MAZMUR 25:6 - Allah Wene Fano Wene Hupla Inane

⁶ Tuhan neisena, Haren attak-attak hobabut fano mene a'nogo inom, hendawi hundik hilingnafi lagen mene a'nogo inom, inuk neasigin mene a'nogo re eberek logoino o.

MAZMUR 25:6 ပူးပေါင်းရင်းမြစ်များ

KEJADIAN 24:27

”Noe Abraham eisena Tuhan fogethafi lagi o, neisena. Haren wo'narek noe Abraham ogogwi agaila'lak inaiba yoma wagendik, an noe ane hologo hendawi hundik welagendek a'nogo nen hendawiraten hiigi o,” iluk yagatikhe.

KEJADIAN 32:9

A'nogo hilingitikhesik, samban yi'nogo isikhe: ”Allah nomba Abraham en inom. neisena Ishak en inom fogethafarek mene neisena. Nane hesanggo holino. Haren an naiba nogogwi nagaila'lak inoba nambotkwe loageluk yaganeten andi re, harenat yi mene ti mene fanotnobagaigiluk wene wa'netigin andi, neisena.

2 TAWARIKH 6:42

Tuhan Allah neisena, ap raja mene yi herakfisa fuk. Nen, Haren hamingmingengge Daud oba hendawi hundik logolik, welagagin aple a'nogo ebethan o, neisena,” iluk samban isikhe.

NEHEMIA 13:22

A'nogo hilingi'luk he an nen it ap Lewi mene omanogo it inebene pugunhogo sali paluk he, afuni linggene Sabat sambul andi enogo fuluk hilingiti logogun nen he ap kwe bene kagalek logouwageluk yagaisasigi. A'nogo yagaisaluk an nen samban ikhi logolik he, ”Neisena Allah, an nen ekhe andi hilingiti mene andi faget ebethan. Nen, Haren hendawi hundik hokho mene a'nogoba hendawit nabin, neisena,” iluk samban isigi.

NEHEMIA 9:19

A'nogo meneat he, haren it inoba hendawinggen hundigen, o leimo afuni le'ma andoma nen it herakfisigi'lek ferinarek mondok welagagin andi. Ohena e higit mendek andiba linggene ebekhalem woginarek wagik, nen, endu mendek andiba hubanggo inanggwe wesugun kwe omba'bak liarogo yararathilik woginarek wagik, kamo igi'lek mondok waga lagagin andi.

MAZMUR 103:17

A'nogo meneat he, At Tuhan nen it afuni At oba inailorogo logolik, ”Yi'nogo hilinghinabigin,” iluk wene warisasikhe mene a'nogo, fisogo mondok logolik higithogo hilingitarek mene andi inebe hobuk ta'larik lagu kwelek, obabut fano a'nogoba, endawirinafu mondok welagarek.

MAZMUR 103:4

An nebe endawi hundigen, endawitnaferek, nebe wa'lasuhak were'ma, telnaferek.

MAZMUR 106:1

At Tuhan andi re ebe fano mene logolik, Aren endawi hundik ninaferek mene a'nogo re etok mondok logoginmo re, At oba hai watu mondok logoni o.

MAZMUR 106:45

It andi inobaget he Aren wene warisasikhe mene a'nogoba eberisikhi lagaikhe, nen Aren endawi hundik mondok hokho mene hilinginaferek mene a'nogoba endawirinafi lagaikhe.

MAZMUR 107:1

Tuhan obabut fano andi nen, hai wati logouwogo o. Aren endawitninafu mondok welagarek andi nen, fogeratu mondok logouwogo.

MAZMUR 119:77

Hat hawene melalek andi nen he an nendawimo agaiyeget fugunem, Haren hendawi neagain oba an neluk ekhe inom logogin o.

MAZMUR 40:11

Hat hobabut fano nen, telninafigin wene andi, an nendawimo hinati'lek, hagainafuri fakhogo yagaisikhi logolik, ”At ebe nit ninoba lombokhogo mondok logolik, lebetnisugu welagarego. Nen ninebe endawi hundigen wene watnisikherek mene andi, ekhe sugi agarek lego,” iluk yagaisikhi lagi.

MAZMUR 69:13

Afuni andogori'lagwi kwe omanogo nen he, an nabok palhu mondok werego. It afuni anggur amusu naluk he, an hilingitirek mene andi faget, kelem wuniba yaganetu werego.

MAZMUR 69:16

An nebe i esinggen fonyalik waga logolik sebelnafik, nen i laut elema ma'lima inom athe kweang habuli'mo inom pela'nabinogoluk he Harenat telnafi logoin o.

MAZMUR 98:3

At againafuri Israel mene inoba endawi hundik hilinginafik, tiphogo hilinginafik, hilingiti laga mene a'nogo faget eberek werek. Nit nineisena Allah omame aga lagaikhe mene omanogo re yi afuni ti afuni o kweangma welagaikharek mene mondogaren, ineil arat haga.

KELUARAN 15:13

Haren wene wa'nisasigin mene higithogo hilingiten andi nen, Nit telninafendik wo'ninarek waga lagen, Homame hokho a'nogoba fetninarek welagen, Hat honggwarek hanggweang hore'ma wo'ninarek lageluk waga lagen.

KELUARAN 34:6

A'nogo yagatikhesik, hobuk Tuhan ebe Musa elokhoma asi lagaikhesik mel yagatikhe: ”An he Tuhan, hineisena Allah nendawinggen lek lebekhogo wogisigik, inebe nendawirinafik, igirek mene a'nogo Anaro. An nobabut he, oba heilarogo nendawirinafi logolik, hombunhogo welagik, na'mage weak-weak inoba figi'lek hilingitik, igirek mene o.

