MAZMUR 26:6 - Allah Wene Fano Wene Hupla Inane

⁶ An weak hilingiti lagi lek iluk enegenggerogo re nebe horaluk, wuni Hat fogethafu awuni watik,

MAZMUR 26:6 ပူးပေါင်းရင်းမြစ်များ

MAZMUR 24:4

It inobabut hilingitarek oba inom, inendawinggen wenggelharek oba inom kwanirek mene hilingiti'legengge werek halok inom, it inaneba hesangge hombuk palogo agarek lek halok inom, it tugwi kembu fogeratarek lek mene halok inom enek he elok kugun.

MAZMUR 43:4

An nebe Hat faget mezbah wam yi mene ti mene warogo nolhetarek oba andoma nen an nendawimo nagaiyek higirek mene re, Hat hebeat welagen andi nen he nendawimo hokhorogo nagaiyek hikhi lagi mene andi, pinggong aneba fogethafi logogin o. A'nogo hilingiti logolik, neisena Allah, neisena Allah, iluk hai wathafik, fogethafik, ikhi logoigeluk yagaheti lagi o.

MAZMUR 73:13

An nendawimo fano horek logogin iluk tegelikhi lagi andi re we tulemat hilingiti lagi o, weak meneba nen agaiserati lagi andi re we elalinat hilingiti lagi o.

YOHANES 13:9

at Simon Petrus nen he, mel yagatikhe: ”Andi halok he, noe. Neisok ebene nek sobalnafun o. Nenggi inom, nunggul ebenebinom, mondogat sobalnabin o,” iluk yagatikhemo re,

ULANGAN 21:6

A'nogo hilingfuluk it afuni inogogwi kaindek o kota horokhogo mene omanogo sapi andi amboroba nen inenggi sobalhi logolik,

1 TIMOTIUS 2:8

Nen, o yi awi ti awi samban ikhi logolik, it aben he, inenggi nen ekhe weak hilingiti'lek, ina'mage lagagi'lek, wene palhi'lek, tegelek mondok logolik, samban ikhi logouwageluk, yagaisagain iluk nendawimo namolo anggigirigen yagaheti andi.

TITUS 3:5

A'nogo weinam agaikhesik, Allah Areagun en ninendawimo sobalogo ninebe ket mene ta'ninafik, ninobabut hunogoat hilingninafik, isikhe andi re, nit ninonggwaregen ninobabut higithogo hilingiti lagaguba hilingninafikhe fuk. We, ninebe arenat endawitninafikhesik telninafikhe andi.