MAZMUR 26:8 - Allah Wene Fano Wene Hupla Inane

⁸ Tuhan neisena, an he Hat hebe handungdang logolik welagen oba, Hat awi wuri'mo andoma nendawi hundik hilingiti lagi o, neisena.

MAZMUR 26:8 ပူးပေါင်းရင်းမြစ်များ

2 SAMUEL 15:25

A'nogo werek kwelek, afuni arat wulifukwama at raja nen Zadok mel yagatikhe: ”Nineisena Tuhan an nebe endawit nabigin halok, an nambotkwe o Yerusalem wesimbik, Peti ebe inom, obalik welagarek oba inom, neilenggen ha wesuageluk wo'narek wesigin aro. Andi nen he, peti ari ambotkwe kota fei lani o.

1 TAWARIKH 29:3

An nen Tuhan Awi andi faget nendawimo nagaiyek anggikhi logolik he, emas, perak inom, an nonggwarek nangge mene ogo figiat.

2 TAWARIKH 7:1

Raja Salomo a'nogo mondogat samban isikhesik hilingitunemen he, endu pogoroba nen pi waga logolik, wam Tuhan obaget warogo nolhuba fesukwa mene omanogo mondogat endu a'nogo nen nasikhe. Nen, Tuhan ombak-bak selek a'nogo re o Tuhan Awi wuri'mo a'nogoba petesi pi wagaikhemo re,

2 TAWARIKH 7:2

it imam omanogo elonggoma kwi la elo'lek mondok agaikhe.

MAZMUR 122:9

Nit nineisena Tuhan Allah, awi wurik andi alisikhogo, Yerusalem fano mondok logouwageluk, Allah ayonggo fikhi lagi o, iluk wuni watikhe.

MAZMUR 42:4

Lingge hundik, hup hundik le mondok aga logolik, sumburu nenggarek andi hak, le filirogo aga lagi o. Hundik-hundik it naselei mene omanogo nen yaganeti logolik he, ”Heisena Allah ebe koma werek,” iluk yaganeri'lagwi.

MAZMUR 84:10

Hat neisena Allah nen he, nit ninoe raja enggiba welagorek mene, Haren wenatigin mene andi at ebe fanot fikhi logoino. Hawe a'ma fikhi logoino.

YESAYA 38:20

Tuhan neisena, Harenat an fano hilingisogo nobagegen andiba re, niren nineluk logogun huli andomaba pinggong kecapi kong eti logolik, Hat Hawi wuri'mo andoma nen fogethafarek awuniba Harenek fogethafi logogin o,” iluk wuni felalogo watikhe.

YEHEZKIEL 3:12

A'nogo yaganetemo nen Allah Areagun nen an legeisogo nobagaikhemo re, nambotkwe fikhiren ane kululuk eti logolik yi'nogo ugunem holhi, ”Tuhan pogoroba ombak-bak werek mene nek fogeratu mondok logouwak!” iluk ikhi laga.

LUKAS 2:46

Pisukwasik, herarik inenggi pire nikhi lagaukwasigen, hobuk inenggi ekheba kwelakhasukwa re, at ebe Allah awi wuri'mo kwisikhesik, it ap Allah ane yagaisagarek mene inom inanggele'ma hurek logolik, it omanogo inane ugunem esanggo holhik, iren ugunem aren onggo igik, heinok wanhik, ugunem heratukwa.

LUKAS 2:49

at Yesus nen he: ”Hit an hera'nabik nikhi lagep nenahalok. An neisena awi wuri'mo werek iluk hinonggot nogo?” iluk yagaisasikhe meneat he,