MAZMUR 30:6 - Allah Wene Fano Wene Hupla Inane

⁶ At Tuhan he we elama faget obaharo agarek, oba nen he, Aren endawimo fano a'luk hilinginafi logolik werek mene andi re nineluk logogun huli andoma hilingninafi logolik mondok werek nagaiyek mene hilingnobagai weri'lago.

MAZMUR 30:6 ပူးပေါင်းရင်းမြစ်များ

MAZMUR 10:6

It inendawimo nen anggikhi logolik he, ”An nen hilingisigin mene andoma re ambisangma ekhe weagasigin lek, nen hobuk logogun huli andoma ogore ap weak hilingiti'lek welagaikharek hakhogo logogun,” iluk anggagarek.

MAZMUR 119:117

An nagap telek logolik hundik-handik Haren yi'nogo hilingiti logoino ti'nogo hilingiti logoino iluk wene melalek werek mene a'nogo futfikhi logouwageluk, henggi agorogo fetnarek logoino.

MAZMUR 126:6

It afuni ineabumo andoma, awi yasi laga logolik le arik lagaikharek mene re, enggen paluk waga logolik he, inagaiyegen inendawimo hai hilik-hilik wagaikharego, iluk wuni watukwa.

MAZMUR 15:5

Uang it ekhe elama faget wogisaluk, ”Amingmingengge ekhe inom seberogo wo'nisani,” iluk agarek lek mene inom, It ekhe weak hilingiti'lek mene inoba it andi wene inoba fouwagaluk onggo palek nenggarek lek mene inom, Afuni inobabut a'nogo hilingitarek mene andi re, hobuk weak inoba agi'lek wurep oba re, fano mondok logogun o, iluk wuni watikhe.

MAZMUR 16:8

An he Tuhan oba eberek mondok welagi. At ebe an nera'lu mondok were'ma re, an nabolok u lek hak.

YESAYA 47:7

Haren ebeti logolik he, an nebe ratu mondok-mondok logogin anggikhi lagagin, nen haren hobakhe palegat logolik hobuk hilinglasigin mene faget wenggelhikhi lagagin lek.

YESAYA 54:7

”We eil misik ya faget An nen hat hobagaluk welagi o, nendawinggen mondok hundik oba An nen hat nekhengge wokhabigin o.

YESAYA 56:12

Lugu-lugwi palik inap andoma nen ikhi logolik, ”Nit anggur hokhorogo nambik ninoba homorogo logouwogen we'ni o! Yogondak fano welagoba nen hobit enek he mondok fanorogo logogun o, iluk agarek,” isikhe.

DANIEL 4:30

mel igi: ”O kota Babel yi, egi, nailo e. Ninghogo wurik engge yi ambi! iluk An nebe nalong welagirek mene a'nogo inom, nomame hokho logolik, an nenggiba ferinarek welagirek mene a'nogo inom, nanggiluk hokho were'ma fogetnafarek a'nogo inom enek asuageluk an nen o Babel ari ibu kota logouwageluk wuti mene lek nogo?” iluk igi.

LUKAS 12:19

A'nogo fakhambik werek kwelek he, nonggwaregen komorikhi logolik, Yogo. Mo lagagik, pigik, ugu kwelek yi tahun ti tahun faget nagarek hokhorogo higithogo fakhigiri'mo fano. Yogondak set walogo logolik, sumburu ninggik, enggen amusu ninggik, ninggi logolik he, nendwimo nagaiyek hikhi logogin o, iluk, nonggwarek komorikhi logogin, iluk anggikhi lagaikhemo,

2 KORINTUS 12:7

An nen, ”Nabikanggo elalin mene neilenggen higi andi nailo e,” iluk nonggwaregen fogerakhanogo iluk he, afuni inebene alok kugunem heinet watarek hak, ou noba agunem heinet wati logouwageluk, nobagasikhemo, Iblis nen ayonggo fesikhe mene hangge noba were'ma, ninoe Enupogoren henegeisogo wulakfisoageluk nenggi henagan oba ayonggo figi meneat he,