MAZMUR 33:4 - Allah Wene Fano Wene Hupla Inane

⁴ At Tuhan nen yi wene ti wene hilingiterek mene andoma mondogat he tiphogo nek hilingitere'ma re, At awene melalek andi re eberogo mene anggikhi logogun.

MAZMUR 33:4 ပူးပေါင်းရင်းမြစ်များ

KEJADIAN 24:27

”Noe Abraham eisena Tuhan fogethafi lagi o, neisena. Haren wo'narek noe Abraham ogogwi agaila'lak inaiba yoma wagendik, an noe ane hologo hendawi hundik welagendek a'nogo nen hendawiraten hiigi o,” iluk yagatikhe.

MAZMUR 119:128

Andiba an he Haren yi'nogo hilingiti logoino iluk yaganisegen mene andoma higithogo hilingiti logolik inobabut kwanirogo hilingiri'lagwi mene andoma re an nen nabiret fisikhi lagi.

MAZMUR 119:75

Tuhan neisena, wene Haren tegeti lagen mene andoma re we katokhogo nek tegeti lagen hilingi'mo re an mondogat nelu o, Haren we tiphogo nek hilingiti lagen a'nogoba re an wene noba fegen o.

MAZMUR 12:6

Oba nen At Tuhan nen ikhi logolik, ”Afuni inenggi lek mene enggin-fenggin hilingfisigik, afuni weak-peakhogo welagaikharek mene inom wene palhik, hilingfisugunem, iren ninoba fanorogo nek logoilo ago, iluk anggagarek mene andi, yogondak An nen hilinginabigiluk arat waga lagi o,” ikhe.

MAZMUR 19:8

Nineisena Tuhan nen komotninafikhe wene andi re, higit mondok werek. Wene andi nen inendawinggen agaiyeget fikherek. Tuhan nen wene yi'nogo ti'nogo melalogo fesikhe mene andoma re mondok-mondok logogin mene. Afuni inendawinggen abirengge mene re, wene andi nen inendawimo kagalherek.

MAZMUR 25:10

It afuni nen ambi At Tuhan nen abok wene warisasikhe mene omanogoba inom, At Awene melalek oba inom, hologo nek hilingitu werek halok he, Aren ogo endawi hundik oba inom tiphogo nek hilinginaferek meneba inom, hilinginafu mondok werek.

MAZMUR 96:13

At Tuhan ebe o kweangma melalinabigiluk wagunem, Aren he afuni kweangma werek mene katokhogo nek endawi fanoba inawene pilinget fuluk higithogo ayo wurinabigin o, isikhe.

AMSAL 30:5

At Allah re wene warisikherek mene omanogo tiphogo nek hilingiterek, athe afuni At awea'ma hina'lasi wagaikharek mene andoma inobaget inasing itarek hakhogo kwe palengge higit werek.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

MIKHA 2:7

Nit afuni Israel mene re Tuhan nen homan ninoba fikhemo welago nogo a? At Tuhan nen a'nogo hilingninabu hak nogo? Lego. At obabut he, afuni inobabut fanorogo hilingitarek mene inoba ane sakhorogo yagaisikherek lek iluk a? Yagaisikherek enego,” iluk yaganeri'lagwi.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

ROMA 7:12

Wene Allah nen komotninafikhe wene andi re, Allah ane aro. ”Yi'nogo hilingisugun lek, ti'nogo hilingisugun lek,” iluk komotninafikhe wene andi ebe lombok he, at ane aro. Wene andi higit fano mondok isikhe uok.

ULANGAN 32:4

Nineisena Tuhan, omamerogo hinebikhit agarek mene, Aren yi mene ti mene, katokhogo nek hilingiterek, mondok higithogo nek hilingiterek, Nineisena Allah obabut he, obokhogo herakninobagaikherek lek, weak ekhe hilingiterek legat, at fano nek hilingiterek, eberogo mene nek hilingiterek.

TITUS 1:2

At Allah nen, yi mene ti mene oan elalhi'lek logolik, nit afuni faget mel isikhe: ”Afuni an nen elalinabimbik he, inebe ineluk mondok logouwageluk, fano hilinginabigin,” iluk, abok isikhe andi, ”Eranen ikherek lek,” iluk ninendawimo eberek logolik, ebe wene yagaisikhi lago andi.