MAZMUR 30:5 - Allah Wene Fano Wene Hupla Inane

⁵ Yago, hit At againafuri mene At oba tiphogo nek hilingiti lagep mene re, Tuhan obaget wuni fogeratu awuni nek wulak fuluk fogerati logoni, nen At Mondok Horek mene andi nek hai wati logoni.

MAZMUR 30:5 ပူးပေါင်းရင်းမြစ်များ

KEJADIAN 32:24

A'nogo wulakfisa wagaikhesik, at amunek andoma kamo isikhesik were'ma, ap mene ekhe wagaikhesik, emberek inobakhe felik yei yabik lagu kwelek enek he, inoba nen o wei igeluk isikhe.

MAZMUR 103:17

A'nogo meneat he, At Tuhan nen it afuni At oba inailorogo logolik, ”Yi'nogo hilinghinabigin,” iluk wene warisasikhe mene a'nogo, fisogo mondok logolik higithogo hilingitarek mene andi inebe hobuk ta'larik lagu kwelek, obabut fano a'nogoba, endawirinafu mondok welagarek.

MAZMUR 103:9

Aren he, mondok-mondok faget wena'nisugu welagarek lek. A'mage ninoba fugu welagarek legat.

MAZMUR 143:8

An he Hat hoba nek nendawi eberek welagimo re, o hubet ekhe sambul-ekhe sambul andoma Haren hendawi hundik hilingnafi logolik welagen mene andi faget ebetniikhi logoino. An nen samban Hat hoba yagaheti lagi andi nen he, an kwe loageluk Haren yaganeti logoino.

MAZMUR 145:10

Tuhan neisena, yi mene ti mene elalinafigin mene andoma mondogaren he, Harenek fogethafu mondok logogun. It Hat hagainafuri mondogaren he, Harenek legeisogo hobagakhi logogun.

MAZMUR 16:11

Haren he an kwe ineluk mondok logouwageluk lagaikharekwe yaganeti lagen. Hat helokhoma an nendawimo nagaiyek hokho pokhorogo hikhi logogin mene inom, nen Henggi ebekwe re mondok fanorogo logouwageluk inom hilingnobagakhi lagen.

MAZMUR 46:5

At Allah ebe awi kota esin legoma welagarek oba i ekhe elesi wulibisogo o kota Tuhan Awi mondok horek mene a'nogoba kwelabi lagunem he, o a'nogo oba fanot fikherek.

MAZMUR 47:7

At Allah faget wuni fogeratarek awuniba wati logoni! Nit nineisena Raja andi faget wuni fogeratu awuni wulafi logoni!

MAZMUR 59:16

It inebe re nunggungge herarik yi kwe ti kwe omanogo leil warik nikhi la'luk he, inoba homot lagu legen he inane kouwati logolik werek.

MAZMUR 63:3

Hat hebe hawi wuri'mo omanogo were'ma, an neilenggen tukhumhogo hebe kumut hiigik, nen Homame welagen mene a'nogo inom, fogethafarek mene a'nogo inom kumut hiigik, ikhi logogin o.

MAZMUR 97:12

Yago, hit afuni hinendawimo higithogo hilingiti lagep mene re, At Tuhan nen hilingiterek mene andi faget hinagaiyegeti logoni o, nen At Allah horek mondok welagarek mene andiba hai wati logoni.

KELUARAN 3:15

Ekhe re, yi yagaisanogen yagahesik: An he, hit hinombalak Abraham inom, Ishak inom, Yakub inom, ineisena Nenupogot Allah a'nogo nen hat hayonggo figirik it inoba lakhobagagi o. An nenu re, Tuhan Allah, iluk ugu mondok logogun mene a'nogo aro. An nenu andi re, afuni hobuk ta'larik laga logogun mene mondogaren ugu mondok logoguno.

YESAYA 12:1

Lingge ekhe weinam asi wesigin meneba re, hiren wuni ikhi logolik: ”Tuhan, attak he Haren an noba hobaharo welagen, oba nen yogondak he Hat hobaharo a'nogo arat lombuk ikhe, Haren an nendawimo konnafi lagen ma re, an nen Hat hai wathafi lagi.

YESAYA 26:20

Yago hit An nunggulenu mene yi, hit hinawilokwe kwi laluk he kwe yagarani o. Hit a'nogo kwi lambik werek kwelek enek he Tuhan anini nen hilingiri'logo mene andi palfagain o.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

MATIUS 5:4

Nen, afuni inendawimo wiik- weakhogo welagaikharek mene andi, Allah nen inendawinggen sebeligin andi nen he, inendawimo inagaiyek hikhi logouwak.

2 KORINTUS 4:17

Nit yogondak, yi enggin ti enggin hilingninabi'lagwi andi re, elama faget endebat hago. Meneat he, a'nogo hilingninabi'lagwi andiba, hobuk fogeratarek mene etok mondok logogin mene mondok hokhoat eise asuguno.

WAHYU 22:1

A'nogo yaganetemo higiri'mo nen ombo'ne re, Allah inom, Domba Eak inom, emberek kain welagaikharek oba inobulu'mo nen, i inelugerinaferek mene eil wurik weak inafumak hangge mene elesi wulibisogo re,

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.