MAZMUR 30:10 - Allah Wene Fano Wene Hupla Inane

¹⁰ An nebe wa'la'luk afuni warek salinafarek oba andoma pi lamo nen he, a'nogo hilinglasigin andiba Hat hobaget ambisangma ninggi'nogo asu hak nogo? Afuni warek mene nen Hat fogethabu haga? Nen Haren tiphogo nek hilingiti logolik welagen mene andi faget fakhogo yagaisa la haga? Mondok lego.

MAZMUR 30:10 ပူးပေါင်းရင်းမြစ်များ

MAZMUR 143:1

Daud awuni. Tuhan neisena, an nen samban ikhi lagi mene andi hesanggo holnabin o, an nen kino yagaheti lagi mene andi faget futnobagain o. Haren mondok tiphogo nek hilingiti lagen mene a'nogoba onggo yaganom, Haren katokhogo nek hilingiti lagen mene a'nogoba samban ikhi lagi mene tip ikhi logouwak.

MAZMUR 27:7

Tuhan neisena, an nane Hat hoba yagahetu halok he, nane hesanggo holnafi logoino o. Hendawi nealuk onggo yaganeti logoino.

MAZMUR 28:7

Tuhan andi re an nomamet figik, nebikhit agik, ikherek mene werek. Nen an nen At oba nendawinggen eberogo tibet fuluk welagi. Andi nen Aren he an lebetnafik, nendawimo nagaiyek mene nek hilingnobagagik hilingiri'lago. An nen At hai warogo awuni watu welagi.

MAZMUR 54:4

Neisena Allah an nen kino yagaheti lagi mene andi re nane hesanggo holnobagakhi logoin o, Hendawimo fanoba an nane ikhi lagi mene andi fut nobagakhi logoin.

MAZMUR 6:6

A'nogo hilingnabigin andi re ap wa'la'luk lagaikharek oba andoma nen he Hat hoba ekhe ebet heogoin lego, nen, ap fili salfisagarek oba andoma nen ogore afuni nen ekhe Hat fogethabugun legaro.