MAZMUR 30:4 - Allah Wene Fano Wene Hupla Inane

⁴ Afuni wa'la'luk lagaikharek oba omanogo nen Harenat an ogalogo nobagakhi lagen, it afuni warek mene omanogo inanggele'ma nen Haren enek neluget nobagakhi lagen.

MAZMUR 30:4 ပူးပေါင်းရင်းမြစ်များ

1 TAWARIKH 16:4

A'nogo hilingitukwasik he, at Daud en it ap Lewi mene inebe wenagaisogo Peti Wene warek a'nogo era'lu andem en afuni Israel mene ineisena Tuhan Allah a'nogo obaget hilingisuogeluk wuni watik, fogeratik hilingitunem melalinabuageluk menfisasikhe.

MAZMUR 107:20

At Allah nen he, ”Fano ame,” ugunem, inebe fano aga lagaukwa. It inebe horogat wa'lasugun hangge were'ma, fano hilingisogo telinafi lagaikhe.

MAZMUR 132:9

Hat hagainafuri mene re, inagaiyegen inane a'mit sup ikhi logolik, wuni wati logouwak. It ap imam en he Hat hobaget inasu fano mene labesu hak Hat hendawi hamolo anggegendek mene nek, hilingirik laga logouwak.

MAZMUR 148:14

Aren he againafuri inunggulenu At onggwaregen mene omanogo inoba inomamet fesikhemo re, andiba At againafuri Israel endawi hundik mene a'nogo nen At obaget fogeratu mondok logouwak. Tuhan fogerasuok!

MAZMUR 28:1

Tuhan neisena, we Hat hoba nek an nen nane humeti lagi o, Hat he an nebekhit agu mene welagenma re, an nane ikhi lagi mene andi hesanggo holnabin. Nen, Hat hane igi'lek hafe morogo logogin halok he, an he afuni wa'lagunem salinafarek oba omanogo higit logou hago.

MAZMUR 32:11

Hit Allah ane higithogo hilingiti lagep mene yoma sani, nineisena Tuhan nen fano hilingninaferek andi nen he, hinendawimo hai higik, hinagaiyegetik ikhi logoni o. Hit afuni hinendawinggen sakhorek logolik Allah ane hologo hilingiti lagep mene yoma re, hinebe mondogaren hinendawimo hinagaiyek oba a'mit suphogo wuni wati logoino o, iluk wuni watikhe.

MAZMUR 50:5

Aren ikhi logolik he, ”It An nagainafuri mondogat ninom wene watugusik, wam warogo omameap etugu mene andoma mondogat andogerinabini o,” iluk ikherek.

MAZMUR 86:13

Haren he hendawi hundik mondok hokho meneba hilingnafu welagenma a'luk he, an neluk a'nogo wa'lagu mene ambelema nen ogalnobagegen.

MAZMUR 97:12

Yago, hit afuni hinendawimo higithogo hilingiti lagep mene re, At Tuhan nen hilingiterek mene andi faget hinagaiyegeti logoni o, nen At Allah horek mondok welagarek mene andiba hai wati logoni.

KELUARAN 15:11

Afuni ekhe inawesa meneba himbirik welagaikharek andi hangge, Hat he andi hinom he higitsek lek, Hat hamunek tegelek mondok were'ma fogethafarek. Hebe futfagauwageluk elalin mene hokho hilingiten andi hak, Sa hagen a'nogo hilingisu hak nogo?

YESAYA 6:3

A'nogo logolik it-it inane mondok hokhorogo ikhi logolik he, ”Horek mene, Horek mene, Horek mene. Tuhan Mondok Homame Hokho mene. Kweangma yikwe tikwe mondogat he Hat Homameba nek sagarek welagen o,” iluk fogerati lagaikha.

WAHYU 4:8

It andi inebe enggaminogo mene re, inebe lombok inogolabi falfaligen were'ma re, inomak abel endakwe inom, a'makwe inom, ineilenggen mondok hokhorogo welaga, were'ma re, inane kamo igi'lek, lingge hundik, hup hundik, Allah apne wanhi logolik he, ”Nineisena Tuhan Allah omame hokho mene, Attak tegelek welaga, Yogondak tegelek werek, Hobuk tegelegat logogin,” iluk fogeratu mondok welagaikha.

1 SAMUEL 2:6

Allah mel yagatikhe: ”Neisena Tuhan nenat, afuni inoatik, inelugerinafik, egendego. Afuni wa'la'luk lagaikharek oba kweang a'ma pelaginaplugen, hobuk andoma nen liakfisa wagendegaro.