MAZMUR 27:9 - Allah Wene Fano Wene Hupla Inane

⁹ enggere, an nagaiserogo hi na'lasu fuk,” iluk ikhi lagi. An weak were'ma Harenat lebetniikhi lagagindi'mo re, yogondak an hamingmingengge yi noba ha'mage figik, habiret nobagagik ugun o. Hat neisena Allah re an nagap telnafi lagen mene welagenma re, Haren an ekhema hukniigik, hesanggema nobagagik u fugo, neisena.

MAZMUR 27:9 ပူးပေါင်းရင်းမြစ်များ

1 TAWARIKH 28:9

A'nogo yagaisasikhesik at Salomo ba Daud en ikhi logolik he yi'nogo yagatikhe, ”Namlogo e, Allah hat heisena nen fogerati lagi mene andi faget enek eberogo an neisena Allah iluk fageti logoino. At Allah re nit ninendawinggenma wenggelhi lago mene inom, ninamolo anggikhi lago mene inom mondogat elu hilingi'mo re, hat hendawinggen pikhithogo, hobabut sakhorek oba, At obaget enek hilingiti logoino. Nen, haren At ebe heratu halok he At ebe herakhagain, oba nen he haren At herakfuluk lagain halok he, Aren mondok-mondok faget hat nabit iluk oboget heagain.

MAZMUR 102:2

Tuhan neisena, an nen samban ikhi lagi mene andi hesanggo holnabin o, nane hoba ikhi lagi mene andi Hat hesanggoma asi waga logouwak.

MAZMUR 102:3

An noba engginhogo were'ma nealuk he, Hat helokhe amu fikhit enden lasu fuk. An nen henu hombuk palhu halok he hesanggo holnafi logoino, Haren onggo weak weakhogo nek yaganeti logoino.

MAZMUR 119:121

An he wene katokhogo nek hilingitik, eberogo mene nek hilingitik, hilingiti lagi hilingi'mo re, an nebe waganogo it naselei mene inenggiba nobagau fugo.

MAZMUR 13:1

Afuni nen wuni wulak fuluk inebe seberogo ugu mene melalinafu mene faget. Daud awuni a'nogo.

MAZMUR 143:7

Tuhan neisena, an noba mondogat song ikhemo re, Haren onggo weak-weak yaganomo. An nebe ap wa'la'luk lagaikharek oba omanogo pi lagi hanogoluk, Hat hebe an noba nen hina'lasu fugo.

MAZMUR 24:5

Inobabut ariginik mene re nineisena Tuhan nen telinabimbik, fanorinabigin werego. A'nogo fanorinafi logolik At Allah nen yagaisikhi logolik, ”Hit he weak hilingiti'lego,” iluk yagaisagain aro.

MAZMUR 44:24

Tuhan neisena nenahalok nogogu welagen? Heluk ame o, Hat yogondak heluk asimbik he nit logogun oba andoma mondok-mondok hera'ninobagambik logou fugo.

MAZMUR 51:11

An weak hilingiti mene andi faget Hat helokhe kwanirogo logogun o. Yi weak ti weak hilingiti lagi mene andi re, sebelogo legetfisaluk horogo nobagain o.

MAZMUR 69:17

Neisena Tuhan hobabut fano logolik, hendawit nafu welagen andi nen he, nane holimbik onggo yaganom o. An noba hendawinggen hundik mondok welagen andi nen he, helokhe hebelhogo an wo'nesime o,

MAZMUR 69:18

An noba yi mene ti mene nelagaik ikhi lagi andi nen he weak weakhogo an lebetnabime o. An hamingmingengge yi noba nen hina'lagun o

MAZMUR 88:1

Wuni it inunggulenu Korah mene inawuni. It afuni wuni wulak fuluk ugunem yanggulinafu mene faget, wuni unggulenu: Mahalat Leanot awi Ezrahi mene andi nen yagaisikhi lagaikhe awuni.

YESAYA 50:1

Tuhan nen it afuni Israel mene inoba ikhi logolik, ”An nagainafuri yi sani, hiren anggikhi logolik, afuni nen inagagwi mugusogo wulakfisagarek hak, An nen mugusogo wulak hinobagakhi lagi anggikhi lageba? Ariginik halok he, herakhinobagagi iluk lisu palogo fugu mene re koma werek nogo? Hiren anggikhi logolik An nen afuni ekhe inoba onggo wo'nesuageluk hit hinebe wogisigi anggikhi lageba?, ap ekhe eisena nen amlogo ap palegengge kinoterek meneba onggo huniterek hak hilingite anggikhi lageba? A'nogo re lego! Hit hele warogo hukhisaga andi re, we hinonggwarek hinaweak kwanirek mene hilingiti lagep andiba o!

YESAYA 59:2

Hit hinonggwarek hinanini mondok weak hilingik welagep andiba re, hiren samban ikhi lagep mene re Aren esanggo holi'lago lek andi. Hit hinaweagenat hinebe Allah hinom eil uanhogo welagep.

YEREMIA 32:40

An nen wene mondok-mondok wasigin mene andi re it ninom wasugun. An nen it inoba fanorogo hilingfisugu mene andi re palfagain lek. Iren An oboget nealuk lanogoluk he inendawinggen abirengge nen An noba inailorogo welagik, esinet nobagaluk legeisogo nobagagik, hilingiti logouwageluk hilinginabigin.

IBRANI 13:5

Allah nen ninebe lombok faget ikhi logolik: ”An nen hat nenggi kobokhogo herakhobagagik, hebe hale'ma hobagagik igin lego,” iluk isikhe andi nen he, hit uang hinendawinggen tulemetfuluk logogubo. We, endebat werek andi, hit hinendawimo nen he, ”Yi elok werek,” iluk anggogoin o.

1 SAMUEL 7:12

A'nogo hilingitukwasik, at Samuel en helep ekhe o Mizpa honggolek Sen honggolek tulem andoma menegeisogo fesikhe. A'nogo menegeisogo fesikhesik he, mel isikhe: ”Nineisena Tuhan nen yaba elok lebetnisikhe,” isikhesik he, helep a'nogo enu, Lebetnisikhe helep u hak, Eben-Haezer salhikhe.