MAZMUR 26:4 - Allah Wene Fano Wene Hupla Inane

⁴ An he ap ineranen wene lalinafarek mene andoma ninom kabogetu aplere nabitsek welagi, nen it ap inane nen henathigik agarek mene ninom sebetu aple ogore nabirat.

MAZMUR 26:4 ပူးပေါင်းရင်းမြစ်များ

AYUB 31:5

Nen, an nen afuni neranen wene lalinafik, weak inoba hilingisogo figik, igirek mondok legaro, iluk hombuk palogo igi o.

MAZMUR 1:1

Afuni ekhe inobabut he, it ekhe weak hilingitarek mene nen, komorinafunem inane holhi'lek, weak hilingitarek mene inobabut wanhi'lek, Allah inendawimo serametfisagarek mene inom huniti'lek herakfisaluk Tuhan nen ”Yi'nogo hilingiti logoino ti'nogo hilingiti logoino,” iluk komorinafikhe wene andi inendawimo inagaiyekhogo hilingiti logolik hup hundik lingge hundik, wene andi enu salogo oba ebetu mondok welagaikharek mene andi, hobuk Allah nen fanorinafunem inendawimo inagaiyek asugun o.

MAZMUR 101:4

An he henarogo hilingitarek mene andi re nabit welagi, weak mene hilingitunem nabit isigirek andi nen he agaiseratirek.

MAZMUR 119:115

Yago, hit ap hinobabut mondok weak mene andoma re, an were'ma yoma herakfuluk yatma hela lani! An he neisena Allah ane andi nek hologo hilingiti logogin.

MAZMUR 119:63

An he it afuni wene melalek futfuluk Hat oba inailorogo hilingiri'lagwi mene inom, nen it afuni Haren wene yi'nogo hilingiti logoino ti'nogo hilingiti logoino iluk werek mene omanogo inebe mondogat ninom misik sebeti lago.

AMSAL 12:11

Ap yabu inenggi puksek mene re ineabu inomamerogo helagarek andi nen inamburu nenggarek mene hokhorogo welagarek, oba nen he ap wene ebe lek kwelek linggene alomarogo weat welagaikharek mene andoma re morue mene nen hilingitarek.

AMSAL 13:20

Afuni ekhe inobabut hebelek mene inom sebetu halok he inobabut hebelek meneat agaikharek. Nen, it ekhe inobabut kembu mene andi inom sebetu halok he, it andi inebe alomat lagaikharek.

AMSAL 9:6

Haren kemburogo hilingiti lagen mene andoma herakfisan o, hat heluk fanorogo logoinogen he, ap higithogo hilingitarek mene nen hilingiri'lagwi mene andoma higit hilingiti logoino o.

YEREMIA 15:17

An nebe Hat henggi ninghogo fetnarek logolik, homame a'ma fetnarek welagenma re an he ap inunggulenu yi mene nen andoget fuluk seni isagaisogo inagaiyegetik, fogerakhigik agarekwe andoma lagirek mondok lego. An ogo namuat tegelogo welagi o.

1 KORINTUS 15:33

Afuni nen ikhi logolik: ”It ekhe inobabut weak mene hinom hunisugun halok he, hit hinobabut fano mene weak asigin o,” iluk agarek andi eberogoat iluk, hinonggwaregen hinebe lalagubo.

2 KORINTUS 6:17

Nineisena Enupogot a'nogo nenat, ekhe mel isikhe: ”Hit hinebe it afuni ekhe inanggelekwe, welagep andi herakfisaluk he, andogorogo wulibi we'ni o. Wulibi wagunem he, an nen wokhinabumo, hobuk weak mene andi hinenggi fakha lagubo.