MAZMUR 24:4 - Allah Wene Fano Wene Hupla Inane

⁴ It inobabut hilingitarek oba inom, inendawinggen wenggelharek oba inom kwanirek mene hilingiti'legengge werek halok inom, it inaneba hesangge hombuk palogo agarek lek halok inom, it tugwi kembu fogeratarek lek mene halok inom enek he elok kugun.

MAZMUR 24:4 ပူးပေါင်းရင်းမြစ်များ

KEJADIAN 6:5

A'nogo logolik, afuni kweangma mene inobabut mondok weak, hundik-handik inendawimo weak mene nek ebetu were'ma Tuhan en eilenggen isasikhe.

AYUB 17:9

Ap higithogo hilingitarek mene inom, nen ap weak hilingitarek lek mene inom, nit At Allah endawimo agaiyek anggikherek higithogo welago iluk, it inebe werek mene faget ekhe inom omamet fakhikhi logouwak.

AYUB 9:30

An naweak hosuageluk he sabun ekhe werek lego!

MAZMUR 143:8

An he Hat hoba nek nendawi eberek welagimo re, o hubet ekhe sambul-ekhe sambul andoma Haren hendawi hundik hilingnafi logolik welagen mene andi faget ebetniikhi logoino. An nen samban Hat hoba yagaheti lagi andi nen he, an kwe loageluk Haren yaganeti logoino.

MAZMUR 15:4

afuni Allah nen abit isikherek mene, inendawimo seramet fisagarek mene inom, A'nogo meneat he, afuni Allah inailorogo hilingitarek mene inom, agaugwerinafarek mene inom, ”Ti mene wokhesigin,” iluk Allah enu hombuk palogo wene warisagarek mene inom, ”Nit mene alomat laga,” iluk anggigi'lek, ebe tiphogo nek hilingitarek mene inom.

MAZMUR 18:20

Aren an faget endawimo agaiyek anggugunem a'luk he, ap youkhogo were'ma nen ogore, an lologo wulaknobagagik, nagap telogo nobagagik, hilingnaferek.

MAZMUR 25:1

Tuhan neisena, an nen samban Hat hoba liabi waga lagi o.

MAZMUR 26:6

An weak hilingiti lagi lek iluk enegenggerogo re nebe horaluk, wuni Hat fogethafu awuni watik,

MAZMUR 51:10

Haren nendawimo weak hilingisogo fegen mene andi, hobuk fanotnafunem nendawimo nagaiyek asimbik, fano wene andi nesanggo holigen he Harenat yagane'no o.

MAZMUR 51:12

Neisena Allah, Haren an nendawinggenma fano horek mene hilingisogo nobagain o. Hoba lomborogo mondok logouwageluk, hareagun nendawimo peterogo fembik, nobabut ket mene hilingisogo nobagain o.

MAZMUR 73:1

Ibi eberogo nen he, At Allah re againafuri At oba inendawinggen tibetfuluk welagaikharek mene re fanorogo nek hilingfisikherek.

AMSAL 20:9

Afuni nen ikhi logolik, ”An he weak oba nen fikhalogo wulibi wagiri'more nendawinggenma mondok horek welagi,” iluk ikherek mene ekhe werek nogo?

YEREMIA 4:14

Yerusalem, hat hagap telhabuakhogore hendawimo weak welagen mene ari horogo wulakfisan o. Ki huli nen hat hendawimo wene weak mene wenggelhu welagen mene andi fisogo logogin nogo?

YEREMIA 5:2

Iren ikhi logolik nit he Tuhan obaget apne wanhi lago iluk ili'lagwi, oba nen iren a'nogo hilingiti logoligen he fuk.

