MAZMUR 26:1 - Allah Wene Fano Wene Hupla Inane

¹ Tuhan neisena, an he nendawinggenma nen mondok higithogo welagimo re, Haren katokhogo nek hilingnobagain o. An he Tuhan hoba nek nendawimo eberek mondok logolik he, we endebengge iluk ogo nendawinggen ekhe pire pare ili'lago mondok lek.

MAZMUR 26:1 ပူးပေါင်းရင်းမြစ်များ

2 RAJA-RAJA 20:3

”Yegei, Tuhan neisena, an nen Hat Hoba eberek logolik, nendawinggen hoba lakfuluk tiphogonek hilingitu welagi. An nen he Hat hendawimo anggegendek mene nek hilingiti lagi mene a'nogo ebethan o,” iluk samban isikhesik at Hizkia a'nogo le mondok filirogo agaikhe.

AYUB 2:3

A'nogo yagatikhemo, Tuhan nen heinok wokhikhi logolik he, An namingmingengge Ayub he arat futfegen a, lega? ”Afuni o kweangma yi awi ti awi welagaikharek mene inobabut he an namingmingengge Ayub ebe an nebe endawirogo logolik noba lombokhogo werek andi hak he ekhe werek lek, at andi re haren wene ero lek kwelegat weaget fagain iluk an nendawimo kagalhen meneat he aren An kofologo herak nobagagi'lek noba lombokhogo mondok werek a'naga heilenggen hegen a, lega?” iluk yagatikhe.

AYUB 4:6

Hat hebe Allah oba lombokhogo welagen le'nogo? A'nogo were'ma, weak mene ekhe hilingiti'le'maat, hoba asuhak nogo? Hat hebe Allah oba lombokhogo welagen halok he, hendawinggen At oba himbiret fuluk, hobakheindok palagi'lek hambukhogo logou meneat.

MAZMUR 121:3

Aren he hat hebe waranogoluk herakhobagagi'lek, setharek mondok werek. Hat hebe waroageluk Aren oboget hiikherek lek.

MAZMUR 15:2

It afuni andi inebe re, weak hilingiti'legengge fano nek hilingiti logolik, inendawinggenma higithogo wenggelharek meneba, inane eberogo mene nek agarek mene inom,

MAZMUR 21:7

Haren ap andi ebe mondok-mondok faget fanot fegen, Hat hebe elokhoma welagen andiba at agaiyegap kwelafi lagen.

MAZMUR 25:2

Neisena Allah, an he we Hat hoba nek nendawimo eberogo anggikhi lagi o! Nen it afuni an naselei mene nen pelaknobagakhi logolik, nenggali warogo hilingnobagauwageluk herak nobagagun o, neisena.

MAZMUR 25:21

An nen Hat hoba nek nendawinggen eberek welagimo re, we Hat hobabut fano hilingnafi lagen mene andiba inom higithogo nek hilingiti lagen mene andiba inom an kagalnarek logouwak.

MAZMUR 26:11

Oba nen an enek he nendawimo mondok fanorogo welagimo re, hendawi hundik nabimbik he fikhalogo nobagain o.

MAZMUR 28:7

Tuhan andi re an nomamet figik, nebikhit agik, ikherek mene werek. Nen an nen At oba nendawinggen eberogo tibet fuluk welagi. Andi nen Aren he an lebetnafik, nendawimo nagaiyek mene nek hilingnobagagik hilingiri'lago. An nen At hai warogo awuni watu welagi.

MAZMUR 31:14

Ekhe kwe-ekhe kwe mondogat namel-melhogo nek hilingi'mo re, it naselei mene nen inane nguluk habuk ugu mene andoma nesanggo holhi lagi. Nen, iren inane misik seberogo makfuluk he an noasugun iluk nanggomo pali'lagwi.

MAZMUR 35:24

Neisena Tuhan Allah, Haren mondok katokhogo nek hilingiti lagenma re, Hat hebe an nebikhit a'luk nili wo'nabin o, it naselei mene nen inane weak hokhorogo noba fouwageluk herak fisagun.

