MAZMUR 23:4 - Allah Wene Fano Wene Hupla Inane

⁴ An nebe tonggwe mum hikhaksekwe lagain halok ogore, Haren fetnarek mondok logolik, ap wam domba halherek mene nen, anggo ebe wasinogoluk, arigeba ebe telherek andi hak, telnafi lagen andi nen he, nailo lekhogo logogin.

MAZMUR 23:4 ပူးပေါင်းရင်းမြစ်များ

AYUB 24:17

Ap ariginik mene andi re o wei ugu halok he ailo mondok, oba nen he o mum oba re inailo mondok legat andi,” iluk isikhe.

AYUB 3:5

O andi sambul haren he, mondok te'met figik, mumet figik, henanggulok sebelogo weaget figik ino o. Mo yasinogoluk ohena nen sebelek mondok logouwak.

MAZMUR 110:2

O Sion oba andoma nen he, o haren ferinarek welagen oba a'nogo At Tuhan nen esanggo esanggo wogologo langet fagain, a'nogo hilingfoumo, haren haselei mene henggiba ferinarek logogin.

MAZMUR 118:6

At Tuhan he an werekwe werek andi nen he, an he noak leigesu lek hak, afuni nen an noba yi'nogo ti'nogo ekhe hilingnobagaumo re elo'lek.

MAZMUR 138:7

An noba enggin mene asi wagunem, Haren enek an neluk logouwageluk henggi pukhogo fetnarek welagen. It naselei mene inanini noba fugunem he, Hat homameba nek an nagap telogo nobagakhi lagen.

MAZMUR 14:5

At nineisena Allah nen he, at againafuri ane hologo hilingitarek mene it fanorogo ferinarek welagarek andi nen he, afuni weak hilingitarek mene andi re, hobuk inailo mondok asugun.

MAZMUR 3:6

An weing la'luk nabolok lek nogogu were'ma re, At Tuhan enggiba agorogo fetnarek mondok werek.

MAZMUR 44:19

Nit ninendawimo re Hat hoba ninonggot aga lago mondok lego, Hat hawene melalek omanogoba nen higilogo esanggomat fikhi lago legaro.

MAZMUR 46:11

A'nogo hilingiti logolik Aren he mel ikherek, ”Weim yafi lagep mene ari re palfeni o. Yi afuni ti afuni o kweangma welagep mene hineisena Tuhan Allah esin mondok mene re, we An namuat welagirek andi nen he, tukhumhogo fut nobagani o,” iluk ikherek.

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.

YEREMIA 2:6

A'nogo hilingirilik laga logolik iren he, Nineisena Tuhan o Mesir en wo'ninarek wulibi waga logolik, kwe o leikwe yi mene ti mene fulelek legat, mondok weakwe, kiling ele hokhorogo werekwe, puk halongorekwe, afuni lagaikharek lekwe, wo'ninarek wagaikhe mene a'nogo ebe koma werek iluk mel heinok wo'nafi lagaukwa legat andi.

MIKHA 7:14

Tuhan neisena. Hat hagainafuri haren wenaginafigin mene omanogo re, it inebe yat-yatkwe werek mene inom, solikwe werek mene inom, kweang heiselekwe werek mene inom were'ma, Haren halinafi logoin o. Neisena, it he o attak welagaukwa hakhogo inangge nunggu mene re o Basan engga wilibikwe andoma nen inom o Gilead kwe andoma nen inom helaluk ninggi logouwago.

ZAKHARIA 11:10

A'nogo igirik he, an nen sige tomuk ekhe enu ”Endawi fano,” iluk salhi mene a'nogo wanhirik he, it inunggulenu mondogat inom, Tuhan nen wene warisikhe mene a'nogo leget fouwageluk sombologo lakfisigi.

ZAKHARIA 11:14

A'nogo hilingi'luk he an nen tomuk pirenek mene enu, ”Hele homago” a'nogo sombolisigi. Ariginhigimo re, Yehuda inom Israel inom misik seberek welagaukwa mene a'nogo minggilagaukwa.

ZAKHARIA 8:23

Inenggi andem oba re, ap pok mene inebe nomolo nen mene re ap Yahudi mene misik ekhe ambit wesimbik oba yagati logolik, ’Nit ninesanggo holhunemen he, hit he hineisena Allah nen fanot hinobagali'lago ugunem holhi lago o, andi nen he, nirogo a'nogo hilingninobagaumo ambisangma enggen ugu helikhi logoilo, iluk anggikhi lago,’ ikhi logogun,” iluk Tuhan Omame Mondok Hokho mene a'nogo ane yaganetunem holhi.

MATIUS 1:23

At andi nen he: ”Hele silerik ekhe omalik a'ma asimbik he, eak abat takhagain o. Ta'laga halok he, nit ninaneba, Allah ninom welago, u hak, enu Imanuel ikhi logogun,” iluk lisu palogo fesikhe mene higithogoat hilinglagaikhe andi.

LUKAS 1:79

O mummo logolik wa'lasu hak andi ninailo, iluk anggili'lagwi a'nogo o selek hilingisogo fisigik, ninonggothogo were'ma, Kwe yiba lamo hinendawinggen hambuk igin, iluk, yaganisigik, igin o,” iluk, Zakharia nen isikhe.

2 TIMOTIUS 4:22

Ninoe Enupogot obabut fano a'nogo nen fetharek welagik, nineisena Allah fetninarek welagarek mene a'nogo nen hinebe mondogat fanothinafik, ikhi logouwago.