YEHEZKIEL 18:15

Amlogo andi nen he ap Israel mene inanggembu omanogo fogeraterek lek, athe kembu dewa fogeratarek oba omanogo nen obaget warogo fagarek mene ninggerek legat, aren ap amu mene inagagwi ineil salinaferek legat,

YEHEZKIEL 18:6

Ap andi re Israel mene inanggembu fogeraterek lek, athe Israel mene nen tugwi kembu fogerati logolik obaget warogo nolharek mene omanogo ninggerek lek, nen tugi wagunem hemi inamep hagarek mene inom nogoikherek legat.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

MATIUS 5:8

Nen, afuni inendawinggen fano tegelek welagaikharek mene andi, hobuk Allah ebe ineilenggen hogoin andi nen he, inendawimo inagaiyek hikhi logouwak.

KISAH PARA RASUL 14:15

”Ap yi sani. Hit ninggi'nogo hilingiti lagep. Nerugwi nagaila'lak. Nit ninebe re, hit hangge afuni meneat. Mene re, hiren yi mene ti mene we tulemat hilingiti lagep mene andi herakfisaluk he, hinobabut hebelasimbik hinelokhe Allah eluk mondok welagarek mene andi wogosubagaigen iluk wene yagahisa wago mene o. At Allah andi re, pogot inom, kweang inom, i laut hokho yenggelek inom, yi mene ti mene pogoroba, kweangma, ima welagarek mene inom, walhasikhe mene o.

KISAH PARA RASUL 15:9

It hunogoat hilinginafik, nit hunogoat hilingninafik, igi'lego. We, iren Yesus ane eberogoat iluk wanhukwama re, aren inendawimo horinafikhe andi.

2 KORINTUS 7:1

Halok he, nerugwi nagaila'lak. Hinebe nendawi e. At Allah nen a'nogo logogun iluk abok yaganisasikhe andi nen, ninebeba nen, ninendawinggen oba nen, weak hilingitorek mene andi, fanorogo horogo herakfisouwogo. A'nogo herakfisambik, Allah ebe ninailo logolik he, ninebe at faget fisaluk logouwogen, ninendawinggen katokhogo wurigerati logouwogo.

ULANGAN 4:19

Hiren he, pogoroba welagarek mene, mo inom, tugi inom, hesagal inom, hineilenggen hikhi lagep mene andi amingmingengge asimbik fogerati logolik weak hilingitubo. Andi mene re nineisena Tuhan Allah nen, afuni inunggulenu hunogoat mene nen fogerakhikhi logonik he, iluk herakfisasikhe andi.

1 TIMOTIUS 1:10

aben hemi pailak fakfisigik, ap-ap fakfisigik, agarek mene inom, afuni ekhe inagainafuri mene inenggi abisak hinaginafarek mene inom, ineranen agarek mene inom, ”Wene eberogoat igin,” iluk Allah enu hombuk palilugat he, lalinafarek mene inom, it mondogat a'nogo hilingitarek mene faget isikhe. Nen, it ekhe inobabut ebe wene fanotninaferek wene andi sagalogo herakfisaluk weak hilingitarek mene an igi'lek mene mondogat ekhe faget inomat isikhe.

1 TIMOTIUS 2:8

Nen, o yi awi ti awi samban ikhi logolik, it aben he, inenggi nen ekhe weak hilingiti'lek, ina'mage lagagi'lek, wene palhi'lek, tegelek mondok logolik, samban ikhi logouwageluk, yagaisagain iluk nendawimo namolo anggigirigen yagaheti andi.

YAKOBUS 4:8

Hit Allah oba lomborogo lagep halok he, at ogo re, hinoba lomborogo wesigin aro. Hit weak hilingiti lagep mene andi, hinenggibene horogo hebisikhi logoino o. Hinendawinggen pire aksek mene andi, hinendawinggenma weak mene horogo lakfisikhi logoino o.

WAHYU 21:27

A'nogo kwikhi logogun meneat he, afuni weak inabit mene hilingitik, ineranen wene igik, ikhi logolik inoba horinafi'lek mene re o andoma kwikhi logogun mondok le'ma higi. A'nogo meneat he, it ekhe ineluk mondok logouwageluk fanorinabigin mene halok inenu lisu palogo Domba Eak asuesinggaba fikhe mene nek o andoma kwikhi logogun higi o.