MAZMUR 37:31

It andi re wene Tuhan Allah nen komotninafikhe wene a'nogo inendawino mondok peterogo were'ma re, ebekhalem ineisok peikhogo warigi'lek fanorogo lagaikharek.

MAZMUR 4:5

Hinailo nen hinoak leigesugun oba nen he weak ekhe inom hilingisu fugo. Hit hinebe nogokhi lagep oba wengik logolik he, hinane igi'lek logolik hinendawimo nenat fanorogo ebeti logoni.

MAZMUR 43:1

It inobabut weak mene nen, ”At weak hilingitemo,” iluk wene noba fugunem he, neisena Allah Haren he, ”At weak hilingiti'lek,” iluk wene noba korogo wokhano o. It afuni inobabut weak hilingitarek mene nen he, an nebe lalnabuogoluk weagetnafik, ineranen wene yaganetik, ugu halok he, Hat hebe an werekwe asimbik telnabino o.

MAZMUR 54:1

Afuni nen wuni wulak fuluk pinggong kecapi watu kwelek inebe ambine ugunem yagaisugu mene faget.

MAZMUR 62:2

An nebe Allah ninom hundik were'ma hambukhogo welagirek. At oba nenat an nagap telek welagirek.

MAZMUR 62:6

We At Allah ninom hundik were'ma an nebe nendawinggen hambukhogo welagirego, At oba nenat nagap telek werego.

MAZMUR 7:8

Andi re it afuni inunggulenu ekhe mene ekhe mene Hat hera'lukwe maserogo werek mene andoma misi'mo kaboget fisaluk he, Hat hebe welagen oba pogoroba andoma hurek logolik he it inebe Hat ha'ma ferinarek logoin o.

MAZMUR 94:18

An nendawimo nen wenggelhi logolik he, an nebe warogo taik igin higi, iluk ebetunemen he, Hat Tuhan nen hendawi hundik hilingnafi lagen mene a'nogoba an nebe nomareogo mendek logouwageluk hilingnobagakhi lagen o.

AMSAL 20:7

Yenggerugwi ineisugwi inobabut fano logolik higithogo hilingitu mene werek halok he inebe fano werek.

AMSAL 29:25

Aben ugu mene faget hailoti logogin mene halok he weak mene ambisangma hoba asigin, nen Tuhan oba hendawinggen tiphogo logogin halok he hat hobuk hili waganek logogin.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.

IBRANI 10:23

At obabut he, ”Wokhisagain,” iluk abok yaganisikheresigen he, ebe wo'nisikheregat andi, niren he, ”Eberogoat tiphogo wo'nisagain,” iluk afuni ineilhanem ninane fakhogo ogorek mene andi ugu mondok logolik, ninghogo fisogo logouwogo.

1 PETRUS 1:5

Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.

2 PETRUS 1:10

Andi nen he, nerugwi nagaila'lak. Hinebe Allah nen wenakhinafikhesik, hinayonggo fesikhe andi re, eberogoat hilinglasuageluk, hiren anggilukhogo hinomamerogo hilingiti logoino. A'nogo hilingiti logogun halok, hinendawinggen Allahba himbirik mene herakfisaluk wulibugun lego.

1 SAMUEL 2:9

Neisena Tuhan hagainafuri hane hologo hilingitarek mene wea'ma lanogoluk henggi fetninarek mondok welagendego. A'nogo meneat he, it afuni inobabut weak mene andi, o mum hik-hakse'ma lakfisamo alomat lasugun o. It afuni inonggwaregen yi'nogo ti'nogo ekhe hilingitarek lek andi nen he, it inonggwarek inomameba inomame asugun mondok lego.

1 SAMUEL 24:15

Afuni Israel mene inoe raja hebe nenat an hamingming engge nebe noasigiluk ikhi lagen andi futfein o. An nebe noasigiluk mu'narek nikhi lagen a'nogo nebe yi heilenggen nean. An hamingmingengge nebe re mene unggul misik warek mene hangge inom, nen no pisang hangge inom, welagi yi.