MAZMUR 32:10 - Allah Wene Fano Wene Hupla Inane

¹⁰ Afuni weak hilingitarek mene re, yi enggin ti enggin inoba hokhorogo wagarek. A'nogo meneat he, it ekhe inendawinggen nineisena Tuhan oba himbirik welagaikharek mene re, inebe endawi nen he, ferinarek mondok werek.

MAZMUR 32:10 ပူးပေါင်းရင်းမြစ်များ

MAZMUR 11:6

Afuni weak hilingitarek mene halok he Aren enggin-fenggin ekhe mene-ekhe mene inom, endu oba inom, helebenggen endu meneba inom, nen sogoi aganhan nen nolinaferek meneba inom unggum inoba fikherek.

MAZMUR 140:11

Aren it inebene endu enggen puleli laga logouwak, nen it inebe kiling ele wa'lagaikharek meneba pelakfisamo hobuk ineluk asinogo.

MAZMUR 146:5

It afuni ineisena Tuhan Allah oba inendawinggen himbitfuluk hilingiri'lagwi mene andoma re inagaiyek hikhi logouwak, it leberinafu mene re at Yakub eisena Allah andi hilingfuluk werek mene andoma re inagaiyek anggikhi logouwagat.

MAZMUR 147:11

We At Tuhan he it afuni At oba inailorogo logolik hilingitarek mene andi inom, nen afuni Aren endawi hundik hilingninabuageluk oba eberek werek mene andi inom, inoba nek he agaiyek mondok werek.

MAZMUR 16:4

Afuni ekhe nen, tugwi kembu fogeratu werek mene andi re inendawimo heiselek mene ekhe inomat heisel aga logouwak. An he yi mene ti mene tugwi kembu faget waretu aple re nabit, nen it inenu hombuk palhu aple ogore nabirat.

MAZMUR 2:12

At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.

MAZMUR 34:8

It afuni Tuhan ebe inailorogo logolik ane hologo hilingitarek mene re, At agoromi malaikat en kwelaginarek werek, nen it andi weagerinabigiluk ugunem telinaferek.

MAZMUR 40:4

An nen wuni ket mene wati logolik, wuni nit nineisena Allah a'nogo fogeratu awuniba fogerati logouwageluk, Aren yaganeterek. Afuni mondogaren ineilenggen nealuk inailo a'luk he, inendawinggen Tuhan oba tibet fogoin o.

MAZMUR 5:12

It afuni Haren hawea'ma fisaluk ferinarek werek mene re inagaiyek haluk, mondok-mondok inanggilugeti logouwak. It afuni Hat hoba inendawi hundik anggaluk hilingiri'lagwi mene andoma re Haren ma'murogo ferinarek logoin, iren Hat faget enek inagaiyegeti logouwak.

AMSAL 13:21

It afuni inobabut weak hilingitarek mene andi, weak mene inoba agu mondok welagarek. Nen, it ekhe inobabut fano hilingitarek mene andi, yi mene ti mene helikhi logolik inendawimo inagaiyekhogo nek welagaikharek.

AMSAL 16:20

Wene hat hoba yagahetu mene andoma fanorogo futfikhi logogin halok he fano mene andoma hat hoba aga logogin. Tuhan oba hendawinggen tibet fuluk logogin halok he hat hebe mondok fanorogo hagaiyekhogo logogin.

PENGKHOTBAH 8:12

Ap weak enek hilingitarek mene nen weak ero seratus nen hilingirik lagain meneba nen ogore at ebe eluk uanhogo werek. Oba nen he ap Allah faget inailo anggagarek mene halok he ineluk fano inagaiyekhogo nek logogun.

YESAYA 3:11

Oba nen ap inaniniba nek hilingiri'lagwi mene andoma re, iren afuni amu mene inoba hilingfisili'lagwi andi hakhogore it inoba ogo a'nogo hilingfisagain enggere inaplurogo logouwak.

YESAYA 57:21

Ap weak enek hilingitarek mene re inendawinggen fano serogo welagaikharek lego,” iluk Tuhan nen ikhe isikhe.