MAZMUR 25:9 - Allah Wene Fano Wene Hupla Inane

⁹ It afuni inendawinggen sebel fakhaluk hilingitarek mene re Tuhan nen halogo woginarek nikherek, nen iren he At endawimo anggikherek mene hilingiti logouwageluk yagaisikherek.

MAZMUR 25:9 ပူးပေါင်းရင်းမြစ်များ

MAZMUR 119:35

Haren yi'nogo hilingiti logoino ti'nogo hilingiti logoino iluk yaganisikhi lagen mene andi re, an he mondok namolongge hilingi'mo re, an nen ninghogo fisogo logou hago.

MAZMUR 119:66

An he Haren wene yi'nogo hilingiti logoino ti'nogo hilingiti logoino iluk isigin mene a'nogoba nendawinggen tibet fikhi lagimo re, Haren an nendawinggen kagalek mene wo'netik, nen nelu asuageluk hilingnobagagik, in o.

MAZMUR 143:10

Hat hebe re an neisena Allah hilingik welagenma re, Hat hendawimo hagaiyek anggikhi lagen mene andoma nek hilingiti logouwageluk yanggulnafi logoin. Hat Hareagun fano mene andi nen an kwe lioksekwe loageluk wo'narek laga logoin.

MAZMUR 147:6

Afuni sebelogo fisagarek mene re Aren legeisogo fisikherek, oba nen he afuni inobabut weak mene re sebelogo kweangma pelaginaferek.

MAZMUR 149:4

At Tuhan nen he againafuri faget endawimo agaiyek anggili'lago, Aren he afuni inendawinggen sebelfakhagarek mene inoba re inenu werek mene hilingfisikherek.

MAZMUR 22:26

Haren yi wene ti wene hilingiti lagen mene andoma faget it afuni Hat hagainafuri inebe andogorek were'ma inanggele'ma andoma nen, an nen Hat fogethafi logogin o. It afuni Hat hane holfuluk hilingiri'lagwi mene andoma inelokhoma nen wam warogo nolhesigin iluk wene wathetigi mene a'nogo an nen warogo nolhesigin aro.

MAZMUR 23:3

At awene melalek ikhe mene higithogo re, Aren an ekhe inomat nomamet figik, kwe eberogo meneba wo'narek lagik, ikherek.

MAZMUR 27:11

Tuhan neisena, an naselei mene re inebe hokho pokhorogo werek andi nen he, Hat hendawimo nen an nen hilingi'lep anggikhi lagen mene andi re an inukniigik, kwe higithogo lagaikharek meneba halogo nobagai lagik, in o,

MAZMUR 73:24

An neluk fanorogo logogin mene faget Haren komotnafi lagen, Nen Harenat hobuk an nebe agaukhogo wo'nabiginat.

MAZMUR 76:9

Hat hebe pogoroba nen wene tekhogo ikhi lagen mene weinam agunem holhaluk he, kweang mondogat he ailo a'luk ane legengge werek sambul he,

AMSAL 8:20

An he, kwe higithogo lagaikharek andi hak, nobabut higithogo hilingitik, pikhithogo lagik, igirek andi.

YESAYA 11:4

Ap inenggi lek mene re inawene heirogo palinafik, afuni inamu nen hilingisu elo'lek mene inebikhit a'luk leberisigik, ikhi logogin. Ap weak hilingitu mene re At ane miming oba unggum wogisigik, Nen ap inobaharoba nek hilingitarek mene re inebe inoatik, ikhi logogin.

YESAYA 61:1

Tuhan Lego Mondok welagarek mene a'nogo omame re an noba werek. Aren an wenagaisogo nobagaikhesik la'nobagai waga andi re afuni inelagaik mene inoba wene fano wene yagaisigik, afuni inendawimo warugu welagaikharek mene andi fanorinafik, afuni hele warek welagaikharek mene inoba re weak-weagat hele fikhalogo telhinabigin o, iluk yagaisigik, nen afuni ekhe o hele warek fisagare'ma andoma welagaikharek mene inoba re, hobuk fikhalogo hinobagagin o, iluk yagaisigik, uagaluk laknobagai waga o.

