MAZMUR 3:4 - Allah Wene Fano Wene Hupla Inane

⁴ Oba nen he Tuhan neisena, we Hat enek he an nalong palnafi lagen mene welagen ma re. Haren an nalonget nobagagik, nendawinggen hambuget nobagagik, ikhi lagen.

MAZMUR 3:4 ပူးပေါင်းရင်းမြစ်များ

KEJADIAN 15:1

A'nogo hilingitukwasik oba nen, At Tuhan nen Abram elokhoma weinam asi wagaikhesik ane yagati logoik: ”Abram, hailo agun o. Hoasuogeluk ugu halok An nen fetharek logolik, onggo hokho mene wokhesigin o,” iluk yagatikhe.

MAZMUR 119:114

We Harenat an nebikhit agik, hawe a'ma fetnarek welagik, hilingiti lagen, an he Haren wene watnisasigin mene omanogoba nek eberek welagi.

MAZMUR 138:3

An nen Hat hoba nane kwetunem he, Haren hane onggo yaganeti lagen, Haren an nendawinggen omamet fugunem he, an nailo lek mene aga lagi.

MAZMUR 18:3

At Tuhan andi re, leget pa'leget omamerogo waganek andi hak an nebe awea'ma fetnarek mondok werek. An neisena Allah andi re helep oumo an nebe hinaklaguba higit werek, afuni nen tok peiyengge ma'mut fagarek hak Aren an ma'mut narek werek, nen an nebe nailo lekhogo logouwageluk he Arenat kagalnarek werek.

MAZMUR 2:6

Aren ikhi logolik he, ”Ap an nen wenagaisogo figi mene a'nogo ebe raja logouwagaluk, nonggwarek nandom Sion Mondok Horek mene a'nogoba arat menfigi o,” iluk isikhe andi.

MAZMUR 27:6

Nen yogondak he naselei mene nen nabel fena-fena hobet nea weri'lagwi mene omanogo inoba nen nomame agarik he, nendawimo nagaiyek oba lebetneegen iluk At Aiba andoma nen nane hokhorogo hai wati logolik he, wam warogo noleti logogin. Neisena Tuhan wuniba fogeratu logogin.

MAZMUR 28:7

Tuhan andi re an nomamet figik, nebikhit agik, ikherek mene werek. Nen an nen At oba nendawinggen eberogo tibet fuluk welagi. Andi nen Aren he an lebetnafik, nendawimo nagaiyek mene nek hilingnobagagik hilingiri'lago. An nen At hai warogo awuni watu welagi.

MAZMUR 34:4

Hit an ninom seberogo Tuhan enu legeisogo fouwok, ninebe mondogaren at enu hokhorasuogen we'ni.

MAZMUR 34:6

Afuni weak hilingisogo fisagarek mene andi re, it At oba eberek logolik inagaiyekhogo logogun, It yi enggin ti enggin hili'lagwi mene andi re, inenggali agi'lek inoba heanerogo logogun.

MAZMUR 43:3

”An nambotkwe honggwarek handom Sion oba, Hat hawi wuri'mo welagen oba andoma lagen he, Hat hobabut fano enago a'nogo nen, hebe esage hangge seleget nabi wesimbik wo'narek lanogen,” iluk hayonggo fikhi lagi.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 62:8

At andi re Allah an nagap telogo nobagagik, legeisogo nobagagik, hilingiterek mene a'nogo o, Allah ebe helep tom hakhogo omamerogo fetnarek welagik, an awe a'ma telogo nobagagik ikherek menere At amu nek werego.

MAZMUR 89:19

Nineisena Tuhan, nit ma'murogo fetninarek mene andi re Haren wenagaisogo fesiginmo welagorego, Nen nit ninoe raja re it afuni Israel mene ineisena Allah horek mondok werek mene a'nogo onggwarek mene o.

MAZMUR 91:15

Aren ane hokhorogo An nayonggo fugu halok he, An nen at ane igin mene onggo yagasigin aro. At weak logolik, ninggi'nogo hilingisu he were'ma, An nen lebetikhi logogin o. An nen at ebe telimbik he, enu werek hilingisogo fagain o.

MAZMUR 99:9

Nit nineisena Tuhan Allah ebe horek mondok werek andi nen he, At enek legeisogo fikhi logoni! Nen At andom horek meneba andoma nen hineindep awi yagaisogo fogerati logoni.

AMSAL 2:7

Afuni inobabut weak hilingiti'lek fanorogo welagaikharek mene inoba re, leberisigik, a'ma ferinarek welagik, ikherek.

YESAYA 65:24

Iren An noba oan kino yaganeti'lek werek kwelek An nen tak onggo yagaisikhi logogin. Iren samban ugu mene inane wurep obokhigi'lek werek kwelek, An nen inane onggo fouget fikhi logogin.

RATAPAN 3:56

Haren an lebetnabin iluk kinothafi mene andi faget hat hesanggo to'mosu fugo iluk yagaheti. Andiba re an nen samban igi mene andi hat hesanggo holhendik hat hebe an horokhogo wagendik, Haren ikhi logolik, ’Hoak leigesu fugo,’ iluk yaganeten.

MATIUS 7:7

A'nogo yagaisasikhesik ekhe mel yagaisasikhe: ”It afuni inebe lombogen Allah kino yagatunem he, aren inebe lombok wogisikherek enek andi. Nen, it ekhe inebe lombogen yi mene ti mene at oba heratunem he, inebe lombok herakhagarek enek andi. Nen, it ekhe inebe lombogen kwe ane papaget hugunem he, aren inebe lombok kwe hurisikherek enek andi. Andi nen he, hit he, Allah kino yagati logoino. Yagati logoumo, wokhisagain aro. Fano mene at oba herati logoino. Herati logoumo herasugun aro. Nen, kwe ane papaget hikhi logoino. Papaget hikhi logoumo re, aren kwe huthisagain aro.

YAKOBUS 5:13

Hit ekhe hinendawinggen weak welagep halok he, samban ikhi logoino o. Nen, hit ekhe hinendawimo hinagaiyek hikhi lagep halok he, wuni Allah awuni wati logoino o.