MAZMUR 27:4 - Allah Wene Fano Wene Hupla Inane

⁴ An nen wene misik ekhe neisena Tuhan kino yagahesik. An namolo re ebe yi'nogo. An neluk logolik oba re, ”Haren fanorogo nek hilingnafunem hobabut enek hugu welagik, nen wo'narek nikhi logoinogen iluk kino yagahetu welagik, ikhi logolik he, neisena Tuhan haiba andoma nabolok lek logoiyogen, iluk yagaheti o.

MAZMUR 27:4 ပူးပေါင်းရင်းမြစ်များ

2 SAMUEL 21:1

At Daud ebe raja logolik ferinarek were'ma andem he sumburu ouwak mondok elo'lekhogo lagasikhesik tahun henagan inukhogo welagaikhe. A'nogo hilingik were'ma re at Daud en he a'nogo agaikhe mene andi faget Tuhan nen yi'nogo ti'nogo yaganesuageluk kinotikhemo, At Tuhan nen ikhi logolik he, ”Sumburu ouwak lagaikhe andi erore at Saul inom at eisok erokwe mene inom weak hilingitaba o, iren he ap Gibeon mene mondogat inoata andi nen,” iluk yagatikhe.

MAZMUR 23:6

Hat hobabut he an nebe hendawi hundik logolik, fetnarek mondok welagen mene andi re an nelu o. A'nogo hilingnafi lagen andi nen he, an nebe neluk logolik oba re Hat haiba andoma nabolok lek mondok-mondok logogin o, iluk wuni watikhe.

MAZMUR 26:6

An weak hilingiti lagi lek iluk enegenggerogo re nebe horaluk, wuni Hat fogethafu awuni watik,

MAZMUR 26:8

Tuhan neisena, an he Hat hebe handungdang logolik welagen oba, Hat awi wuri'mo andoma nendawi hundik hilingiti lagi o, neisena.

MAZMUR 27:8

Haren yaganeti logolik he, ”We'luk fogetnafi logoin,” iluk yaganetunem an nen onggo ikhi logolik he, ”Tuhan neisena, an he weak-weagat fogethabi wesigin,

MAZMUR 50:2

O kota Sion mondok fani-fanore'ma omanogo nen, At Allah aselek ombak-bak oba weinam asi weri'lago.

MAZMUR 65:4

An weak hokhorogo hilingiti lagimo enggin hokho mene noba welagi meneat he, Haren elok sebelogo leget fisikhi lagen o.

MAZMUR 84:10

Hat neisena Allah nen he, nit ninoe raja enggiba welagorek mene, Haren wenatigin mene andi at ebe fanot fikhi logoino. Hawe a'ma fikhi logoino.

MAZMUR 84:4

Neisena Tuhan, Homame Mondok Hokho mene, An neisena Raja re, Allah Hat hebeat welagen, Neisena sue ulue inom, helalimbo inom mene ogore, eak tagaisogo feigeluk he mezbah era'lu horokhogo andoma ineagwi tago fisouwogoluk inawi wurogo welagaikharego.

MAZMUR 90:17

Tuhan Allah nit neisena. Nit nineabu hilingiti lago mene andoma ambisangma enggen fanorogo nek i'lagunem hikhi logogun nen he, Haren fanot ninobagakhi logoino o, neisena,” iluk Allah ayonggo fesikhe.

YEREMIA 29:13

Nen hiren hinendawinggenma eberogo nenat An heinok wo'nabimbik An nebe hera'nabik wesugun halok, hiren An ninom elok ambi asugun aro.

DANIEL 9:3

A'nogo ebetirik, neisena Tuhan Allah nen endawit nabuagaluk su karung mene laberogo, sumburu ninggi'lek heang nebe wul oba hurek logolik, samban nane nelagaik nane Allah ayonggo figi.

ZAKHARIA 9:9

Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.

MATIUS 6:33

Halok he, hineisena Allah nen awe a'ma logolik hilingiti logogun andi faget inom, nen aren, yi'nogo ti'nogo hilingi'no, iluk yagahisugunem hilingiti logogun andi faget inom, esinet fikhi logogun halok, yi mene ti mene andi oba loukhogo wokhisagain aro.

LUKAS 10:42

Meneat he, wene misik ekhe hilingisu werek kwelegat he, haren yi mene ti mene faget enek hilingiti lagen. Hagot Maria yi nek he, wene fano wene misik andiat wenagaisogo eisewerek agasi'mo re, Herakfisan iluk yagasigin mondok lego,” iluk yagatikhe.

