MAZMUR 31:3 - Allah Wene Fano Wene Hupla Inane

³ an nane hesanggo hol haluk he, weak-weakhogo nek fikhalogo nobagain o. Hat hebe re an nagap telogo hina'laguba, tom helep eil silipnorek mene hak hilingnarek welagen.

MAZMUR 31:3 ပူးပေါင်းရင်းမြစ်များ

NEHEMIA 9:12

Hat hebe o linggene re, ohena anggele'ma mendek logolik woginarek wagagin andi. Nen, hubanggo re, endu amulok anggele'ma menla'luk kwe logoin kwe liarogo yat yarethilik woginarek wagagin andi.

NEHEMIA 9:19

A'nogo meneat he, haren it inoba hendawinggen hundigen, o leimo afuni le'ma andoma nen it herakfisigi'lek ferinarek mondok welagagin andi. Ohena e higit mendek andiba linggene ebekhalem woginarek wagik, nen, endu mendek andiba hubanggo inanggwe wesugun kwe omba'bak liarogo yararathilik woginarek wagik, kamo igi'lek mondok waga lagagin andi.

MAZMUR 102:3

An noba engginhogo were'ma nealuk he, Hat helokhe amu fikhit enden lasu fuk. An nen henu hombuk palhu halok he hesanggo holnafi logoino, Haren onggo weak weakhogo nek yaganeti logoino.

MAZMUR 116:2

Telnabuagaluk hundik-handik ayonggo fugu were'ma Aren nane esanggo holherek,

MAZMUR 139:24

An noba weak mene ekhe werek halok, Haren heilenggen nealuk he, ineluk mondok welagaikharek oba louwogoluk lagaikharekwe wo'narek laga logoino, iluk wuni watikhe.

MAZMUR 18:2

Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

MAZMUR 25:11

Tuhan neisena, an naweak hilingiti mene mondok hokhore'ma re, Haren wene watneten higithogoat naweak lek hilingisogo nobagain o.

MAZMUR 25:5

An nebe Hat hendawimo anggikhi lagen mene higithogo nek hilingiti logouwageluk yaganetik, yanggulnafik, in o. Allah an nebe telnafi lagen mene re we Hat hamu welagenma re, an nen Hat hoba nek nendawinggen eberek mondok welagi o.

MAZMUR 25:9

It afuni inendawinggen sebel fakhaluk hilingitarek mene re Tuhan nen halogo woginarek nikherek, nen iren he At endawimo anggikherek mene hilingiti logouwageluk yagaisikherek.

MAZMUR 43:3

”An nambotkwe honggwarek handom Sion oba, Hat hawi wuri'mo welagen oba andoma lagen he, Hat hobabut fano enago a'nogo nen, hebe esage hangge seleget nabi wesimbik wo'narek lanogen,” iluk hayonggo fikhi lagi.

MAZMUR 71:3

Nen an nebe werek oba re, Hat hebe tom eil silipnorek mene hak hilingik welagen o, an nebe telnabigiluk kagalnarek welagen menere Hat hebeat welagen o. Hat hebe andi re, tom helep mene andi higit ha'ma sebelogo fetnarek logolik kagalnarek welagen mene o.

MAZMUR 79:9

Nineisena Allah, Hat he ninagap telogo ninobagagu mene welagenma re nit lebetninabin o, Hat honggwarek halong logolik lego welagen andi hak nit ninaweak honggoret fuluk nit ninebe fikhalogo ninobagain o.

YESAYA 49:10

It he, inagai inom inamburu inom nelerogo logogun lek, nen o leimo andoma it faget hibi fululung hibi lagagin legat. A'nogo hilingisigin andi re An nen it inoba inelagaik isikhi lagimo re, it woginarek lagik, hondoginarek i elesi agai fano meneba fisa lagik, hilinginafi logogin o.

YEREMIA 14:7

An nagainafuri nen nenu hombuk palhi logolik, ”Tuhan, nit ninonggwarek ninaweak oba weak mene ninoba ari'lago o, oba nen he Haren wene watnisasigin mene a'nogo higithogo lebetninabin o. Nit he eberogo nenat nineisena Hebe oboget healuk laga lago o. Ma re niren Hat hoba weak hilingito mene andoma re eberogo aro.

LUKAS 1:79

O mummo logolik wa'lasu hak andi ninailo, iluk anggili'lagwi a'nogo o selek hilingisogo fisigik, ninonggothogo were'ma, Kwe yiba lamo hinendawinggen hambuk igin, iluk, yaganisigik, igin o,” iluk, Zakharia nen isikhe.

YOHANES 16:13

A'nogo meneat he, Allah Areagun, ebe wene ikherek mene andi wesimbik he, kwe inonggotma inelu mene nen yagaisagarek andi hak, ebe wene mondogat futfobagaigen iluk yagahisikhi logogin o. A'nogo yagahisikhi logogin andi re, wene at endawimo nen wenggelogo ikhi logogin lego. We, at esanggo holherek mene nek ikhi logolik he, hobuk hilinglasigin mene yagahisikhi logogin aro.

EFESUS 1:12

At ebe fogeratu mondok welagaikharek mene a'nogo, niren fogerati logouwageluk, ninendawinggen omanggum Kristus oba himbiret fesugu mene halok wenagaisogo wo'ninafikhe andi.

YOSUA 7:9

Afuni Kanaan mene inom, afuni amu mene o kwe yoma werek mene inomen he wene hilinglaga mene andi faget inesanggo holugun. Nen iren he nit hukhogo kwelakninobagambik nit ninebe abirengge ninoasugun logou hak! A'nogo hilingirik lagunem Hat Halong Welagen mane a'nogo ninggi'nogo halong palogo fakhegen aplerek?” iluk yagatikhe.