MAZMUR 27:5 - Allah Wene Fano Wene Hupla Inane

⁵ An noba yi enggin ti enggin hugu were'ma re, we At Tuhan nenat nalong palogo fetnarek werek. Aren he At Awi wuri'mo andoma hinaknobagai kwikheresik he, at Andom eil silipnorek meneba omanogo hambokhogo liak nobagaikherek.

MAZMUR 27:5 ပူးပေါင်းရင်းမြစ်များ

2 TAWARIKH 22:12

At he Atalya ratu menlagaikhesik melalinafu werek kwelek, tahun falfaligen hilingitikhe andi re, abo Yoas a'nogo o Tuhan Awi wuri'mo andoma hinago mondok welagaikhe andi.

MAZMUR 10:1

Tuhan neisena, nenahalok Hat hebe nit ninom yathogo welagen, Nen nit ninendawinggen nonghonghogo were'ma Hat hebe hina'laga lagen?

MAZMUR 119:114

We Harenat an nebikhit agik, hawe a'ma fetnarek welagik, hilingiti lagen, an he Haren wene watnisasigin mene omanogoba nek eberek welagi.

MAZMUR 138:7

An noba enggin mene asi wagunem, Haren enek an neluk logouwageluk henggi pukhogo fetnarek welagen. It naselei mene inanini noba fugunem he, Hat homameba nek an nagap telogo nobagakhi lagen.

MAZMUR 17:8

An nebe Hat heilenggen elonggoma mene hakhogo halnafi logoino, neisena. An he it afuni weak hilingitarek mene nen mu'niugunem he Hat hogolabi a'ma kwelaknobagakhi logoin o.

MAZMUR 18:33

An nomamet nobagaikherek mene ogore we At Allah amuat werek, nen Arenat an ebekwe nailo lekhogo loageluk hilingnobagali'lago.

MAZMUR 31:20

Afuni Hat hane hologo hilingitarek mene inobaget Haren inebe fano logogun mene faget iluk fouget fisikhi lagen mene andi re, mondok oba heilarogo hilingfisanogen iluk, yagaheti lagi o. Afuni Hat hoba lomborogo werek mene faget Haren fano mene nek hilingfisikhi lagen mene andi re, afuni hokhorogo nen ineilenggen hili'lagwi o.

MAZMUR 31:21

Afuni weak hilingiri'lagwi mene nen inanggelem a'luk hilingitunem he, Hat helokhoma kwe palogo hinakfisaluk welagen. It inaselei mene nen inoba fu'mo hikhibet isugunem he, Haren it inebe inagap telogo hawea'ma fisaluk ferinarek welagen.

MAZMUR 40:2

An nendawinggen hambuk haluk logolik Tuhan nen lebetnabi wesuageluk nenangorogo were'ma, Aren an nebe fut nobagagik, nane esanggo holhik, ikherek.

MAZMUR 40:3

Kilingelema wea'ma andoma higit were'ma nen fesi mondok lou'lakse'ma andoma higit were'ma Aren lisogo wo'nafesik, neisok helep oba fanoma andoma fanorogo fuluk laga logouwageluk nobagaikhemo welagi o.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 57:1

Afuni nen wuni wulakfuluk inebe seberogo ugu kwelek yanggulinafarek mene faget, wuni unggulenu mondogat leget fisa fuk agarek mene andi bene felalek mene, at Daud ebe Saul agaiserogo oumo lagaikhesik isikhe awuni.

MAZMUR 61:2

Neisena Allah an nane kwetu welagi mene yi hesanggo holin o, Nen an nen samban ikhi lagi mene andi fut nobagakhi logoin o.

MAZMUR 61:3

An nendawimo mondogat weak agunem, naiba yatma nebe welagiba omanogo nen henu hombuk palhu welagi o, Harenat an nebe hondo'narek he obalik youk mondok lek oba, mondok legoma an nen lagau elo'lek oba andoma waganogo nobagai lagain o.

MAZMUR 77:2

Allah ba nane omamerogo kweti lagi, nane omamerogoat kwe tunem he Aren an nane esanggo holherek.

MAZMUR 83:3

Heilenggen han, it Haselei mene omanogo nen inane sagal pagalhogo nek hilingitik, afuni Hat hoba inabit anggili'lagwi mene omanogo nen wene oak sagalugun mene nek hilingitik, hilingiri'lagwingge andi.

MAZMUR 91:1

It afuni At Lego Mondok welagarek mene a'nogo awe a'ma werek mene inom, At Omame Mondok Hokho mene a'nogo nen sebelinarek were'ma werek mene inomen,

MAZMUR 91:15

Aren ane hokhorogo An nayonggo fugu halok he, An nen at ane igin mene onggo yagasigin aro. At weak logolik, ninggi'nogo hilingisu he were'ma, An nen lebetikhi logogin o. An nen at ebe telimbik he, enu werek hilingisogo fagain o.

AMSAL 18:10

Tuhan andi re o anduli uanhogo pelabe'ma omamerogo welagarek higit werek, andoma ap eberogo hilingitarek mene lagunem inili waganogo fanorogo logogun.

YESAYA 26:16

Haren nit unggum wo'nisasiginmo nit ninoba enggin-fenggin hilingik logolik, niren Hat nineisena Tuhan hoba samban ikhi lago.

YESAYA 26:20

Yago hit An nunggulenu mene yi, hit hinawilokwe kwi laluk he kwe yagarani o. Hit a'nogo kwi lambik werek kwelek enek he Tuhan anini nen hilingiri'logo mene andi palfagain o.

YESAYA 32:2

It inebe lombok he sogoi en inom, sielu nen inom funhugunem hina'laguba hangge agik, athe i liarekwe lagarek agai hakhogo agik, athe o kweang esi le'ma helep hokho mene werekwe andoma nen hinaklagaikharek hak agik, ugun.

MATIUS 23:37

At Yesus nen a'nogo yagaisasikhesik he, ekhe mel yagaisasikhe: ”Eigo! Hit afuni o Yerusalem mene yi nendawilage! Hirenat ap Allah ane yagaisagarek mene inebe inoatik, ap Allah nen inayonggo fuluk lakfisa wagarek mene heleben tamuk-tamakhogo inoatik, ikhi lagep andi nendawilage. Sue ayam eagwi ogolabi a'ma andogorogo fisikherek andi hak, an nen hundik-handigat hit o yoma welagep mene mondogat a'nogoat andogorogo hinobagagin iluk anggikhi lagi meneat he, hiren, ”Ninabit,” ikhi lagep andi, nendawilage.