MAZMUR 27:1 - Allah Wene Fano Wene Hupla Inane

¹ At Tuhan andi re an liatnafik, telnafik ikherek mene hilingi'mo re. An nen nailotirek mene ekhe werek lego. Tuhan he an nalong palogo himbirengge higit fetnarek were'ma re, an he nendawimo youk igi'lek hampukhogo logogin.

MAZMUR 27:1 ပူးပေါင်းရင်းမြစ်များ

AYUB 29:3

Aren he an lebetnafik, an o mumsekwe lagunem Aren selegetnafik, hilingiti laga.

MAZMUR 11:1

Afuni nen wuni wulak fuluk inebe seberogo ugunem melalinafu mene faget, at Daud awuni yi. An he Tuhan awea'ma kuluk welagimo re, afuni nen yaganeti logolik, ”Sue tom oba tarogo lagarek hak hat he hebe honggwaregen hagap telan o,” iluk yaganetarek mene andi re a'nogo yaganesumo re elo'lego.

MAZMUR 118:21

Neisena Tuhan, an nane hesanggo holhendik, nebe telnafen andi nen he, hai wathafik fogethafik ikhi lagi o.

MAZMUR 118:6

At Tuhan he an werekwe werek andi nen he, an he noak leigesu lek hak, afuni nen an noba yi'nogo ti'nogo ekhe hilingnobagaumo re elo'lek.

MAZMUR 18:28

Afuni inendawi sebelfakhaluk hilingitarek mene inoba re Haren inagap telogo fisikhi lagen, oba nen he, afuni inonggwaregen legetfakhugu mene halok he, Haren sebelogo fisikhi lagen.

MAZMUR 18:29

Tuhan Allah neisena, Haren he an naesage wial nobagakhi lagen, An noba mondok mum were'ma Harenat seleget nobagakhi lagen.

MAZMUR 18:46

It inailo lekhogo hilingitarek mene a'nogo mondogat lek agunem he, inoak leikhogo re it mene inawi sili eroma a'nogo nen wulifarek.

MAZMUR 19:14

An neranhogo weak hilingiti hanogoluk, fanorogo telnafi logoino o. Weak mene nen fa'nobagaluk fetnarek logoinogoluk, wo'narek laga logoino o. A'nogo fetnarek were'ma, tegelek mondok logolik, Hat hane hologo, weak hilingiti'lek logogin o.

MAZMUR 3:8

Tuhan neisena o, it ap an naselei mene andoma re Haren yei tamugethigik inoa'luk he wene inoba fuluk an nebe nek he nagap telnabime o.

MAZMUR 43:2

Neisena Allah, hawe a'ma fetnarek welagen mene, nenahalok haren herak nobagakhi lagen? An naselei mene nen he, yi enggin ti enggin noba fugunem, nendawimo le agu logouwagaluk, nenahalok it inenggiba nobagakhi lagen?

MAZMUR 62:2

An nebe Allah ninom hundik were'ma hambukhogo welagirek. At oba nenat an nagap telek welagirek.

MAZMUR 62:6

We At Allah ninom hundik were'ma an nebe nendawinggen hambukhogo welagirego, At oba nenat nagap telek werego.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

KELUARAN 15:2

Tuhan nineisena homame hokho mene a'nogoba, An elele wo'nafen o, Harenat an telnafen. An neisena Allah harat ma, an harat fogethabigin, An nombalagen Allah fogethati lagaukwa hak, An nen hat henu esinet habigin.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 2:5

Yago, hit afuni Yakub en tagomangge mene yi sani, nineisena Tuhan aselek oba louwogen he we'ni o!

YESAYA 45:24

Afuni inane ikhi logolik, ”Katokhogo hilingiri'lagwi mene inom, inomame werek mene inom andoma re, Tuhan amu nenat wogisikherek iluk ugun!” Afuni mondogat inabit An noba fagarek mene re hobuk An nambit waga logolik inenggali hilik-hilik wesugun o.

YESAYA 61:10

A'nogo ikhemo, it afuni Yerusalem mene nen mel aga: ”Nineisena Tuhan Allah fano hilingninabi'lago andi nen ninendawimo fano agik, ninagaiyegetik, ikhi lago. Ap inagagwi inom lomborinafi logolik, inalilingge fanorogo helagarek andi hak, Tuhan nen su labetarek hak ninagap telninabigin mene wo'nisigik, ninomame aga logouwagaluk hilingninafik, ikhe andi.

