MAZMUR 33:1 - Allah Wene Fano Wene Hupla Inane

¹ Hit afuni Allah ane higithogo hilingiti lagep mene yi sani! nineisena Tuhan nen fanotninaferek andi nen he, hit At ane hologo hilingitilagep hinaben At fogerasugun obaat, hinendawimo hinagaiyek oba, a'mit suphogo wuni wati logoni o.

MAZMUR 33:1 ပူးပေါင်းရင်းမြစ်များ

MAZMUR 118:15

Nineisena Tuhan, At omame mondok hokho mene a'nogo At againafuri inoba hilingfikhemo inomame agaikhasik, inawi su mene wuri'mo o silikwe omanogo inagaiyegen wuni wari'lagwi andi hinesanggo holini!

MAZMUR 135:3

At Tuhan ebe fano andi nen he, Arenek fogerati logoni, At endawinggen lebeksek andi nen he, At enu nek seralhu logoni!

MAZMUR 147:1

Tuhan fogerasuok! At fogerati logogun andi re mondok fano, nen At obaget wuni warogo fogerati logogun mene andi re ninagaiyek oba fogerati logouwok!

MAZMUR 32:11

Hit Allah ane higithogo hilingiti lagep mene yoma sani, nineisena Tuhan nen fano hilingninaferek andi nen he, hinendawimo hai higik, hinagaiyegetik ikhi logoni o. Hit afuni hinendawinggen sakhorek logolik Allah ane hologo hilingiti lagep mene yoma re, hinebe mondogaren hinendawimo hinagaiyek oba a'mit suphogo wuni wati logoino o, iluk wuni watikhe.

MAZMUR 97:12

Yago, hit afuni hinendawimo higithogo hilingiti lagep mene re, At Tuhan nen hilingiterek mene andi faget hinagaiyegeti logoni o, nen At Allah horek mondok welagarek mene andiba hai wati logoni.

AMSAL 15:8

Tuhan nen he, afuni ekhe inobabut fano hilingitarek mene nen samban ugunem inane esanggo holherek. A'nogo meneat he, it ekhe inobabut weak mene nen yi mene ti mene At faget fisugunem abit anggikherek.

ROMA 3:10

Allah nen a'nogoat isikhemo, lisu palogo fikhi logolik, mel isukwa: ”Afuni inobabut higit hilingitarek mene ekhe lego. Misigat halok ekhe legaro.

ROMA 5:19

Ap misigaren Allah ane hologo hilingiti'lek weak hilingitikhe andiba re, afuni inebe hokhorogoat weak hilingirik wagaikharek andi hak, ap misigaren, Allah ane hologo hilingitikhe andiba re, afuni ninebe hokhorogoat wene ninoba mene korogo wokhasikhemo Allah endawimo amolo mene hilingiti logogun andi.

FILIPI 4:4

Halok he, nerugwi nagaila'lak. Hit ninoe Enupogot hinom hundik logolik, hundik-handigat hinendawimo hinagaiyegetu mondok logoino o. Hobuk nane hebekhogo yagahisagat. Hinendawimo hinagaiyegetu logoino o.