MAZMUR 25:5 - Allah Wene Fano Wene Hupla Inane

⁵ An nebe Hat hendawimo anggikhi lagen mene higithogo nek hilingiti logouwageluk yaganetik, yanggulnafik, in o. Allah an nebe telnafi lagen mene re we Hat hamu welagenma re, an nen Hat hoba nek nendawinggen eberek mondok welagi o.

MAZMUR 25:5 ပူးပေါင်းရင်းမြစ်များ

KEJADIAN 49:18

Allah Henupogot neisena, haren telninabigin mene andiat serogo welagirego.

NEHEMIA 9:20

Hat Hareagun fano meneba it komorinafi lagagin andi. Haren it inamburu manna mene kamo igi'lek wogisugunem ninggik, inagai nele were'ma wogisugunem elokhogo ninggik, ikhi lagaukwa andi.

AYUB 36:22

At Allah andi re Omame Mondok Hokho mene werek a'nogo hendawi wenggel han. Ap guru welagaikharek mene ogo At higit ekhe werek lek.

MAZMUR 107:7

Aren he ebekhe pikhithogo yago kwe nen woginarek laluk he, o kota afuni inebe werek oba omanogo fisa laga lagaikhe.

MAZMUR 119:26

An nobabut hilingitirek mene fagetunem he Haren onggo yaganeti lagen, Haren wene menfesigin mene omanogo yaganeti logoino.

MAZMUR 119:33

Tuhan neisena, Haren wene tekhogo unggul warogo fesiginmo werek mene andi an nen o wurep kobokhogo andoma higithogo nek hilingiti logoiyogen he, Haren yaganeti logoin o.

MAZMUR 119:66

An he Haren wene yi'nogo hilingiti logoino ti'nogo hilingiti logoino iluk isigin mene a'nogoba nendawinggen tibet fikhi lagimo re, Haren an nendawinggen kagalek mene wo'netik, nen nelu asuageluk hilingnobagagik, in o.

MAZMUR 119:97

Hat hawene melalek faget he an mondogat nendawi hundik anggikhi lagi, linggene inukhogo kumuthikhi logolik ebetu welagi.

MAZMUR 22:2

Allah neisena, an neisena Allah re Hat hebe welagen, nenahalok Haren oboget neegen nogo? An nen Henu hombuk palhi lagiba nen he, Hat hebe yatma logolik nane hesanggo holhi lagen lek?

MAZMUR 24:5

Inobabut ariginik mene re nineisena Tuhan nen telinabimbik, fanorinabigin werego. A'nogo fanorinafi logolik At Allah nen yagaisikhi logolik, ”Hit he weak hilingiti'lego,” iluk yagaisagain aro.

MAZMUR 25:10

It afuni nen ambi At Tuhan nen abok wene warisasikhe mene omanogoba inom, At Awene melalek oba inom, hologo nek hilingitu werek halok he, Aren ogo endawi hundik oba inom tiphogo nek hilinginaferek meneba inom, hilinginafu mondok werek.

MAZMUR 25:8

At Tuhan andi obabut he fano logolik higithogo nek hilingiterek mene hilingi'mo re, afuni inendawinggen nonghong ugunem, kwe logoinkwe yagaisikherek.

MAZMUR 68:20

At Allah andi re nit telninaferek mene hilingi'mo re, Tuhan andi nek fogerati logouwok! yi sambul ti sambul andoma re nit ninoba enggin werek mene omanogo hatu mondok werek.

MAZMUR 79:9

Nineisena Allah, Hat he ninagap telogo ninobagagu mene welagenma re nit lebetninabin o, Hat honggwarek halong logolik lego welagen andi hak nit ninaweak honggoret fuluk nit ninebe fikhalogo ninobagain o.

MAZMUR 86:3

Tuhan neisena, an neisena Allah re we Hat amu welagenma re, an nen lingge inukhogo samban Hat hoba ikhi lagi mene yi hendawit nabin o.

MAZMUR 88:1

Wuni it inunggulenu Korah mene inawuni. It afuni wuni wulak fuluk ugunem yanggulinafu mene faget, wuni unggulenu: Mahalat Leanot awi Ezrahi mene andi nen yagaisikhi lagaikhe awuni.

AMSAL 23:17

Ap weak hilingitu mene faget hina'mage inoba fisa fuk. Hineisena Allah ba lomborogo logolik hilingiti logoino.

AMSAL 8:34

It afuni an nane hologo hilingisuogoluk hundik-handik an nawi kweba hurek welagik, an welagirek oba leget pa'leget ambe pale'ma andoma kagalek welagik agarek mene andi re, inendawimo inagaiyek anggikhi logouwak.

