MAZMUR 33:2 - Allah Wene Fano Wene Hupla Inane

² Hinambinggong kecapi aneba hineisena Tuhan hai watik, fogeratik, ikhi logoino o.

MAZMUR 33:2 ပူးပေါင်းရင်းမြစ်များ

2 SAMUEL 6:5

A'nogo wagunem, at Daud ebe inom, afuni Israel mene mondogat inom, Peti a'nogo elokhoma attagat waga logolik, wuni nineisena Tuhan fogerasuogoluk, yi pinggong ti pinggong gitar hokho mene inom, gitar endep mene inom, inenggi nen watarek mene iwak hangge mene inom, ane lelo'lelogengge watarek mene ebe mage mene inom, piring hangge hokho mene inom, wati logolik wuni inomamerogo warik wagaukwa.

1 TAWARIKH 15:16

At Daud en it Lewi inap inogogwi melalinafu mene omanogo inoba yagaisikhi logolik he, ap it inunggulenu mene fena nen wuni wulak fuluk, inagaiyek oba pinggong kecapi inom, simbal inom, warik wesuageluk yagaisasikheat.

1 TAWARIKH 15:28

It afuni Israel mene inebe mondogat ogore Peti Wene warek a'nogo pia'luk o Yerusalem fei wagunem andi re inagaiyegen a'mit suphogo re trompet a'nogo futik, nafri watik, simbal pirenet engge tololang etik, kecapi kong etik, hilingirik wagalagaukwa.

1 TAWARIKH 25:3

Hun Yedutun amlogomi inebe falfaligen andem inenure: Gedalya inom, Zeri inom, Yesaya inom, Simei inom, Hasabya inom, Matica inom andem. It ineisena nen melalinafunem a'ma logolik he, iren he Allah nen ugu mene a'nogo waluk, inambinggong kecapi kong eti logolik, wuni Allah fogeratarek awuni igik, hai watu awuni igik hilingiti logolik yagaisikhi lagaukwa.

1 TAWARIKH 25:6

Hun Heman againafuri inebe mondogat andi re iren pinggong enu simbal, kecapi, gambus inom, andoma it ineisena nen melalinafu kwelek, Tuhan Awi wuri'mo omanogo Tuhan faget wene kabogetunem wati lagaukwa. It Asaf inom, Yeturun inom, Heman inom, andem he at raja nen ikhi logolik, ”It yabu yi'nogo hilingiti logogun,” iluk ugu mene omanogo higithogo nek hilingiti lagaukwa.

MAZMUR 144:9

Allah neisena, an nen Hat hobaget wuni ket mene ikhi logogin. Wuni ikhi logolik pinggong kecapi ba wati logogin.

MAZMUR 149:3

Mulugeti logolik At enu fogera'ni, hiren no kecapi inom, rebana inom oba fogera'ni!

MAZMUR 71:22

Neisena Allah, Hat he tiphogo nek hilingiti logolik welagen andiba re, an nen wuni pinggong gambus oba wati logolik fogethafu welagi. Afuni Israel mene ineisena Allah mondok horek welagen mene neisena, an nen he Hat hobaget wuni fogethafarek awuni pinggong kecapi kong eti logolik fogethafi logogin.

MAZMUR 92:3

Hat hendawi hundik hilingninafi lagen mene a'nogo faget he o huberat ineluet figik, nen Haren tiphogo nek hilingiti lagen mene a'nogo faget he o hubanggo ineluet figik,

MAZMUR 92:4

gitar agale nomolo nen hilingik mene a'nogoba kong etik, pinggong gambus inom kecapi inom watik, ugu kwelek agarek mene andi re hilingisu higit obaat hilingiti lago o.

KELUARAN 15:20

A'nogo sebelinafikhemo, at he Miryam Harun oe ebe Allah ane yagaisikhi lagaikhe mene nen angge e anggwe folelek mene fothugunem ane ikherek mene wanhikhemo, hemi ekhe mondogat inangge e anggwe folelek mene wanhukwasik fothikhi logolik, inom wuni lagik-wagik watukwa.

WAHYU 14:2

A'nogo logolik, inane pogoroba nen he, i hut hokho mene ane hangge igik, unggunggu ane hokhorogo ikherek hangge igik, it afuni ekhe gitar watarek mene nen ebe watunem ane ikherek hangge igik, inane hokho ugunem nesanggo holhi.

WAHYU 5:8

A'nogo enggimo wanhunem he, it Allah nen elalinafikhemo ineluk welagaikharek mene ekhe inebe 4 en omanogo inom, ap inaluendek inebe 24 en omanogo inom, Domba Eak a'nogo awe a'ma kuluk ineindep awi yagaisogo fogerati lagaikha. A'nogo fogerati logolik, it ap inaluendek omanogo inebe lombok gitar hangge mene inom, kemenyan amusu iwak emas mene hilingik meneba hinago mene inom, inenggimo fisogo logolik endawi wati lagaikha. Kemenyan andi ebe re, Allah againafuri samban agarek andi aro.