MAZMUR 31:7 - Allah Wene Fano Wene Hupla Inane

⁷ Afuni tugwi kembu fogeratarek mene re Haren habiret fisikhi lagen, oba nen he, an enek he neisena Tuhan hoba nendawinggen tibetfuluk welagi.

MAZMUR 31:7 ပူးပေါင်းရင်းမြစ်များ

NEHEMIA 9:32

Hat Allah homame mondok hokho, elalin inailo mene hilingitendek mene, neisena. Hebe ninoba lombokhogo logolik, yi'nogo hilinghinabigin, iluk wene Watnisasigin mene andi sagalasinogo, iluk higithogo hilingninafendek andi, neisena. Afuni Asyur mene inogogwi raja nen nit ninoba yi enggin ti enggin hilingninafi lagaukwa andi huli nen yogondak huli re, yi enggin ti enggin mondok weak hugu welago, neisena. Andi nen he, nit ninogogwi raja inom, ap imam inom, hane yaganisagarek mene inom, ninogogwi kaindek inom, ninombalak inom, afuni mondogat inom, yi enggin ti enggin andi mondogat hugu welagorek, neisena. Ma re, nit yi enggin ti enggin hogorek mene andi mondogat ninoba hendawimo nen honggoragi'lek eberek mondok logoino o, neisena.

AYUB 10:9

An nebe kweang tangge meneba elalogo nobagasigin a'nogo wenggel han! A'nogo hilingisogo nobagasigindik meneat he, yogondak Haren an nekhengge kweang aling higit asuageluk hilingnafi lagen a?

AYUB 23:10

Ariginik kwelek he an kwe laga-lagi mene a'nogo At mondogat elurek, nen an nen ikhi lagi mene andoma ogo At eluregat. Afuni emas eil fano mene yi emas ebe mene a, athe amu mene a? iluk halhagarek a'nogo hakhogo an ogo andi hak halogo nobagaumo nen he, an nendawimo weak mene legengge mondok pugunsek welagi mene a'nogo weinam asu hak.

MAZMUR 1:6

Andi re, At Tuhan he afuni at ane hologo hilingitarek mene andi, at awe a'ma fisaluk ferinarek welagarek. A'nogo meneat he it inobabut weak hilingitarek mene andi, alomat lasugun oba andoma louwogeluk hilingitarego.

MAZMUR 10:14

Ariginik oba nen he, Haren heilenggen mondogat isikhi lagen, Haren he afuni enggin-fenggin hugu werek mene inom, anggolorogo hikhi logolik werek mene inom, futfisikhi logolik, leberisagain iluk fik-foukhogo nek welagen. Afuni it inamu nen hilingisu elo'lek mene re inebe Hat hoba wokhetarek, nen Haren he afuni inenggi lek mene hundik handik leberisikhi lagen.

MAZMUR 119:153

Hat hawene melalek a'nogo an nen ekhe herakfigi'lek hilingiti lagi andi nen he, an weak welagi mene andi heilenggen kumutnealuk nagap telnafi logoin o.

MAZMUR 13:5

It naselei mene nen ikhi logolik, niren omame leget fogo, iluk yaganetik, nen an nalo-halo ugunem iren endo ya'nafik, uageluk herak nobagagun o, neisena.

MAZMUR 142:3

At elokhoma nen he neneik yabati lagi, an nen enggin-fenggin hikhi lagi mene omanogo mondogat At oba yagati lagi.

MAZMUR 25:18

Nendawi fit lagu nen hilingiti lagi mene andi inom, enggin-fenggin hikhi lagi mene andoma inom, Harenat fut nobagaluk, naweak mondogat legaphogo nobagain o.

MAZMUR 71:20

Haren he an noba enggin-fenggin hokhorogo hilingnobagakhi lagen, oba nen he, Harenat an nebe fano hilingnobagagin o, nen an nebe ap warek mene salinafuba nen neluk mennobagagin aro.

MAZMUR 9:13

A'nogo hilingiti logogun andi re, it inoba yi enggin ti enggin hikhi logolik were'ma inom, yi ou ti ou hikhi logolik were'ma inom Aren inoba onggoragi'lek eberek mondok werek andi nen, it afuni ina'mageba hilingitarek mene andoma re Aren unggum wogisikherek.

