MAZMUR 3:8 - Allah Wene Fano Wene Hupla Inane

⁸ Tuhan neisena o, it ap an naselei mene andoma re Haren yei tamugethigik inoa'luk he wene inoba fuluk an nebe nek he nagap telnabime o.

MAZMUR 3:8 ပူးပေါင်းရင်းမြစ်များ

2 SAMUEL 23:12

Oba nen he, at Sama a'nogo nek he ailorogo lagi'legengge weim yafu mondok welagaikhesik, it Filistin inap inebe hokhorogo inoatikhesik inomame leget fisasikhe. Aren ariginhikhe andiba re yabu yago a'nogo re fano telfesikhe. Nen At Tuhan nen it Israel mene inoba inomame aga logouwageluk he a'nogo hilingfisikhi lagaikhe andi.

MAZMUR 119:94

An nebe re Hat honggwarek hangge mene logolik, an nen Hat hawene tekhogo menfegen mene a'nogo mondogat hologo nek hilingiti'mo re, an nagap telnabin o.

MAZMUR 29:11

We At Tuhan nen enek againafuri inomame wogisigik, it inoba mondok fanorogo hilingfisigik, ikhi logouwak.

MAZMUR 31:16

An neluk he Hat enggiba welagimo re, it afuni an naselei mene andoma inoba nen inom, nen it an si'narek mu'narek nikho mene andoma inoba nen inom nagap telnabin o.

MAZMUR 58:7

Allah neisena, it inaik andoma langgorisan o, Tuhan neisena, mene singa ket souge mene aik tum hak mene andoma langgorisan.

MAZMUR 72:17

At raja enu andi re afuni nen he hundik-handik andoma ebethugu mondok logouwak, nen mo yatu werek kwelek andem he at enu re ekhe inom legeisogo fikhi logouwak, nen it afuni inunggulenu lombok omanogo nen ogore, at hakhogo fanot fisikhi logouwageluk kinoti logogun, it afuni mondogaren at faget he agaiyek hikhi logouwak, ikhi logogun.

MAZMUR 9:20

Tuhan neisena, Hat hebe menla'luk he afuni inunggulenu lombok andoma inawene ayo wurogo palinabin o, it inonggwaregen leget fakhoageluk herak fisagun, neisena.

AMSAL 21:31

Aben weim yabuogeluk sige sikhe fougetfuluk inangge kuda hokhorogo fougerasugun meneba nen ogore, inomame agarek mene andi re we At Tuhan nen enek omamet fisikherek.

YESAYA 43:11

Hineisena Tuhan he An nami-namuat welagi o, An nebe lek logoumo nen he, ap ekhe mene nen hinagap telhinabugun mondok elo'lego.

YEREMIA 3:23

Niren ninagaiyekhogo tom unggulkwe tugwi kembu wuti lago mene andoma re we alomarogo hilingiti lago! Nit Israel mene lebetninisikherek mene andi re we Tuhan Allah amu nen aro.

HOSEA 13:4

Tuhan nen ikhi logolik: ”Hit hinebe o Mesir en wokhinarek wulibi wagagi mene hineisena Tuhan Allah re, An aro. Allah amu mene ekhe werek lek, An nami-namu nenat hit hinagap telogo hinobagasigi o.

YUNUS 2:9

A'nogo meneat he, an enek he, Hat faget wuniba fogethafik, hanggo ekhe warogo nolhetik, igin o. An nen, yi'nogo hilingisigin, iluk wene watheti mene andoma re, mondogat hilingisigin. Hat Tuhan he telinafendek mene o, neisena,” iluk ayonggo fesikhe.

BILANGAN 10:35

Peti Allah nen wene warogo wo'ninafikhe iluk hilingik mene a'nogo waluk wesuogeluk halok at Musa nen ikhi logolik he, ”Tuhan nineisena Hebe menlame o! Mendek logolik he, afuni hat haselei mene hebe inabit mene andi heise pugulasuageluk mugisikhi logoin o,” iluk yagati lagaikhe.

KISAH PARA RASUL 3:26

Allah nen he, wene andi waretikhe hak, hit weak hilingiti lagep mene hinebe lombok hinambotma herakfisoageluk amlogo ebe fanothinabigin mene hit tak hinoba pelakfei wagaikhe andi,” iluk komorinafikhe.

KISAH PARA RASUL 4:12

At Allah nen, nit afuni kweangma yoma mene at ekhe nen telninabuageluk enu yaganisigi'lek andi nen he, alegat mene nen telninabigin elo'lego. We, at Yesus nen telninabuageluk, at alegat enu yaganisasikhe andi,” iluk yagaisasikhe.

EFESUS 1:3

Ninoe Tuhan Yesus Kristus eisena Allah at fogerati logouwogo. Nit Kristus ninom hundik were'ma, at Allah nenat fano mene mondogat ninendawinggen faget pogoroba nen wo'nisasikhemo welago.

1 PETRUS 3:9

Afuni ekhe nen hit weak hilinghinafunem, hiren onggo weagerinafubo. Nen, inane asegen weak wokhinafunem hiren onggo hinane asegen wogisagubaro. Onggo re, Allah nen inebe fanorinabuageluk, ayonggo fikhi logoino. Hobuk aren fano mene wokhisageluk hinayonggo fesikhe andi nen, hiren onggo fano mene yagaisikhi logoino.

WAHYU 19:1

A'nogo ugunem holhiri'mo nen, ombo'ne re, afuni hokhorogo pogoroba logolik inane hokhorogo mel ugunem holhi: ”Nineisena Allah homame hokho, Ninebe telninafendek, Harat fogethabugun, Fogethafi lago u hak, Haleluya ikhi lago.

WAHYU 7:10

”Nineisena Allah kain obuluk oba welagendek mene, wau waia Domba Eak hemberek, wau waia Telninaferek mene ero hirat welagep,” wau waia ue iluk endawi wati lagaikha isigi.