YEREMIA 20:11

Oba nen he Tuhan neisena, Hat he an nebikhit mene welagen. Nen Hat mondok homame hokho logolik halong werek hagun welagen. Ap an sebelogo nobagauwogeluk mu'narek nikho mene re, ineisok tunghogo hulambesimbik iren yi'nogo ti'nogo ekhe hilingisu elo'lek asigin. Iren hilingisugun mene iluk eberek werek mene omanogo sugwi asumo re, iren inenggali hokho mene asimbik logogun mene andi re, inonggoragi'lek ebethugu mondok logogun.

MALEAKHI 4:2

A'nogo meneat he, hit An nane hologo tiphogo hilingiti lagep mene nek he, hinagap telhinabuageluk An nomame a'nogo re, mo asinandi tilelogo lakfei wagarek andi hak fanothinabi wesigin o. A'nogo hilinghinabi wesumo re, wam wundula nen wulakfei wagunem endawimo hagaiyegen helalue wanherek andi hak hilingisugun.

MATIUS 8:26

A'nogo yagatukwama at Yesus nen he, ”Nenahalok hinailo aga lagep? Hinendawinggen an noba himbirik welagep lek yi ri!” iluk ane ilik-ilik menlagaikhesik he, sogoi a'nogo inom, i ha'labu a'nogo inom, ”Habolok,” iluk wenagetikhemo, abolok mondok legagaikhe.

LUKAS 3:6

A'nogo hilingitep halok, Allah nen afuni telninabigin mene ekhe lakfei wagunem hineilenggen hogoin o,” iluk, Yesaya nen lisu palogo fesikhe mene higithogoat, at Yohanes nen a'nogo yagaisilik nikhi lagaikhe andi.

YOHANES 1:9

At selek mene andi, kweangma yoma waga logolik, nit afuni mondogat ninebe lombok ninendawimo seleget ninabi wagaikhe.

YOHANES 8:12

Hobuk he, at Yesus nen it afuni omanogo wene ekhe mel yagaisasikhe: ”Afuni selegerinafirek andi re, an aro. Ap sa nen an nombo'ne nikhi logogin halok he, an nebe selek mene logolik inelugerinafirek mene a'nogoat wo'nabigin andi nen he, at andi o mum oba nikhi logogin lego,” iluk ikhi lagaikhemo,

ROMA 8:31

Wene mondogat andi faget, niren ninggi'nogo ugun. Allah nit werekwe aga halok, sa nen lebeleget ninabigin nogo? Elo'lego.

2 KORINTUS 12:9

aren he: ”Hat lebelek halok he, an nomame hokhoatma hebe nendawithafirek mene a'nogo nen, elok fanothafi logogin o,” iluk yaganetikhe. A'nogo yaganetikhe andi nen, at Kristus omame an nendawimo nobagasikhe mene andiat logouwageluk he, an nebe lebelegat logolik, nendawimo nagaiyekhogo fogerakhikhi logogin o.

ULANGAN 7:18

A'nogo anggagubo, it faget hinailo asu fuk. Nineisena Tuhan Allah nen ap kain enupogot Mesir mene inom, afuni aren awe a'ma ferinarek welagaikhe mene mondogat inom, hilinginafunem hineilenggen tomok hasigip a'nogo hinendawimo ebe'ni o.

ULANGAN 7:21

Andi nen he, afuni andi inoba re hinailo asu fugo. Nineisena Tuhan Allah lego mondok logolik omame hokho were'ma inailotharek mene a'nogo nen fethinarek mondok logogin o.

FILIPI 4:13

At Kristus nen nomamet nafu kwelek andi nen he, yi mene ti mene weak agunem inom, fano agunem inom, higit logou hak enek.

IBRANI 13:6

A'nogo anggikhi logolik, hinendawimo nen, Allah nen he, ”Henggi obokhogo herakhobagagin lego,” isikhe andi nen he, ninendawinggen hambukhogo logolik mel ikhi logogun, ”Neisena Enupogot he, an lebetniikherek mene o. Halok he, afuni nen an ninggi'nogo hilingnabugun nogo, An nailo lego,” iluk ikhi logogun andi.

WAHYU 21:23

Nen, o kota andoma Allah amulit yatik, Domba Eak a'nogo esage hangge yatik, selekhogo yatu kwelek andi nen he, mo inom, tugi inom, yati logogun legat welaga higi.

WAHYU 22:5

Nen, Allah ebe aselegen it inebe selegerinafu kwelek andi nen he, o hup aga logogin lek, nen iren esage ibilhi logogun lek, mo yagati logogin legat, werek kwelek it kaindek inenupogot logolik, afuni ekhe inawe a'ma fisaluk ferinarek mondok-mondok logogun isigi o.

WAHYU 7:10

”Nineisena Allah kain obuluk oba welagendek mene, wau waia Domba Eak hemberek, wau waia Telninaferek mene ero hirat welagep,” wau waia ue iluk endawi wati lagaikha isigi.