YESAYA 30:18

A'nogo hilingitu kwelek oba nen Tuhan nen endawi hundik hilinginaferek mene a'nogo hit hinoba inuk hisagain iluk nenangot hisikhi logolik werek. Hit endawi hundik hilinghinabigiluk fik-fouksek logolik werek. Andi re At Tuhan he ebe Allah tiphogo mondok hilingiterek mene hilingi'mo re, ap At oba inendawinggen tibet fuluk logogun mene re inagaiyekhogo logouwago.

YESAYA 35:8

O andoma re ebekwe hokho mene ekhe logogin, ”Ebekwe andi enu re Inagap telinaferekwe,” iluk salek logogin. Ap weak hilingitarek mene re kwe andi kwe laga logogun mondok lek, ap kembu mene re ap kwe andiba louwogeluk lagunem inendawinggen lugu-lugwirinafi logogun mondok lek.

YESAYA 42:16

An nagainafuri ineilenggen mum mene andoma re, kwe it inonggot kwe iren lagaikharek lekwe woginarek lagain, O mum mene andi inelokhoma liaratik, kwe sirek harek mene andi enagaisogo higirabetik, igin o. An nen it faget hilingisigin igi mene andi re, eberogo hilingisigilugat igi o,” isikhe.

YESAYA 49:10

It he, inagai inom inamburu inom nelerogo logogun lek, nen o leimo andoma it faget hibi fululung hibi lagagin legat. A'nogo hilingisigin andi re An nen it inoba inelagaik isikhi lagimo re, it woginarek lagik, hondoginarek i elesi agai fano meneba fisa lagik, hilinginafi logogin o.

YESAYA 54:13

Afuni o andoma werek mene inebe mondogat he An nen yanggulinafu mene asugun, It he inangge yi mene ti mene weregenek logolik mondok fanorogo logogun.

YEREMIA 31:9

A'nogo waga logolik le arik-arik wagunem he, An nen koninafik, inendawimo fanorogo hondogoisogo fisa wagik, igin o. An nen he i hokhorogo werekwe nen hondoginarek wagik, kweang tonggorekwe nen it ineisok unggut tunghogo wara lekwe hondoginarek wagik, igin. Ariginigin andi re An he it Israel mene ineisena welagi nen Efraim he An namlogo manggusa mene werek andi nen hilingisigin o,” ikhe.

MIKHA 7:7

Ariginik oba nen, nit he nineisena Tuhan nenangorogo logouwok. A'nogo logolik, ninendawimo nen eberogo anggaluk nineisena Allah yerogo logogun. Nen, Aren he, nit ninane holfuluk telninabigin.

LUKAS 18:7

Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo?

YOHANES 16:13

A'nogo meneat he, Allah Areagun, ebe wene ikherek mene andi wesimbik he, kwe inonggotma inelu mene nen yagaisagarek andi hak, ebe wene mondogat futfobagaigen iluk yagahisikhi logogin o. A'nogo yagahisikhi logogin andi re, wene at endawimo nen wenggelogo ikhi logogin lego. We, at esanggo holherek mene nek ikhi logolik he, hobuk hilinglasigin mene yagahisikhi logogin aro.

YOHANES 6:45

Wene andi faget it ap Allah ane yagaisikhi lagaukwa mene omanogo nen lisu palogo fikhi logolik mel isukwa: It afuni mondogat Allah nenat wene yagaisikhi logogin o, iluk lisu palogo fesukwa andi hagat, afuni an neisena ane inesanggo holfuluk, aren yagaisugunem wanhu halok, inebe lombok an noba wagaikharegaro.

ROMA 8:14

Allah nen Areagun wokhisikherek andi re, afuni inebe it ekhe inamingmingengge logolik inobabut inailorogo hilingitarek andi hak, hilinghinafi logouwageluk wokhisikherek fuk. We, at Allah onggwarek againafuri hilinghinapluk kulhinabuageluk wokhisikherek. Andi nen he, it afuni Allah Areagun en woginarek nikherek mene halok, inebe lombok he, inebe Allah againafuriat werego. A'nogo logolik ninebe Allah Areagun oba himbiret fuluk logolik he, mel ikhi lago: ”Neisena Allah, neisena Allah,” iluk ninane fakhogo ikhi lago andi.

1 YOHANES 2:27

At Kristus nen Allah Areagun wokhisasikhemo hinendawimo logolik, yi mene ti mene faget, eranen yagahisigi'lek, eberogoat enek yagahisili'logo andi nen he, afuni ekhe nen wene hit yagahisogoin elo'lego. Wene at Allah nen yagahisili'logo mene andi higithogoat hilingiti logolik, Kristus hinom hundik mondogat logoino o.