MAZMUR 30:12 - Allah Wene Fano Wene Hupla Inane

¹² An fong wati lagi mene a'nogo Haren agamhogo re nagaiyegen hunikhe wanuageluk hilingnobagain, nen Haren he an nelokhe heiselogo welagi mene a'nogo hebekhogo wanhendik he, an noba nagaiyek hokho mene kwelaknobagegen.

MAZMUR 30:12 ပူးပေါင်းရင်းမြစ်များ

KEJADIAN 49:6

Hina'mageba wene palogo afuni inoatik, Wam sapi ai mene hinendawirati'lek ineisok palhik, ikhi lagep andi nen, hit hemberek wene ane ugunem an ninom ure nabiro. Andogotunem an ninom logoure, nabiraro.

ESTER 8:16

A'nogo hilingitukwama re afuni Yahudi mene omanogo re inendawinggen yamuk igik, inagaiyegetik, inalong anggigik, hilingitukwa.

ESTER 9:22

Andi re linggene andi sambul enek iren afuni inaselei mene omanogo mabenet fisasukwama it inendawi heiselogo ou hugu welagaukwa. A'nogo welagaukwa mene a'nogo obali'mo re inagaiyek hasukwa mene andi faget hilingiti logogun isukwa. Andiba linggene andem oba re iren seni isatik, i sumburu nouwogeluk misi'mo kabogetik, nunggungge sumbut-sumbut agik, afuni inenggi lek meneba inangge wogisigik, hilingiti logouwogeluk isukwa andi.

MAZMUR 13:6

An he Haren hendawi hundik hilingnafi lagen mene a'nogoba nek tipsek welagimo re, Haren an nagap telnafi lagen andiba re an nagaiyegeti logogin. At Tuhan nen an noba mondok fanorogo nek hilingitunem he andiba an nen At obaget awuni watu logogin.

MAZMUR 145:2

Linggene hundik-handik andoma an nen Hat hai wathafu welagik, Nen nenggi mondok-mondok andoma Hat henu seralhu welagik, ikhi logogin.

MAZMUR 16:9

Andi nen he afuni Hat hendawi hundik mene, alomat lasuak anggigi'lek, wa'lasuageluk herakfisigi'lek hilingiti lagen andiba re, an nendawimo nagaiyek anggikhi logolik, wuni wati lagi. Nebe fano logolik, hambukhogo mondok welagi.

MAZMUR 44:8

Oba nen he, neisena Harenat it ninaselei mene inoba nen telogo ninobagakhi lagen, Nen ap nit faget inabiret ninobagali'lagwi mene omanogo leget fisikhi lagen.

MAZMUR 57:8

Neisena Allah, an nendawinggen eberogo nenat Hat hoba tibet figirik welagimo re, an nen Hat hoba nek hai wathafik, wuniba legeisogo hobagagik, ikhi logogin o.

MAZMUR 71:14

Oba nen he, an enek he Hat hoba nendawinggen eberek mondok logolik, Hat hobaget ekhe inom hokho pokhorogo fogethafu welagirego.

MAZMUR 71:23

An nen wuni fogethafu awuni Hat hobaget ikhi logolik he, an mondok nagaiyek hokho meneba wonoget fakhikhi logogin. Haren an nagap telogo nobagegenma re, an nebe nendawinggen oba nenat mondok nanggilukhogo nawuni wulagaisogo fogethafu welagirek.

YESAYA 61:3

it afuni o Sion werek mene inendawimo heiselhu welagik, fong watu welagik agarek mene omanogo inoba, hobuk inendawimo inagaiyek hikhi logouwagaluk fanorinafik, ”Ninggi'nogo hilingisugun he,” iluk inobakheindok palagarek mene andi, inendawimo fanorinafunem Allah awuniba fogerati logogun wene yagaisigik, uagaluk laknobai waga aro. It a'nogo yagaisamo, inebe re e Tuhan onggwarek enggi nen awi yate mene hangge logogun. A'nogo logolik, fano hilingitik, higithogo hilingitik, ugunem, Tuhan mondok legeisogo fikhi logogun.

LUKAS 19:40

at Yesus nen he, mel yagaisasikhe: ”Nane eberogoat yagahisak. It afuni yi inane igi'lek kamo ilepma re, helep yoma inane a'mit sup ilebaro,” iluk yagaisasikhe.

WAHYU 7:12

A'nogo fogerati logolik, anggup yi'nogo ikhi lagaikha: Wa u wai a ”Ebe asuak u hak, Amin, Nineisena Allah halegat hokho, Yi wene ti wene helu mondok logolik, Hat homameba fetninarek were'ma, Hai wathafik, fogethafik, Agaugwethafik, esinethafik, Ugu mondok logogun andi, Ebe asuak u hak, Amin,” iluk wuni wati lagaikha isigi.