MAZMUR 25:2 - Allah Wene Fano Wene Hupla Inane

² Neisena Allah, an he we Hat hoba nek nendawimo eberogo anggikhi lagi o! Nen it afuni an naselei mene nen pelaknobagakhi logolik, nenggali warogo hilingnobagauwageluk herak nobagagun o, neisena.

MAZMUR 25:2 ပူးပေါင်းရင်းမြစ်များ

2 TAWARIKH 13:18

It Yehuda inaben he it inambu-inomba lak ineisena Tuhan Allah a'nogo omameba inendawinggen himbirik logolik hilingitukwaba it inebikhit inomame agaukwa andi.

MAZMUR 13:5

It naselei mene nen ikhi logolik, niren omame leget fogo, iluk yaganetik, nen an nalo-halo ugunem iren endo ya'nafik, uageluk herak nobagagun o, neisena.

MAZMUR 142:6

Tuhan neisena, an nen we Hat hoba nek henu hombuk palhu mondok welagi, Hat hawea'ma nagap telek welagi, an nebe neluk logolik oba ya re Hat hebe ninom logogun andi nek namolo welagi.

MAZMUR 18:2

Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

MAZMUR 22:1

Afuni nen wuni wulagaisogo inebe seberogo ugu kwelek yagaisugu mene faget, wuni rusa o wei igiluk ugu kwelek agarek awuni a'nogo higithogo: At Daud awuni.

MAZMUR 22:5

Nen nit ninambu ninombalagen he Hat hoba nek eberek mondok welagaukwa. A'nogo were'ma Haren inagap telogo fisikhi lagagin.

MAZMUR 22:8

Inebe mondogen ineilenggen yetnealuk, endo ya'nafi logolik he, inambisang singgin wa'nafik, inunggul kwani igik, ugu mondok welagaikharego.

MAZMUR 31:1

Wuni wulak fuluk ambine ugunem melalinafu mene faget, Daud awuni.

MAZMUR 31:15

Oba nen he Tuhan neisena, Hat hebere an neisena Allah welagenma re, an he Hat hoba nek eberek mondok welagi.

MAZMUR 31:2

Tuhan neisena, an he Hat hoba lomborogo welagimo re, afuni nen an nendawimo ale mene hilingnobagauwageluk herak nobagagun o. Haren he mondok katokhogo nek hilingiti lagen a'nogoba an nagap telogo nobagain o,

MAZMUR 34:8

It afuni Tuhan ebe inailorogo logolik ane hologo hilingitarek mene re, At agoromi malaikat en kwelaginarek werek, nen it andi weagerinabigiluk ugunem telinaferek.

MAZMUR 37:40

It afuni inobabut fano hilingitarek mene andi re, inebe Allah awe a'ma kuluk welagaikharek andi nen he, it afuni weak hilingitarek mene andi nen inoasuogoluk ugunem, At Allah nen leberisaluk telinaferego.

MAZMUR 41:11

It naselei mene nen weak mondok noba fili'lagwi mene andi an nen ogo onggo it inoba a'nogo hilingfisagain nen he, Tuhan neisena, Haren hendawi hundik nabimbik, an noba fano hilingnobagain o.

MAZMUR 56:1

Afuni nen wuni wulak fuluk inebe seberogo ugunem yagaisugu mene faget. Wuni sue merpati o yatkwe e bene afe mogol arue iluk ikhi lagaukwa mene andi faget apne waganogo felalhukwa mene. Daud ebe it afuni Filistin mene nen o Gat omanogo nen fakfesukwama, at Daud en isikhe awuni.

MAZMUR 7:1

Hun Kus unggulenu Benyamin agun andi faget at Daud en le yaginafi logolik Tuhan oba wuni isikhe mene re yi.

MAZMUR 71:1

Tuhan neisena, an he Hat hoba lombokhogo welagimo re, an nenggali asuageluk oboget nea fugo.

MAZMUR 91:2

Tuhan oba ikhi logolik he, ”An neisena Allah nebikhit a'luk nili wo'nafik, nebe telogo nobagagik, ikhi lagen mene re, we Hat amunek welagen o. Nen, an nen he we Hat hoba nek nendawinggenma nen eberogo anggikhi lagi o,” iluk ikhi logogun fano.

