MAZMUR 30:2 - Allah Wene Fano Wene Hupla Inane

² Tuhan neisena, it afuni an naselei mene nen puliarogo pelaknabuageluk heraknobagagi'lek, Haren an nagap telogo nobagegenma re, an nen Hat fogethafi lagi o, neisena.

MAZMUR 30:2 ပူးပေါင်းရင်းမြစ်များ

KEJADIAN 20:17

Wene hun Abraham agwe Sara faget hilinglagaikhe a'nogo oba re, Tuhan nen it hemi hun Abimelekh awi istana ba welagaukwa mene omanogo mondogat abili mene hilingfisasikhe mene andi faget, Abraham en Allah ayonggo fesikhemo, Allah nen Abimelekh ebe fanot figik, agwe inom, it hemi amingmingengge omanogo inom fanot fisasikhemo, inomalik taginabik lagaukwa.

2 RAJA-RAJA 20:5

hambotkwe Hizkia afuni Tuhan againafuri inobaget raja werek mene andi ambit kwimbik he wene yi yaga'no isikhe, ”An heisena Tuhan Allah homba Daud en apne wanhi laga mene a'nogo nen he, haren samban egen mene andi nesanggo arat holhirik he, heil amusu pelafen mene andi ogo mondogat higi o. Andi nen he An nen hat hebe fanot hobagagin enggere, o agere An nawi wuri'mo omanogo lano o.

MAZMUR 118:18

At Tuhan nen he, yi enggin ti enggin mondok elo'lek mene an noba fikhe meneat he, Aren an nebe wa'lasuageluk hera'nobagagi'lek,

MAZMUR 145:1

Daud en wuniba Allah fogeratikhe mene. Allah neisena, Hat he Raja an neisena welagenma re an nen legeisogo hobagakhi logogin, Nen Hat hobaget mondok-mondok andoma fogethafu logogin.

MAZMUR 147:3

Afuni inendawinggen mondok weaga'luk werek mene re Aren fano hilingfisikherek, nen it inendawimo inoumo hak werek mene re, Aren inagambut waganogo leget fisikherek.

MAZMUR 35:24

Neisena Tuhan Allah, Haren mondok katokhogo nek hilingiti lagenma re, Hat hebe an nebikhit a'luk nili wo'nabin o, it naselei mene nen inane weak hokhorogo noba fouwageluk herak fisagun.

MAZMUR 41:12

Nen an nebe it naselei mene nen mabenet nobagagu lek halok he, andiba Haren an hendawi hundik hilingnarek welagen mene a'nogo nelu asigin o.

MAZMUR 51:8

Hat hendawimo re afuni inendawinggenma nen higithogo nek hilingiti logoilebe, iluk anggikhi lagenma re, Hat hendawinggen wenggelogo hilingiti lagen mene a'nogoba an nendawimo peterogo nobagakhi logoin o.

MAZMUR 6:2

Tuhan neisena, Haren he ha'mageba yei noatik, nen helokhe ageba wene noba figik u fugo.

MAZMUR 88:13

Nen Haren elalin mene hilingiti lagen andoma o mum oba andoma nen inelu agaikha mene ekhe werek nogo a? Athe o afuni nen inonggora'luk lagaikharek oba omanogo Haren fano mene nek hilingfisikhi lagen mene andoma futfou hak nogo? Elo'lego.

KELUARAN 15:26

A'nogo ikhi logolik, mel yagaisasikhe: ”Hiren eberogoat mondok an nane hologo hilingitik, an nen andi fano iluk anggigirek mene andiat hilingitik, an nen, yi'nogo hilingiti logoino, ti'nogo hilingiti logoino, iluk komorogo yagahisigi mene andiat higithogo hilingiti logoino o. A'nogo hilingiti logogun halok he, an nen yi ou ti ou afuni Mesir mene inoba figi a'nogo hangge ekhe hinoba fagain lego. Hit hinebe se asuageluk hinoba fano hilinghinafirek mene hineisena Tuhan nebere Anaro,” iluk yagaisasikhe.