YESAYA 55:7

Afuni weak mondok hilingitu welagaikharek mene andoma re ineluk werek mene faget halfakhikhi logouwak, nen iren wenggeli'lagwi mene andoma re agam eti logouwak. Tuhan nen endawi hundik hilinginaferek mene a'nogo helageluk he, at ebe Tuhan oba sugulogo waga logouwak.

YESAYA 63:15

Tuhan neisena. Hat hebe pogoroba obalik mondok fano hore'ma ombak-bak eterek oba andoma nen heilenggen pela'nisame o. Hendawi nen hendawinggen waraluk homamerogoat lebetninafendek mene a'nogo koma lagama? Hendawinggenma abolok ugunem, hilingninafi lagen mene a'nogo inom hendawi nisaluk hilingninafi lagen mene a'nogo inom koma lagama? Andoma nit ninoba nen elele waganogo fisogo logou ugo.

YEREMIA 31:20

Israel ao, hat hebe re An nomalik nendawinggen hundik mene o, nendawi hundik hilingik welagi mene, nendawinggen tulem mene welagen. An nen hat wenakhe'luk hagut palhealugen he, nendawi ou agunem hat hobaget ebet hiugu welagi. Hat he An nen mondogat nendawit habimbik fanorogo hilinghobagagin.

YEREMIA 33:11

Oba nen he o andoma bene re inane inagaiyekhogo agarek mene inom, inamolorogo agarek mene inom, afuni iginafi logolik inane agarek mene inom, holhi logogun. Nen afuni nen An nobaget hai warogo noba waluk lagu mene iluk inangge fugu mene waluk laga logolik wuni ugu mene ogore inesanggo holhi logogunat. Iren ikhi logolik, ”Tuhan Omame Mondok Hokho mene andi oba hai wasuok, At mondok fano logolik endawi hundik oba nek hilinginaferek mene andi re etok mondok logogin mene hilingi'mo re oba hai wasuogo ikhi logogun. O kweang yiba re An nen attak hilingik welaga hak sik-pikhogo hilingfagain o. Iluk An Tuhan nen nane mondogat igi,” ikhe.

DANIEL 9:18

Allah neisena, hesanggo langet fembik he, ninane hesanggo holhik, heilenggen fenggen lasimbik he, ninebe inom, ninawi kota Yerusalem, Allah were'ma iluk enu agarek awiba a'nogo inom, mondok weaget ninafukwama weak welago yi kwelaknisigik, in o, neisena. Nit ninobabut fano hilingiti lago, iluk Hat hayonggo fikhi lago fuk. We, Haren nit ninobaget hendawit ninabinogen iluk, hayonggo fikhi lago o, neisena.

HABAKUK 3:2

”Tuhan neisena, Hat hobabut hilingiti lagen mene andoma nesanggo holhiresik he, nendawimo nen Hat hobaget hilingisu hagenek hilingnabi'lago o. Attak hilingiti lagagin andi hak, yogondak ekhe hilingitik, weinamet figik, ino. Ha'mage lagakhi logoligat he, hendawit ninabin o.

LUKAS 1:50

Afuni mondogat, attak ta'lagaukwa mene inom, ket ta'lagaikha mene inom, hobuk ta'lasugun mene inom, at ebe inailo were'ma endawi nen fano hilinginafi logogin o.

LUKAS 1:54

Omanggumat nineisena Abraham inom, aren tagongge mene inom mondogat fanorinabigeluk abok yagaisasikhe a'nogo higithogo, at agoromi ap Israel mene inoba ebe'luk endawi nen leberisageluk waga yi o,” iluk isikhe.

LUKAS 1:78

Nineisena Allah obabut fano nen endawitninafikhesik, o hil lakfei wagarek andi hak, ninoba lakfei waga logolik,

2 KORINTUS 1:3

Ninoe Enupogot Yesus Kristus eisena Allah andiat fogerati logouwogo. At nineisena Allah obabut fano nen afuni yi mene ti mene faget inendawimo weak were'ma, endawirinapluk inendawimo fanorinaferego.

FILIPI 1:8

Yesus Kristus nen hit hinebe mondogat endawi welagarek hak, an nen hit nendawiat logolik he: ”Ninom logoilo e,” iluk, nendawimo eberogoat anggikhi lagi mene andi, at Allah eluo.

FILIPI 2:1

Nit Kristus ninom hundik logolik, aren ninendawinggen ago watninafik, ninebe endawirogo ninendawinggen sebelhik, Areagun ninom hundik logolik, lebetnisigik, ugu kwelek nit-nit agamhogo nendawi-hendawirogo hilingitorek andi nen,

KOLOSE 3:12

Hit hinebe Allah nen wenagaisogo onggwarek faget fakhasikhesik he: ”An nonggwarek nagainafuri o,” iluk endawirogo welagarek andi. Halok he su ket mene labetarek hak, hinobabut yi mene wanino. Inebe inendawirinafarek mene andi inom, inobabut enago welagaikharek mene andi inom, inonggwaregen fogerakhigi'lek inendawinggen seberogo welagaikharek mene andi inom, inobabut liokhogo hilingitarek mene andi inom, inafe morogo welagaikharek mene andi inom, hinobabut andi mene wanino.

1 YOHANES 3:17

Mene re, sa nen at agarek yi mene ti mene kweangma mene fuluk logolik, erei agailak ekhe yi mene ti mene elagaik were'ma eilenggen halugat he, ekhe wogeti'lek endawimo nen anggikhi logolik, nonggwarek enek anggikhe halok, at andi obabut he, Allah nen endawitninaferek andi hangge werek anggegep? Mondok lego.