MAZMUR 94:3

Tuhan neisena, afuni inobabut weak mene andoma re ki huli nen inagaiyek hikhi logolik logogun nogo? Tuhan neisena, ki huli nen logogun abi?

YESAYA 26:3

Tuhan, ap endawinggen hambuksek mene andi re Hat hoba endawinggen eberogo anggaluk hilingitunem he Haren at oba endawinggen hambukhogo, ailo legengge logouwageluk wogeti lagen.

YESAYA 28:16

A'nogo anggikhi lagep andi nen he, Tuhan Omame Mondok Hokho mene a'nogo nen yi'nogo ikhe, ”An nen he helep ubule mondok omame mene hambuk lele warogo o Sion oba andoma fagain o. Helep misik andi ebere omame mondok hokho mene ninghogo ubule warogo were'ma helep andiba lisu yi'nogo palek logogin: ’Hit afuni hinendawinggen at oba himbirik logogun mene re hinenggali hogoin lego,’ iluk palogo foumo logogin.

YESAYA 37:10

raja Yehuda meneba lakfei wagaikhe mene re yi'nogo palek welagaikhe, ”Hat he an nenggimo asigin lek iluk heisena Allah nen lalhafu mene faget Aren wene watnetemo iluk hendawinggen At oba himbirik logou fugo.

YESAYA 37:20

Nit nineisena Tuhan Allah, afuni kweangma inunggulenu lombok werek mene andoma nen he we Hat hamu nek Tuhan welagen mene a'nogo inelu asuageluk, ap Asyur mene andiba nen nit telogo ninobagain o,” iluk samban isikhe.

YESAYA 37:35

Kota Yerusalem andi re An nen namingmingengge Daud inom wene wat-wat agagu mene faget, nen An nonggwarek nalong welagi mene a'nogo nalong palogo re An nen kota andi along palhik, ebikhit agik igin o,” ikhe iluk lakfesikhe.

YESAYA 41:16

Haren he, it inebe gandum enggen hak eninafunem he, it inebe afulfulengge higit sogoien furogo woginarek lagik, sielu nen funhogo waluk lagik, hilingiti logogin. Hat he, An heisena Tuhan nobaget hagaiyek agik, An nebe afuni Israel mene ineisena Allah welagi andi nen wonoget fakhigik ikhi logogin.

YESAYA 49:23

It raja-raja omanogo re hineisugwi higit asugun nen ratu-ratu omanogo re hinagaisawi higit asugun. Iren hat legeisogo hobagakhi logolik inendep awi yagaisogo foget habimbik hawe a'ma sebe ugun. Ariginugun andiba re haren An nebe Tuhan welagirek mene a'nogo helu asigin o, ap inendawinggen An noba tibet fuluk werek mene re inendawimo weak asuageluk ekhe hilingfisagain lego,” ikhe.

YEREMIA 17:18

It ap an mu'niugu mene inom, an sebel nobagagu mene inom, andoma Haren inenggali watfisaluk it inoba inailo mene kwelakfisagain logouwak. Oba nen he Tuhan neisena, Haren an noba a'nogo ekhe hilingnobagau fuk. Haren enggin mene andi it inoba fisa wesumo re it inebe mondogat legasugun logouwak.

ROMA 10:11

Allah aneba lisu palogo fikhi logolik he, mel isukwa: ”Afuni inendawinggen at eba rogo himbiret fogoin mene halok inenggali asugun mondok lego,” iluk lisu palogo fesukwa.

ROMA 5:5

Fano asigin iluk ninendawimo ninagaiyek hikhi lago andiba, Allah nen Areagun wo'nisasikhemo ninendawimo logolik, i hinatarek hak, Allah nen endawitninaferek mene andi ninendawimo peterogo ninobagaikherek andiba ninailo lekhogo welago.

1 PETRUS 2:6

Wene andi faget Allah nen mel isikhe: ”An nen, helep fano mondok mene wenagaisogo o Sion andoma o tik ekhe warogo figi yi hani! Hit afuni hinebe lombok hinendawinggen at oba himbirik logogun halok he, hinenggali hogoin lego,” iluk isikhemo lisu palogo fesukwa andi.