MAZMUR 28:5 - Allah Wene Fano Wene Hupla Inane

⁵ At Tuhan nen hilingitikhe mene oma faget he iren along werek anggili lagawi lek, nen Aren ekhe mene-ekhe mene hilingfesikhe mene andoma faget ogo legeisogo fili'lagwi legat. Andiba re Aren it inoba wene fuluk he it inebe mondok-mondok leget fisagain.

MAZMUR 28:5 ပူးပေါင်းရင်းမြစ်များ

2 SAMUEL 7:27

Neisena Tuhan Homame Mondok Hokho mene o. Haren yaganeti logolik, ap haren tagomangge hombalak ta'larik laga logogun mene mondok afuni Israel mene inogogwi inenupogot hilinglarik lagunem menfisilik laga logogin o, iluk wene wa'neten andi nen, nane nailo legat, hoba liakfei wagi o, neisena.

1RAJA-RAJA 11:38

Nen, An namingmingengge Daud en, An nen, yi'nogo hilingi'no, ti'nogo hilingi'no, iluk yagati lagagi mene nane hologo mondok logolik, hilingiti lagaikhe andi hak, An nen hat yagahesigin mene andi, haren hologo nendawimo nagaiyek anggigirek mene andi mondogat neilhanem higithogo hilingiti logogin halok, An nen hat setharek mondok logogin o. Setharek mondok logolik, afuni Israel mene inoe raja logoinogen iluk menhobagagin o. At Daud en tagomangge mene menfisikhi logogin andi hak, haren tagomangge mene nen afuni Israel mene inoe raja aga logouwagaluk menfisikhi logogin aro.

MAZMUR 10:5

It afuni weak hilingiri'lagwi mene andi re iren hilingiri'lagwi mene omanogo mondogat ambisangma fano nek agarek, oba nen he, iren At Tuhan ebe inom Awene melalek inom inonggot logolik fut figi'lek welagik, it inagaila'lak inaselei mene omanogo seramet fisigik, agarek.

MAZMUR 104:24

Neisena Tuhan, Haren yi mene ti mene elalhigin mene andoma re Hat hendawinggen wenggelek oba nek elalhigin o, Haren yi mene ti mene elalhigin mene omanogo O kweangma mondogat peterek werek.

MAZMUR 8:3

it omalik fou mene nen inom, yenggerugwi magendek mene nen inom, wuniba fogethabi'lagwi. Hat hebe esin lego mondok logolik melalinafi lagen mene andi re mondok abolok lek ning maniberogo werek andiba re, It haselei mene inoba inom, hinom weim palek mene inoba inom inambe to'mot fisikhi lagen.

YESAYA 22:11

hiren i mogo o kota elonggoma pugunet fuluk, i mogo attak meneba yenggel fikhi logogun. Oba nen hit he Allah nen wene attak a'nogo hilingisigin iluk kagalogo fesikhe mene a'nogo re fut figi'lek hilingiti logogun. Nen andi re asuageluk sa nen hilingfikhe nogo iluk ogo futfikhi logogun legat.

YESAYA 40:26

Sa nen hesagalenggen poroma elalhikhe iluk he, heilenggen pogoroba liago logolik furati logoin o! Aren he ap tentara esa eratarek hakhogo halogo fisikherek, Aren hit hinebe abirengge re ti nen werek iluk elu welagaregat, Arenat it inenu lombok wolinaferek. At Tuhan Omame Mondok Hokho hilingi'mo re we misik iluk ogo ekhe longgo ikherek lek.

YESAYA 45:12

An he Tuhan kweang walhasigisik, afuni logouwageluk ogo elalinafigiat. An nomameba pogot tiaganet fesigi, higithogo hilingitu mene nek omamet lasuageluk hilingitigi, nen mo inom, tugi inom hesagal inom fanorogo afe halogo fisasigi.

YESAYA 45:18

Tuhan nenat pogot walhasikhe, At ebere Allah! Arenat kweang walhogo fesikhesik, kweang oba werek mene mondogat elalogo fesikhe, a'nogo hilingfesikhesik, hambuk lele warogo menfesikhemo werek andi. Aren obalik we selek logouwageluk elalhikhe fuk, oba nen he obalik andomaba logouwageluk elalogo fesikhe. At ane ikhi logolik, ”Tuhan he An namunek welagi o, amu mene ekhe werek lek,” isikhe.

YESAYA 45:8

Pogoroba nen meiso higit inomame asuageluk An nen pelagisa wagirek, ma re, kweang en kwe hut fakhikheresik helaluk werek, a'nogo hilingiri'logo andiba re inagap telhu mene inom, agaugwerinafarek mene inom weinam agarek. Andoma mondogat he An Tuhan nen enek hilinglasuak anggugunem hilinglagarek,” iluk ikhe isikhe.

YESAYA 5:12

Hiren pesta hilingirikhi logolik, hinambinggong kecapi, gambus, rebana, suling, kongesugun mene nek hilingiti lagep. Nen hinagai re anggur agai inom ninggi lagep, oba nen hiren he At Tuhan yi mene ti mene elalhikhe mene inom, nen Aren hilingiterek mene inom omanogo faget futfikhi lagep lek.

YEREMIA 31:4

Hit hinunggulenu mene re attak hilingik welagagip hakhogo An nen enu lego logouwageluk hilingisogo fagain o. Hiren he nekhengge pinggong rebana waluk he hinagaiyek oba wuni wati logogun.

HOSEA 14:9

Hobuk afuni Israel mene nen tugwi kembu fogeratarek mene omanogo herak fisogoin. A'nogo herakfisugunem, An nen it ferinarek logolik, iren nayonggo fugunem inane nesanggo holhi logogin. E engga hokho mene a'ma kun welagarek andi hak, it inebe An nawe a'ma fano sebelinarek logogin. A'nogo were'ma, yi agayo ti agayo enggen iterek hak, yi mene ti mene fano mene andi ero Anat andi nen he, Anenat wogisikhi logogin, iluk An Tuhan nen nane arat igi o,” iluk yaganete.

BILANGAN 23:23

It ekhe nen Yakub againafuri mene homan fisugunem, inebe weak asugun lego. Israel mene andi weagerinabuogeluk wesarogo hilingitunem ebe asigin legaro. It afuni inunggulenu andi mene faget, afuni ekhe nen he, Allah nen it elalinhogo leberisili'lago andi yethani! iluk ikhi logogun o.

YOHANES 12:37

At Yesus ebe iren futfouwageluk ineilhanem elalin mene hokhorogoat hilingiti lagaikhe meneat he, iren, At eberogoat iluk, ebe futfikhi lagaukwa mondok lek.

ROMA 1:20

Allah ebe nineilenggen hogorek lek meneat he, aren kweang pogot elalhikhemo ineilenggen hikhi logolik, at ebe Walhasikhe mene atma re, omame etok mondok welagarek, iluk, obabut furogo futfouwemat welagaikharek andi. A'nogo welagaikharek andi faget, iren inoba nonggologo wene ki u he aro.

ROMA 1:28

Iren he: ”Allah ebe ninelu logogun he, ninabiro,” iluk at ebe it inendawimo sebelfesukwama re, aren he: ”It inendawimo anggili'lagwi andi weago. Nabit. Iren he weak meneat he fano, iluk anggagarek andi, a'nogo inoba lombok anggikhi logolik hilingisu lek mene hilingirikhi logonik,” iluk inebe herakfisikherek.