o, nen lingge inukhogo re Hat hebe hanggiluk welagen mene a'nogo fogethafi lagi o.

AMSAL 29:25

Aben ugu mene faget hailoti logogin mene halok he weak mene ambisangma hoba asigin, nen Tuhan oba hendawinggen tiphogo logogin halok he hat hobuk hili waganek logogin.

KISAH PARA RASUL 16:25

A'nogo fisasukwasik logolik, o hup tulem it afuni ekhe inenggi hele warek welagaukwa mene inesanggo hologo werek kwelek, Paulus Silas emberegen samban igik, Allah fogerasuogeluk wuni watik, isukwa.

KISAH PARA RASUL 5:41

Wulakfisasukwama, it ap wene ero pilingiti lagaukwa mene omanogo herakfisaluk wulifukwasik, it-it ikhi logolik he, ”Allah nen he, hit Yesus enu faget afuni nen, hit weak, iluk wenakhisamo elok, iluk endawimo anggikhe higithogoat wena'nisaga andi fano,” iluk inendawimo inagaiyek agaukwasik wulifukwa.

EFESUS 5:20

Hundik-handigat yi mene ti mene mondogat faget he, Tuhan Yesus Kristus enu hombuk palogo re, nineisena Allah hai wati logoino o.

KOLOSE 3:17

”Nineisena Allah nen wo'nisikherek andi ebe Yesus nenat wo'nisikherego,” iluk, Allah hai wati logolik: ”Ninoe Enupogot Yesus awe a'ma logolik hilingiti lago,” iluk, yi mene ti mene mondogat hilingisuogeluk, hinane yi mene ti mene faget uogeluk, at Yesus enu hombuk palogo hilingiti logoino o.

1 TESALONIKA 5:18

Allah endawimo nen he: ”Hit Kristus Yesus hinom hundik logolik yi mene ti mene mondogat faget an hai wa'nafi logoguno,” iluk anggikherek andi nen he, a'nogoat hilingiti logoino.

2 TESALONIKA 1:3

Nerugwi nagaila'lak. Hit hinendawinggen Kristus oba himbirik welagep mene andi, ekhe inom hokhorogo himbiret figik, hit-hit hinebe lombok nendawi-hendawirogo hilingiti lagep mene andi, ekhe inom hokhorogoat hinendawirinafik, ikhi lagep andi nen, niren hit faget Allah fogerati lago meneat fogeratu mondok welago.

2 TESALONIKA 2:13

Nerugwi nagaila'lak. Hinebe ninoe Enupogoren endawi werego. Eroba Allah nen hinebe telhinabigeluk wenak hinafikhemo, hiren ebe wene andi eberogoat iluk wanhik, nen, hinebe Allah Areagun en Allah onggwarek faget fakhaluk tegelogo hinobagagik ikhi logogun andiba telhinabigin andi nen, nit Allah hai wasugun higithogoat hit faget hai watu mondok welago.

1 SAMUEL 21:11

Lagaikhemo, it hun Akhis agoromi pegawai omanogo nen yagati logolik he, ”Hun yi re, Daud aiba logolik raja mendek werek agun a'nogo lek nogo a? Hun ari faget he, it helime nen wuni wulagaisogo warik laga logolik he yi'nogo ikhi lagaukwa, At Saul en he ap inebe we beribu-ribu nek inoate, oba nen he, Daud en he, berpuluh-puluh ribu inoate, iluk awuni felalogo ikhi lagaukwa agun a'nogo lek nogo a?” iluk yagatukwa.