MAZMUR 28:3 - Allah Wene Fano Wene Hupla Inane

³ An he it afuni wene sagalfuluk hilingiri'lagwi mene andi inom, nen it ap weak hilingiri'lagwi mene andi inom seberogo ninoasu fugo, it inendawimo re mondok filirek logoligen inamelinggen oba nen he inane liokhogo ili'lagwi.

MAZMUR 28:3 ပူးပေါင်းရင်းမြစ်များ

MAZMUR 10:14

Ariginik oba nen he, Haren heilenggen mondogat isikhi lagen, Haren he afuni enggin-fenggin hugu werek mene inom, anggolorogo hikhi logolik werek mene inom, futfisikhi logolik, leberisagain iluk fik-foukhogo nek welagen. Afuni it inamu nen hilingisu elo'lek mene re inebe Hat hoba wokhetarek, nen Haren he afuni inenggi lek mene hundik handik leberisikhi lagen.

MAZMUR 10:7

A'nogo anggikhi logolik he, iren afuni homan fisigik, inailo mene kwelafik, ineranen wene lalinafik, agarek. It inane agarek mene andoma re mondok weak mene afuni inoba wusu fuk mene nek agarek.

MAZMUR 12:2

Ap hat hoba tiphogo hilingitarek mene mondogat lek agaikhama re, ap fano hilingitarek mene ekhe werek lek enggere, Tuhan nineisena Haren lebetninabin o.

MAZMUR 141:4

An nendawimo nen weak hilingisu mene hangge hilingnabi'lago mene andi re, an nelokhoma nen waganogo yatma lakfisikhi logoino. An it ap inobabut kwanirogo hilingiri'lagwi mene ninom sebe'luk, it inaseni isagoma ninom noageluk oboget nea fuk.

MAZMUR 26:9

An he it afuni weak hilingiri'lagwi mene ninom ambine noasu fuk, nen it afuni inenggi nen inamep wulagaisogo inoatarek mene andoma ninom nareagun wo'nabu fuk.

MAZMUR 36:4

Aren he fano mene inom inendawinggen wenggelogo agarek mene inom he hilingiterek lek, at ane materek mene andoma re mondok haferogo nek ikhi logolik he eranhogo wene nek ikherek.

MAZMUR 52:1

Afuni nen wuni wulak fuluk inebe seberogo ugunem yanggulinafu mene faget, at Daud en yanggulinafikhe awuni.

MAZMUR 55:21

Attak an nagailak ekhe ninom fano welago mene nen he, at agaila'lak ekhe inoba labok igik, nen aren wene waterek mene a'nogo taganhogo hilingitik, hilingiti laga.

MAZMUR 62:4

Ap misik ekhe o hobat molulukhogo asi lagarek andi higit hilingik kwelek, nen leget mondok helelarogo lagarek andi higit hilinglagu kwelek, hit hinebe mondogen he o ki sambul at ebe wasugun iluk nenangot hikhi logogun nogo?

MIKHA 3:5

Afuni an nunggulenu mene ap nabi heaba lalinafi logolik he, it ekhe nen ambi uang wogisagarek mene inoba re, ”Hobuk fanorogo logogun,” iluk yagaisigik, nen it ekhe wogisugu lek mene omanogo inoba re inendawimo seramet fisaluk he inom weim palek hak welagik, hilingiri'lagwi andi. Nen it ap inebe nabi heaba logolik a'nogo hilingitarek inap andoma faget Tuhan nen ikhi logolik he,

BILANGAN 16:26

Lagaikhesik he, Musa nen afuni Israel mene inoba yagaisikhi logolik, ”Ap ina'mage mondok weak inap ari inawi sabumo nen herak fisaluk lani! It inangge we endebengge halok ogo ekhe senha fuk. Hit wene yi higithogo hilingisugun lek halok he, it inaweak oba hinom ambine wa'lasugun,” iluk yagaisasikhe.

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

MATIUS 25:46

it afuni andi yi enggin ti enggin hikhi logogun oba mondok logouwageluk lakfisagain o. Meneat he, it Allah ane hologo hilingiti logogun mene andi ineluk mondok logogun oba andoma inobagagin o,” iluk, yagaisasikhe.