MAZMUR 33:3 - Allah Wene Fano Wene Hupla Inane

³ Nineisena Tuhan faget wuni ket mene felalogo, pinggong kecapi aneba fanorogo watik, hinendawimo hinagaiyetik hikhi logolik, a'mit suphogo awuni wati logoino o.

MAZMUR 33:3 ပူးပေါင်းရင်းမြစ်များ

1 TAWARIKH 13:8

Nen, at Daud inom it afuni Israel mene inom he, fogoil hilik inagaiyek oba wuni wulagaisogo hilingirik laga logolik he, Allah legeisogo fikhi lago iluk he pinggong enu kecapi, rebana, simbal, trompet omanogoba warik laga lagaukwa.

1 TAWARIKH 15:22

Hun Kenanya andi re pinggong watu mene faget he, elu mondok welagaikhemo re it inunggulenu Lewi inap pinggong warik lagu mene a'nogo inoe kepala hakhogo re at menfesukwa.

1 TAWARIKH 25:7

It inagainafuri inebe 24 en andem inom, it inagaila'lak inebe fenakwe inom, andi re pinggong watu mene faget mondok milil-melalsek welagaukwa inap. It ap inebe lambulogo re 288 nen mene welagaukwa andi.

2 TAWARIKH 34:12

Ap o weak agaikhemo pugunetukwa inap andem he mondok higithogo nek hilingiti lagaukwa inap. It inebe yabu hilingitunem melalinafi logouwageluk he it ap Lewi mene inebe enggaminogo mene (kepala) menfisasikhe. It Lewi inap andem he: It inunggulenu Merari mene nen he, Yahat inom, Obaja inom, nen it inunggulenu Kehat mene nen he, Zakharia inom, Mesulam inom, andem menfisasikhe. It ap Lewi inap pinggong watu mene mondok inelu-pinelu inap omanogo re,

MAZMUR 144:9

Allah neisena, an nen Hat hobaget wuni ket mene ikhi logogin. Wuni ikhi logolik pinggong kecapi ba wati logogin.

MAZMUR 149:1

Wuniba Tuhan fogerasuok! At Tuhan faget wuni ket mene wa'ni! Afuni At againafuri andogore'ma andoma nen At fogera'ni!

MAZMUR 40:3

Kilingelema wea'ma andoma higit were'ma nen fesi mondok lou'lakse'ma andoma higit were'ma Aren lisogo wo'nafesik, neisok helep oba fanoma andoma fanorogo fuluk laga logouwageluk nobagaikhemo welagi o.

MAZMUR 40:4

An nen wuni ket mene wati logolik, wuni nit nineisena Allah a'nogo fogeratu awuniba fogerati logouwageluk, Aren yaganeterek. Afuni mondogaren ineilenggen nealuk inailo a'luk he, inendawinggen Tuhan oba tibet fogoin o.

MAZMUR 96:1

At Tuhan obaget wuni ket mene wulak fuluk ikhi logoni, hit afuni o kweangma mondogaren he At Tuhan obaget awuni wati logoni.

MAZMUR 98:1

Wuni. At Tuhan nen elalin hilingisu elo'lek mene hilingiterek andi nen he At obaget wuni ket mene wulagaisogo wati logoni! At onggwarek esin logolik omame werek andiba re, telinaferek mene a'nogo At ebikhit hilinglagama werek.

YESAYA 42:10

Wuni ket mene Tuhan faget felalogo ini o, Hit afuni kweangma welagep mene mondogaren he, Arenek fogera'ni o! I laut inom, elonggoma werek mene inom, yi awi ti awi yatkwe-yatkwe welagaikharek mene inom, inebe mondogat At faget fogerasuogeluk andogosi we'ni o!

EFESUS 5:19

Hit-hit wene hinane mati logolik, Allah wuniba inom, Allah fogeratu awuniba inom, Mazmur Daud en felalogo wati lagikhe awuniba inom, hinendawinggen oba nenat hinagaiyegeti logolik Tuhan fogerati logoino.

KOLOSE 3:16

Afuni inangge hokhorogo were'ma inalong welagaikharek hak, hit he, Kristus ane andiat hinendawinggenma ninghogo fakhaluk logolik he, hinendawimo kagalogoat, hit-hit wene komo-komo aga logolik, wene hiren yagaisigik, iren yagahisigik, ikhi logoino o. Yagaisikhi logolik he, Allah faget wuni Mazmur endawi watik, Allah fogeratarek awuni watik, Allah Areagun en hinendawimo kagalhunem, wuni felalogo watik, ikhi logolik he, hinendawinggenma nen Allah hai wati logoino o.

WAHYU 14:3

A'nogo inane hokho ikhi logolik, Allah ebe kain welagarek mene obuluk oba werek kwelek, it aren elalinafikhe mene ekhe inebe enggaminogo omanogo inom, ap inaluendek omanogo inom, ineilhanem wuni ket mene felalogo it afuni fena yanggulhi'lek inonggot, we, it afuni inebe 144.000 kweangma nen arat telinafe mene omanogo nek inelumo watunem inane nesanggo holhi.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.