MAZMUR 25:7 - Allah Wene Fano Wene Hupla Inane

⁷ An nebe souge logolik naweak hilingiti mene inom, kwanirogo hilingiti mene inom, Haren leget nobagambik he, Hat hobabut fano logolik, hendawi hundik hilingiti lagen andiba an noba ebetniugu nogo.

MAZMUR 25:7 ပူးပေါင်းရင်းမြစ်များ

AYUB 13:26

An nebe souge logolik weak hilingiti lagagi mene omanogo faget Haren onggo noba fegen. An nebe neluk welagi mene yi nambisangma asi loageluk he nendawimo mondok heiselek mene foukhogo fegen.

AYUB 20:11

At ebe agap eluk logolik oba re along palonghogo werek oba nen he, we horok yogondak ya at ebe kweang age mene asigiluk werek.

MAZMUR 106:3

It afuni At awene melalek hologo nek hilingitarek mene andoma inom, nen it inobabut oba eberogo mene nek hilingiri'lagwi mene andoma inom en he, inagaiyek hikhi logouwak.

MAZMUR 106:4

Tuhan neisena, Haren it hagainafuri inobaget mondok fano aple nek hilingfisikhi lagen a'nogoba an ogo ebetneano o, nen Haren it hagainafuri andoma inagap telhi logolik halok he an ogo telnabino aro.

MAZMUR 109:14

At ombawi nen weak hilingiti lagaukwa mene andoma At Tuhan nen endawi eberek logouwak, nen at agaisa nen weak hilingite mene andoma leget fegep hanogo.

MAZMUR 109:16

Ap andi re aren afuni inelagaik isaluk inendawirinafu menere mondok onggot welaga. Aren he afuni inenggi lek mene inom inebe wiik-weakhogo werek mene omanogo inom, weak peakhogo fisikhi laga, nen afuni inobakheligik werek mene omanogo aren pinggi inoati laga.

MAZMUR 109:26

Neisena Tuhan Allah, Haren lebetnabin o. Hat hendawi hundik hilingnafi lagen mene a'nogo higithogo Haren nagap telnabin.

MAZMUR 119:124

Haren hendawi hundik hilingfisikhi lagen mene andi higithogo re an ogo a'nogoat hilingnobagain o, Haren wene menfegen mene andi yaganeti logoin o.

MAZMUR 31:16

An neluk he Hat enggiba welagimo re, it afuni an naselei mene andoma inoba nen inom, nen it an si'narek mu'narek nikho mene andoma inoba nen inom nagap telnabin o.

MAZMUR 51:1

It ekhe nen wuni wati logouwagaluk, at Daud en he Batsyeba pailak hilingitikhemo, at Natan Allah ane yagaisikhi lagaikhe mene a'nogo nen he, ”Hat weak hilingiten,” iluk yagatikhesik oba nen Daud en wuni felalogo watikhe mene.

MAZMUR 6:4

Nendawinggen mondok nonghong ugu nen he, Tuhan neisena ki huli nen an oboget nealuk logogin nogo?

MAZMUR 79:8

It ninombawi nen weak hilingiti lagaukwa mene andiba nit wene ninoba fugun o. Nit he ninendawinggen mondogat nonghong ugunem welago hilingi'mo re, Haren weak-weak hendawit ninabin o.

YESAYA 38:17

Ale weak mondok hikhi lagi mene andem agamhogo re nendawinggen abolo'lek fanorogo welagaikharek mene asigin o, enggin mene oba nen Haren telnafi lagen, an naweak mondogat he Harenat sebelogo leget fisikhi lagen.

YESAYA 43:25

A'nogo hilingiti lagep meneat he, An Allah nobabut he, hiren weak hilingiti lagep mene andoma sagalogo leget hinobagambik, hobuk nendawimo ebethikhi logogin mondok lego.

YESAYA 48:11

Andi re An nenuba An nonggwaregenat hilingiti lagi o, An nen herakfisamo nen he afuni nen nenu weagerogo nobagainogoluk hilingiti lagi o, nen An naselek a'nogo re ap ekhe sa iluk ogo minggilesu elo'lek hilingi'mo re a'nogo hilingitirek andi o,” iluk ikhe isikhe.

YESAYA 64:9

Andi nen he, haren ha'mage mondok hokhorogo ninoba fugun o, neisena. Yethan. Nit ninebe hagainafuri mene welago andi nen he, nit weak hilingito mene andi hat hendawimo eberek mondok logogun o, neisena.

YEREMIA 3:25

Enggere nit hilingito mene andi faget ninenggali agik, inal ngesukum wat ninobagagik, ugun andi re fano aro. Andi re niren inom nit ninombawi lagen inom nineisena Tuhan Allah a'nogoba weak hilingiti logolik, At awene melalek omanogo hologo hilingiti lago lek andiba ikhi lagebo,” Iluk ikhe.

YEREMIA 31:34

It inebe mondogaren inalue mene inom, yenggerugwi mene inom An nebe mondogat inelu andi nen he, afuni ekhe nen it ekhe inoba An ineisena Tuhan nebe inelu asuageluk yagaisikhi logogun mondok lego. Iren mondok kwanirogo hilingiti lagaukwa mene andoma An nen sagalogo legetfisambik he, it inaweak andoma oba ekhe ebesigin mondok lego. Iluk An Tuhan nen nane mondogat igi o,” ikhe.

YOHANES 5:14

A'nogo hilingitukwasik oba nen, hobuk at Yesus Allah awi wuri'mo ap a'nogo emberek ambi agaukwasik he, mel yagatikhe: ”Neisena. Yogondak hat hoba arat fano agen andi re, hobuk weak hokho mene ekhe hoba asinogo nen he, weak mene ekhe hilingitun o,” iluk yagatikhe.

YOHANES 5:5

A'nogo nenangorogo welagaukwa mene ap ekhe re, ou warek werek kwelek 38 tahun hilinglagaikhe mene inom inebe andoma wengik were'ma, Yesus eilenggen hasikhesik he, ”Ap yi endamat en yi'nogo welagare'ma higi,” iluk eilenggen enegat hasikhesik he, mel yagatikhe: ”Neisena. hat fano hilinghasigin hamolo a? Habira?” iluk yagatikhemo,

IBRANI 8:12

It weak hilingitarek mene andi, an nen sebelogo legetfisaluk, hobuk nendawimo eberek logogin lego,” iluk yagaisasikhemo lisu palek werek.