YEHEZKIEL 36:27

An nareagun he hit hinendawinggenma hambuget hinafu mene logouwageluk wokhisagain, nen hiren An Nawene melalek higithogo hilingiti logolik, An Nawene yi'nogo ti'nogo hilngiti logoino iluk yagahisasigi mene omanogo hologo higithogo hilingiti logouwageluk An nen hit halogo hinobagagin.

ZEFANYA 2:3

Yago, hit afuni o kweang yiba welagep mene nen hinendawinggen sebelfakhaluk hilingiti lagep mene inom, nen Tuhan Awene melalek hologo hilingiti lagep mene inom, sugulogo Tuhan ambit waga logoni o. At elokhoma sebe iluk At endawimo anggikherek mene nek hilingiti logoni. A'nogo hilingisugun halok he, At Tuhan awi mondok anini oba louksek awi a'nogo weinamet fei wesigin sambul andi re hit hinagap telhinabigin logou hak.

MATIUS 5:5

Nen, afuni inobabut enago mene andi, Allah nen o abok yaganisasikhe mene andi irat eise asugun andi nen he, inendawimo inagaiyek hikhi logouwak.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

KISAH PARA RASUL 13:10

mel yagatikhe: ”Hat hebe Iblis amlogo o. Afuni lalinafik, nongerinafik, ugu mondok logolik, yi mene ti mene higit hilingisuogeluk ugunem he, haren legetfisageluk hilingitu mondok welagen yi ri! Tuhan Allah nen, afuni telninabigeluk kwe higithogo yakninobagasikhe mene, haren kamo igi'lek weaget inobagaigeluk ugu mondok welagen andi nahalok.

KISAH PARA RASUL 9:2

”Noe. An o Damsyik lambik he, it afuni ekhe Yesus ane wanhi logolik ombo'ne nikho mene ekhe werek halok, hemi inom, ap inom, heraginabimbik he, inenggi hele warogo woginarek o Yerusalem yoma fisa wesigen he, it afuni Yahudi mene o kota Damsyik andoma o samban agarek kwe lombok andogori'lagwi mene faget surat ekhe palogo wo'nom o,” iluk yagatikhe.

GALATIA 5:23

inendawinggen sebelek welagik, inonggwaregen komorogo welagik, agarek andi aro. Inobabut a'nogo hilingitunem, wene ekhe inoba fagarek nogo? Mondok lego.

IBRANI 10:20

Nit a'nogo kugun andi re, o hulu su meneba huli warek andi, at Yesus ebeat. Mene re, nit afuni nineluget ninabigin oba kuageluk, kwe at Yesus ebe wa'lagaikhe andiba, kwe ket mene nit faget yatikhe.

YAKOBUS 1:21

Andi nenat, yi weak ti weak inenggali lek hilingirik nikhi lagep mene andi herakfisigik, weak hokhorogoat hilingirik nikhi lagep mene andi herakfisigik, ikhi logoino o. Wene fano wene Allah nen hinendawimo awi yagaisogo fikhe mene andiba elok telhinabigin andi nen he, at awe a'ma kuluk, aren wene hinendawinggenma kagali'logo mene andiat wanhi logoino o.

1 PETRUS 3:15

Hiren he, Kristus agaugwerati logolik, ”Ninoe Enupogot aro,” iluk hinendawinggen oba nen fogerati logoino. Fogeratunem, it ekhe nen heinok hinoba wokhisikhi logolik he, ”Fano asigin, iluk oba eberek welagep andi nenahalok,” iluk yagahisugunem he, onggo wene furogo yagaisogoin mene hinendawimo eberek mondok logolik,

1 PETRUS 3:4

Athe, hinoba fanorogo re, hinendawinggen faget hinago mene andi wanhi logoino. Andi re, hinobabut mondok logogin mene enago welagik, lioksek welagik, ikhi logoino o. Hinobabut Allah eilhanem a'nogo hilingitunem, at endawimo nen fano mondok anggikherek he andi aro.