MAZMUR 22:8 - Allah Wene Fano Wene Hupla Inane

⁸ Inebe mondogen ineilenggen yetnealuk, endo ya'nafi logolik he, inambisang singgin wa'nafik, inunggul kwani igik, ugu mondok welagaikharego.

MAZMUR 22:8 ပူးပေါင်းရင်းမြစ်များ

AYUB 16:4

We hit hinebe ari an logoilema, nen an he hit logoumo nen he, an nen ogo hiren ikhi lagep andem hakhogo ikhi logoile aro. An nunggul kwanit hikhi logolik, wene ane uan horok fanorogo nek yagaheti logoile aro.

MAZMUR 109:25

Afuni an ineil niili'lagwi mene nen he inambisang singgin watniikhi logolik pilip nabi'lagwi.

MAZMUR 18:19

An noba enggin-fenggin agu sambul aremnogo re iren noasuogeluk weri'lagwi, oba nen At Tuhan he an lebetnafu mene ari'lago.

MAZMUR 37:5

Hit hinebe hineluk hineisena Tuhan woge'luk hinendawinggen At oba tibetfuluk logogun halok, hinendawimo ebesugun mene andoma mondogat he Aren wokhisagain werego.

MAZMUR 42:10

Allah an werekwe agendek mene a'nogo hoba nane yagaheti lagi o. ”Nenahalok Haren an noba honggoret nobagegen nogo? It naselei mene nen he, yi enggin ti enggin hilingnafunem an nendawinggen mondok weak ari'lago andi nenahalok?”

MAZMUR 55:22

Nen At ane ugunem he ane mondok sakhorek oba afuni inendawinggen wanherek, oba nen endawimo nen he mondok abit logoligen hilingiterek. Wene ane ugunem he ane hafe mene legengge ikherek, oba nen he weim enggat fel-felengge mago mene hakhogo inendawimo yuguli lagarek.

MAZMUR 71:11

Iren ikhi logolik,” At ebe Allah nen oboget hikhemo werek hilingi'mo re, ap amu mene nen ekhe at agap telugun lek enggere, niren murok lambik senfei louwogen we'ni o,” iluk ili'lagwi andi.

MAZMUR 91:14

Nineisena Tuhan nen ikhi logolik he, ”Ap ekhe an noba endawinggen himbirik logolik logogun mene re, hobuk An nen telinabigin o. Nen, ap ekhe ambeba nen Neisena Tuhan he At andi aro, iluk fakhogo ugun mene re, An nen nawe a'ma fisambik ferinarek logogin o.

AMSAL 16:3

Wene hilingisugun iluk melalhi lagep mene andoma mondogat waganogo Tuhan enggiba fogoin halok he, hiren ambisangma higithogo nek hilingiti logogun.

YESAYA 42:1

Tuhan nen ikhi logolik, ”An namingmingengge wendeberogo fuluk ayonggo fesigi mene lebethugu kwelek nendawimo namolo mene hilingitunem noba liok ikherek mene ebe yi aro. Afuni inunggulenu lombok inawene higithogo halisikhi logouwagaluk An Nomame a'nogo At oba peterogo wogeti andi o.

MATIUS 12:18

At Allah nen he, ”Yethani! At andi re, An namingmingengge logouwageluk nonggwaregen wenagaisogo menfigi o. An nen wenagaisogo figirik nendawinggen hundik welagi mene re at andi aro. An Nareagun at wogosumo oba louk umo re, an nen afuni wene inoba figik, kotik, higithogoat hilingisigin andi faget, aren it afuni endakwe mene wene fakhogo yagaisikhi logogin o.

MATIUS 17:5

A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.

LUKAS 23:35

It afuni omanogo andem mendek logolik ineilenggen werek kwelek he, it ap Yahudi mene inogogwi kaindek omanogo inambisang singgin isukwasik, Yesus inane asegen wokhikhi logolik he, mel isukwa: ”At yi Allah nen Kristus menfuluk lakfei wesigin isikhe a'nogo ebe arat halok he, it afuni ekhe elok telinafi laga a'nogo hak, onggwarek ebe ogore a'nogoat telanik he,” iluk yagatukwa.