LUKAS 13:24

”It afuni hokhorogoat, kwe endep kwe kuogeluk walhogoin meneat he, elo'lek asigin andi nen he, hit kwe endep kwe andiba kubagaigen he, hinomamerogo hilingiti logoino o, iluk yagahisikhi lagi.

LUKAS 18:1

A'nogo yagaisasikhesik he, at Yesus nen agoromi ane wanhi lagaukwa mene omanogo samban ikhi logolik inendawimo kamo igi'lek, hundik-handigat ikhi logouwageluk, wene ekhe oba lirogo yagaisikhi logolik he, mel yagaisasikhe:

LUKAS 2:37

sogwe fesikhesik oba nen, at ebe umur 84 tahun mondok yaman agaikhesik welagaikhe. Logolik enggi ekhe sumburu ninggi'lek ambe heang fakhasikhesik Allah awi wuri'mo andoma linggene hubanggo abit agi'lek samban mondok ikhi lagaikhe.

2 KORINTUS 3:18

Ineilenggen inafumak oba it afuni ekhe inebe pikhirat yerisagarek andi hak, nit mondogat ninelokhonggen kwe palek le'ma re, afuni nen ninoe Enupogot fogeratarek mene andi afumak hak ineilenggen yetnisili'lagwi. Nit ninebe at ninoe hangge asuageluk he, hobugalek hilingninafu mondok were'ma fogeratarek mene andi ekhe inomat hokhot ninobagali'logo. At Allah Areagun andi ebe Enupogot atma arenat hilingninabi'logo.

2 KORINTUS 4:6

At Allah nen ikhi logolik he: ”O mum andi anggele'ma nen selek asuak,” iluk isikhe andi hak, arenat nit ninendawimo mum mene andi selegetninafikhemo welago. A'nogo logolik, at Kristus elokhonggen mo hangge amulit yatunem nineilenggen yethaluk he, at Allah fogeratarek mene a'nogo ebe ariginik iluk futfikhi logouwageluk a'nogo selegetninafikhe andi.

FILIPI 3:13

Nerugwi nagaila'lak. An andi ebe arat heligi iluk nendawimo anggikhi lagi legat.

1 TIMOTIUS 5:5

Mene re, hemi sogwe eberogoat afuni ero it mene le'ma inalegat logolik he, ”Allah nenat lebe'nisagain,” iluk, inendawinggen at oba himbiret fuluk, linggene hubanggo ayonggo figik, kino yagatik, ugu mondok welagaikharek.

IBRANI 11:6

Afuni inendawinggen Allah oba himbiret figi'lek halok he, at endawimo fanorogo hilingisugun mondok elo'lego. Nen, at oba wesuogeluk halok, iren he, ”Allah eberogoat werek,” iluk anggigik, ”At ebe inelu asuogeluk hilingisugun halok, aren onggo ebe mene wogisikheregat,” iluk anggigik, ugun andi.

1 SAMUEL 1:11

Werek kwelek, at Hana nen samban Allahba wene yi'nogo waretikhe: ”Neisena Tuhan Homame Mondok Hokho mene a'nogo nen an hamingmingengge heilenggen wo'nabin o, neisena. An hamingmingengge yi mondok weak welagi andi heilenggen neambik hera'nobagagi'lek, noba ebe'no o, neisena. Haren an neak ap ekhe wo'neten halok, an nen at andi ebe hat faget mondok logouwageluk ambotkwe wokhesigin o, neisena. Nen, at ebe ta'laga halok, esi re palhi'lek herakfikhi logogiluk wene watheti o, neisena,” iluk yagatikhe.

1 SAMUEL 22:10

Wagama re, At Allah nen at Daud ebe faget wene yi'nogo hilingi'no ti'nogo hilingi'no iluk yaganesuageluk kinotunem higi. Nen, fenakwe re at Daud faget sumburu kwemangge wogotik! Hun Goliat Filistin agun enggarok a'nogo wogetik ikhi laga higi o,” iluk yagatikhe.

1 SAMUEL 30:8

Wogosi wagaikhemo at Daud en Tuhan oba heinok wokhikhi logolik he, ”Afuni weagerinafarek mene o yoma pin kwi wagaikha o, andi re an nen muginarek layoga, lega? Nen, an nen it inombo'ne lamo eloga lega?” iluk heinok wokhasikhe. A'nogo heinok wokhasikhemo Tuhan nen onggo yagati logolik he, ”I o, Haren he it muginarek lambik he ap hele warogo woginarek lili'lagwi mene andoma fikhalogo wulak fisa lan o,” iluk yagatikhe.