MAZMUR 31:2 - Allah Wene Fano Wene Hupla Inane

² Tuhan neisena, an he Hat hoba lomborogo welagimo re, afuni nen an nendawimo ale mene hilingnobagauwageluk herak nobagagun o. Haren he mondok katokhogo nek hilingiti lagen a'nogoba an nagap telogo nobagain o,

MAZMUR 31:2 ပူးပေါင်းရင်းမြစ်များ

2 SAMUEL 22:3

An nebe welagirek oba leget pa'leget omamerogo waganek mene hangge, Tuhan hebe welagen, An nebe logouwageluk helep tom eil hak he Allah hebeat welagen, nen an fano logouwagaluk Aren sing itarek hangge laberogo fetnarek werego. Nen nailo legengge logouwageluk hundik-handik fetnarek mondok werego.

AYUB 7:21

An naweak Haren honggorabethogo fou re elo'legen a? Nen weak hilingiti mene sagalogo legat fisa re elo'legen a? We eil misik wela'luk ap wa'lagu mene sal fisagarek oba omanogo wengik logogiluk welagimo re, Haren an hera'nabigin oba nen he, an longgo pising umo re hera'nabigin lego,” iluk isikhe.

MAZMUR 102:2

Tuhan neisena, an nen samban ikhi lagi mene andi hesanggo holnabin o, nane hoba ikhi lagi mene andi Hat hesanggoma asi waga logouwak.

MAZMUR 130:2

Tuhan neisena, an nane hesanggo hol nabimbik he an nen kino yagaheti mene andi futnobagain o.

MAZMUR 143:7

Tuhan neisena, an noba mondogat song ikhemo re, Haren onggo weak-weak yaganomo. An nebe ap wa'la'luk lagaikharek oba omanogo pi lagi hanogoluk, Hat hebe an noba nen hina'lasu fugo.

MAZMUR 25:2

Neisena Allah, an he we Hat hoba nek nendawimo eberogo anggikhi lagi o! Nen it afuni an naselei mene nen pelaknobagakhi logolik, nenggali warogo hilingnobagauwageluk herak nobagagun o, neisena.

MAZMUR 40:17

It hat fogethafarek mene andoma mondogaren he inendawimo hai higik, inagaiyegetik ugu mondok logouwago. Nen it telninafendek mene andi inagaiyek mene nen he, nineisena Tuhan andi re esin mondok werego iluk ugu mondok logouwago.

MAZMUR 62:7

At ebe helep tom hakhogo fetnarek welagik, nagap telogo nobagagik, hilingiterek. Nen At ebe o kota leget ninghogo waganogo kwelabek andi higit fetnarek were'ma re, an naloak nalo-halo u re lek hago.

MAZMUR 69:17

Neisena Tuhan hobabut fano logolik, hendawit nafu welagen andi nen he, nane holimbik onggo yaganom o. An noba hendawinggen hundik mondok welagen andi nen he, helokhe hebelhogo an wo'nesime o,

MAZMUR 7:2

Tuhan Allah neisena, an he, Hat hoba nagap telek welagimo re, it afuni an mu'narek mondok nikho mene oma inoba nen Haren fikhalogo wulak nobagagik, nagap telnafik, hilingnabin o, neisena.

MAZMUR 79:1

Asaf Awuni. Nineisena Allah, it afuni inunggulenu inap Hat inonggot mene omanogo re kweang Hat honggwaregen mene a'nogoba sebeli kwi wagaikhasik, iren he Hat hawi wurik mene a'nogo emetfigik, o Yerusalem a'nogo meisak langgukhogo lakfigik, hilingiri'lagwi o.

MAZMUR 86:1

Tuhan neisena, an he nenggi lek logolik nomame legat welagimo re, samban ikhi lagi mene yi hesanggo holnabimbik, onggo yaganom o.

MAZMUR 90:1

At Allah amingmingengge Musa a'nogo nen samban isikhe mene. ”Allah neisena, Nit afuni endamaren ta'larik waga logolik, hobuk ta'lasugun huli andoma faget nit ninebe hawea'ma kuluk werek oba re Hat hebeat welagen o.

MAZMUR 91:9

Nen haren he neisena Tuhan nen nebikhit aga logouwageluk oba tibet fuluk welagik, nen At Lego Mondok welagarek mene a'nogo nen awe a'ma fetnarek logogin iluk welagik, ikhi logogin andi nen he,

MAZMUR 94:22

Oba nen he an nili waganogo nebikhit agu mene re we Hat Tuhan amu nek werek, nen an nebe awea'ma nobagaluk fetnarek werek menere we At Allah amunek werek

AMSAL 22:17

An nen hat hoba komo wene ap hebelagaikharek mene yagahesigin mene andoma holhu nogo! Nen yagahesigin mene re fanorogo futfugunogo.

YESAYA 33:16

A'nogo hilingisugun lek halok he hit hinebe hinalong palogo welagik, hinailo legengge welagik, hilingik logolik hit hinebere o leget pak omamerogo waganek mene hak hilingik logogun. Hinamburu inom hinagai inom foukhogo were'ma nek logogun.

LUKAS 18:8

Lego. Weak-weagat elele woginabigin o, iluk eberogoat yagahisigi. A'nogo hilinginabigin meneat he, an abat ta'lasi wagagi a'nogo hobuk wesimbik he, afuni kweangma mene yoma ekhe inendawinggen noba himbirik were'ma isa wesigin a? Lek he a,” iluk yagaisasikhe.

YOHANES 6:56

Ap sa nen an nebe ninggik, namep ninggik, ili'logo halok he, aren an nemberek hundigat, nen, an nen, at nemberek hundigat, logogun o.

ULANGAN 32:31

Afuni Israel mene, inaselei mene nen ikhi logolik, nit fetninarek welagarek mene, it afuni Israel mene, ferinarek welagarek mene, Allah andi hangge re, lek, emberek higit he, lek, iluk it inelu werek.

1 YOHANES 4:12

Nen, Allah ebe andi re, afuni ekhe nen ineilenggen mondok higi'lek. Meneat he, nit-nit nendawi-hendawirogo logogun halok he, Allah ninom hundik mondok logoguno. A'nogo were'ma, attak Allah nen endawitninafi logolik, endawimo anggasikhe andi hagat, yi mene ti mene fano katokhogo hilingitarek andi hak, nit-nit nendawi-hendawirogo logouwageluk higithogo hilingninabi'logo andi.