MAZMUR 90:14

Nit ninebe nineluk logolik, ninendawimo ninagayetik, wuni watik, ugu mondok logouwageluk, sumburu inalabut ninghogo nenggarek andi hak, o hundik-handik andoma ohealek hup siakhogo hokho-pokhorogo hendawit ninafi logoino o, neisena.

YESAYA 43:2

An he hit afuni Israel mene hineisena Tuhan Allah tegelek mondok logolik, hinebe telhinafirek mene a'nogo nen hat hebe fetharek logogin andi nen he, hat hebe i obakhe tekhogo palhik, i som lagik, ugunem i nen wokhabigin legat. Nen, endu amulok anggelekwe lagain mene re, hebe endu nen nagain legat. Nen, yi wene ti wene enggin mene hoba asigin mene re, andi nen hebe weaget habigin legaro. Hat hebe hagap telogo re afuni Mesir mene fisigimo werek, nen afuni Sudan mene inom, Syeba mene inom he, hat hobali'mo inebe inoasuagaluk fisigimo werego.

YESAYA 49:13

At Tuhan againafuri koninabigiluk waga logolik, At unggulenu mene yi enggin ti enggin inoba fugu werek mene endawirinabigiluk weri'lago andi nen he: Hat pogot yi, wuni wulabin o, hat kweang yi re, hagaiyegesin o, hit tom-tom oma re, hinagaiyegen hinanggilukhogo hilingiti logoni o!

YESAYA 63:16

Hat he nit nineisena lek nogo? Nit nineisenaat welagen o. Abraham inom Yakub inomen he nit he inonggot meneat he, nineisena Tuhan Hat enek he, nit nineisena welagen, o eroma nen engge ninagap telninafendek mene welagen.

YESAYA 63:9

it inoba enggin-fenggin hagarek mene a'nogo re At oba aga. Tuhan ebe nenat it inebe telinabi waga, nen inobali'mo iluk ap yonggo lakfisagarek andi hak lak fisa wagi'lek. At amu nenat it inelagaik isaluk endawi hundik hilinginafikhesik he fikhalogo fisasikhe. Attagen engge Aren hambogoisogo woginafik, agaumo felikhogo woginarek lagik ikhi laga.

YEREMIA 33:11

Oba nen he o andoma bene re inane inagaiyekhogo agarek mene inom, inamolorogo agarek mene inom, afuni iginafi logolik inane agarek mene inom, holhi logogun. Nen afuni nen An nobaget hai warogo noba waluk lagu mene iluk inangge fugu mene waluk laga logolik wuni ugu mene ogore inesanggo holhi logogunat. Iren ikhi logolik, ”Tuhan Omame Mondok Hokho mene andi oba hai wasuok, At mondok fano logolik endawi hundik oba nek hilinginaferek mene andi re etok mondok logogin mene hilingi'mo re oba hai wasuogo ikhi logogun. O kweang yiba re An nen attak hilingik welaga hak sik-pikhogo hilingfagain o. Iluk An Tuhan nen nane mondogat igi,” ikhe.

RATAPAN 3:50

neisena Tuhan hebe pogoroba nen nit fut ninobagagin oba asigin.

RATAPAN 5:1

Tuhan neisena, nit ninoba hilinglaga mene ari faget futninobagain o, nit mondogat sebelek mene hangge agosik welago mene yi faget heilenggen wo'ninabin.

1 KORINTUS 8:3

A'nogo meneat he, at ekhe nen, Allah ebe endawinggen hundik halok he, Allah nen at andi ebe elu o.

GALATIA 4:9

Mene re, an nen he, ”At Allah hinebe elu welagarek,” iluk uwem, ”Hit yogondagen Allah ebe hinelu agep,” iluk igi andi. Halok he, hit hinonggwaregen munggwarengge obabut weak omame lek mene, eilmo lek mene, andi oba hobuk hinambotkwe awe a'ma kuogeluk ikhi lagep andi, nenahalok.

2 TIMOTIUS 2:19

Mene re, Allah nen o tik hak watikhe mene ningsek mondogat logogin andiba lisu mel iluk palek werek andi: ”Ninoe Enupogot onggwarek againafuri wenaginafikhe mene andi inebe elu o,” iluk isikhe. Nen, wene ekhe re, ”It ekhe nen he, An nebe ninoe Enupogot amlogo aro, iluk, ili'lagwi mene halok, Weak hilingisugun ninabiro, iluk herakfisaluk kwanirogo helalaga logouwago,” iluk, isikhemo lisu palek werek andi.