MAZMUR 32:11 - Allah Wene Fano Wene Hupla Inane

¹¹ Hit Allah ane higithogo hilingiti lagep mene yoma sani, nineisena Tuhan nen fano hilingninaferek andi nen he, hinendawimo hai higik, hinagaiyegetik ikhi logoni o. Hit afuni hinendawinggen sakhorek logolik Allah ane hologo hilingiti lagep mene yoma re, hinebe mondogaren hinendawimo hinagaiyek oba a'mit suphogo wuni wati logoino o, iluk wuni watikhe.

MAZMUR 32:11 ပူးပေါင်းရင်းမြစ်များ

MAZMUR 125:4

Tuhan nineisena, it afuni fano hilingiri'lagwi mene inom, nen inendawinggen sakhorek mene inom andoma inoba Haren fanorogo nek hilingfisikhi logogin o.

MAZMUR 32:2

It afuni weak hilingitarek mene Tuhan nen, inaweak oba ebeti'lek herak fisagain mene inom, it ekhe ineranen wene lalinafu aple inabit mene inom, inendawimo inagaiyek hikhi logouwago.

MAZMUR 33:1

Hit afuni Allah ane higithogo hilingiti lagep mene yi sani! nineisena Tuhan nen fanotninaferek andi nen he, hit At ane hologo hilingitilagep hinaben At fogerasugun obaat, hinendawimo hinagaiyek oba, a'mit suphogo wuni wati logoni o.

MAZMUR 5:11

It inonggwaregen wene melalfuluk hilingiri'lagwi mene andomaba inebe alomat lakhoakhogo re, neisena Allah Haren wene inoba fein o. Iren Hat hane sagalogo fuluk hilingiti logolik weak hilingiri'lagwi mene re mondok hokhorogo hilingik andi nen he, it inebe silogo wulakfisan o.

MAZMUR 64:10

A'nogo hilingitunem he afuni inailo nek agarek, iren he At Allah nen hilingiterek mene a'nogo faget ebetik, nen Aren hilingiterek mene omanogo fagetik, agarek.

MAZMUR 68:3

Endu so'le furogo palogo lek agarek a'nogo hak, At Allah nen it inebe mugusogo lakfisikherek. Nen, hendali nolfugunem endu nen ubun-ubun lek agarek a'nogo hak, afuni weak mondok hilingitarek mene andi ogore At Allah elokhoma nen a'nogoat lek agaikharek.

MAZMUR 7:10

Hat hebe re Allah mondok katokhogo hilingitu mene logolik, afuni inendawimo hilingik mene inom, inunggul oa'ma wenggelharek mene inom isikhi lagenma re, it afuni Hat hane sagalogo hilingitarek mene andi legetfisaluk he, it afuni fano hilingitarek mene halok it andi inendawinggen wuriget fisan o, neisena.

MAZMUR 97:1

At Tuhan andi re ebe Raja hilingi'mo re kweang en agaiyegetik, i alonggen kwe andoma nen inanggilugetik, ikhi logouwak.

MAZMUR 97:12

Yago, hit afuni hinendawimo higithogo hilingiti lagep mene re, At Tuhan nen hilingiterek mene andi faget hinagaiyegeti logoni o, nen At Allah horek mondok welagarek mene andiba hai wati logoni.

MAZMUR 98:4

Yago, hit afuni o kweangma yoma welagep mene mondogaren he At Tuhan obaget a'mit suphogo hinagaiyegeti logo'ni! Hiren hinagaiyegeti logolik wuniba Tuhan ebe fogerati logoni.

ZAKHARIA 4:7

Nen, hat helokhoma andoma tom hokho mene kwe palek logogin oba nen ogore, higilogo laga logogin o. An Nawi a'nogo re haren wusigin, harenat helep attak-attak mene ubule fagain sambul andi re afuni nen ikhi logolik, ’Mondok fani-fanorek agi!’ ikhi logogun.” iluk yaganetunem higi.

ROMA 5:11

Mene re, andi nek fuk. Ninoe Enupogot Yesus Kristus hilingitikhe andiba, Allah ninom hobuk ninambotkwe hunogo ninobagasikhemo ninom fano welago andi nen he, ninendawimo ninagaiyek hikhi lago.

ULANGAN 12:12

O hit logogun oba andoma, it afuni Lewi mene kweang ekhe eise asugun lek andi nen he, it inebe hit hinaiba kota lombok logogun mene inom, hit hinebe inom, hinagainafuri inom, hinamingmingengge inom, hinom lambukhogo nen nineisena Tuhan eilhanem hinendawimo hinagaiyek hikhi logoino o.

FILIPI 3:1

Nerugwi nagaila'lak. Wene andi yagahisagen he, ninoe Enupogot hinom hundik logolik, hinendawimo hinagaiyek anggikhi logoino, igi andi. It ekhe nen weaget hinafi'lek hinebe fano logobagaigeluk, wene attak lisu palogo lakfei wagagi meneat, nambe senap agi'lek hobuk nane ekhe inomat yagahisagain aro.

FILIPI 3:3

Nit he, ninagap ninenggalimo mene arat palek logou hak, ebe meneat hilingiti lago. Allah Areagun en ninendawimo kagalhu kwelek, Allah ebe fogeratik, Kristus Yesus ninom hundik welago, iluk, fogerakhigik, ikhi logolik he, yi wene ti wene ninagap endakwe yi faget hilingitorek andiba fanotninabigin iluk anggikhi lago lek.

FILIPI 4:4

Halok he, nerugwi nagaila'lak. Hit ninoe Enupogot hinom hundik logolik, hundik-handigat hinendawimo hinagaiyegetu mondok logoino o. Hobuk nane hebekhogo yagahisagat. Hinendawimo hinagaiyegetu logoino o.

1 SAMUEL 2:1

At Hana nen Allah fogerati logolik, samban oba mel isikhe: ”Neisena Tuhan nen fanotnafenma nendawimo nagaiyek hikhi lagi o. Haren hilingitendek mene andi re, nendawimo nagaiyek anggigirek mene nek hilingiti lagen o. Hat neisena Allah nen lebetnafenma, nendawimo nagaiyek oba it naselei mene nen inane asegen wo'nabi'lagwi mene omanogo re, an nen ogo pilibinafi logogin aro.