MAZMUR 27:14 - Allah Wene Fano Wene Hupla Inane14 Tuhan oba nek hinendawinggen eberek mondok logoni, hinendawimo leigeti'lek hambukhogo logoni, we, At Tuhan oba nek hinendawinggen tibet fuluk logoni, iluk samban isikhe. အခန်းကိုကြည့်ပါ။ |
MAZMUR 27:14
31 ပူးပေါင်းရင်းမြစ်များ
Yago, hit afuni At againafuri mene hinebe mondogaren he At Tuhan nen endawi hundik hilingninabi'lago mene andi faget hinendawi hundik hilingi'ni o. At Tuhan nen he it afuni At oba tiphogo hilingiri'lagwi mene re At awea'ma fisaluk ferinarek werek. Oba nen he afuni inobabut leget fakhaluk hilingiri'lagwi mene re, hambuget higi'lek unggum inoba fikherek.
Hiren, Tuhan nen telninabigin iluk oba eberek logolik, Aren komotninafikhe wene andi hologo higithogo hilingiti logoino. A'nogo hilingiti logogun halok, Aren hit o abok yagahisasikhe mene andoma eise logouwagaluk agaugwet hinabimbik wokhisagain o. Nen it afuni inobabut weak hilingitarek mene andi re, inebe legetfisugunem hineilenggen hogoin aro.
Andi sambul afuni nen ikhi logolik, ”Nit ninagap telninabuageluk nenangot hikhi lago mene a'nogo Arenek he eberogo nenat Allah nit nineisena o. Eberogo Tuhan ebe yi aro, At andi niren nenangot hikhi logolik welago mene. Aren nit mondogat ninagap telogo ninobagaikhemo re yogondak niren ninagaiyegeti lago o,” iluk ikhi logogun.
A'nogo hilingitu kwelek oba nen Tuhan nen endawi hundik hilinginaferek mene a'nogo hit hinoba inuk hisagain iluk nenangot hisikhi logolik werek. Hit endawi hundik hilinghinabigiluk fik-fouksek logolik werek. Andi re At Tuhan he ebe Allah tiphogo mondok hilingiterek mene hilingi'mo re, ap At oba inendawinggen tibet fuluk logogun mene re inagaiyekhogo logouwago.
Oba nen he, ap Tuhan oba inendawinggen himbirik logolik logogun mene re, inomame ket mene kwelakhikhi logogun. It inebe re sue pim agerabul omame meneba tarogo yat patma lagarek hak hilingik logogun. It he humusek laga logogun oba nen inomame lek aga logogin lek, nen kwe laga logogun oba nen inoba lebelek aga logogin legat.
Wene ebe hilinglasigin oba oan andi nen he, lisu palogo fein o. Oba nen he, ebe hilinglasigin oba andi weak-weagat wesigin, An nen ebe hilinglasigin iluk yagaheti mene andi re eberogoat hilinglasigin o. We, wene ebe aninuat werek kwelek meneat he serogo logoino! Eberogoat hilinglasigin iluk eberek logoino.
A'nogo ugu were'ma, at Yesus agaisa eisena inom kwisukwasik welagaukwa andi sambul inoba wagaikhesik he, mel isikhe: ”Allah neisena a,” iluk hai watikhesik he, it afuni o Yerusalem mene inanggele'ma nen, Allah nen hobuk telninabigin iluk nenangorogo welagaukwa mene mondogat yagaisikhi logolik, ”Ebe waga yi,” iluk, yenggerek a'nogo abok yagaisikhi lagaikhe.
Wagunem, it afuni ekhe nen, ”It weri'lagwi,” iluk isukwama, Allah againafuri o Roma mene nen inesanggo holhukwasik, ninelokhoma, it ekhe Pasar Apius, lagu kwelek, ekhe o hotel ap pok mene we'luk nogo agarek oba o ebe henagan wuri'mo andoma lagaukwama, at Paulus eilenggen isasikhesik he, Allah hai watikhesik endawinggen yamuk isikhe.
ကြော်ငြာတွေ