MAZMUR 22:5 - Allah Wene Fano Wene Hupla Inane

⁵ Nen nit ninambu ninombalagen he Hat hoba nek eberek mondok welagaukwa. A'nogo were'ma Haren inagap telogo fisikhi lagagin.

MAZMUR 22:5 ပူးပေါင်းရင်းမြစ်များ

1 TAWARIKH 5:20

It ap weim yafu aple inelu mondok welagaikhe inap andoma nen he, ”Allah nineisena, Haren lebetnisan o,” iluk kino yagatukwama, Allah nen he iren yagatukwa mene a'nogo higithogo esanggo holhikhesik he, it ap Hagri inap inom, it fena inebe misik sebe iluk inebikhit weim yabi kwi waga lagaukwa mene omanogo inom, inoba inomame leget fisasikhesik he, inalonget fisasikhe.

MAZMUR 106:44

Oba nen he iren inane kwetu mene a'nogo At Tuhan nen esanggo holhi lagaikhe, it inebeba enggin-fenggin hikhi lagaukwa mene a'nogo Aren futfisikhi lagaikheat.

MAZMUR 31:1

Wuni wulak fuluk ambine ugunem melalinafu mene faget, Daud awuni.

MAZMUR 71:1

Tuhan neisena, an he Hat hoba lombokhogo welagimo re, an nenggali asuageluk oboget nea fugo.

YESAYA 45:17

Meneat he it Israel mene andi re Tuhan nen telinabigin. It inagap telasigin mene andi re mondok-mondok logogin mene. Hit hinenggi mondok-mondok logogun oba andoma re hinenggali agik, li'nothinafik, ikhi logogun mondok lego,” iluk ikhe isikhe.

YESAYA 49:23

It raja-raja omanogo re hineisugwi higit asugun nen ratu-ratu omanogo re hinagaisawi higit asugun. Iren hat legeisogo hobagakhi logolik inendep awi yagaisogo foget habimbik hawe a'ma sebe ugun. Ariginugun andiba re haren An nebe Tuhan welagirek mene a'nogo helu asigin o, ap inendawinggen An noba tibet fuluk werek mene re inendawimo weak asuageluk ekhe hilingfisagain lego,” ikhe.

YEREMIA 50:7

It he afuni inom ambi agu mene nen he inoba sagali iwe'luk he yei weakhogo inoari'lagwi. An nagainafuri inaselei mene nen ikhi logolik, ”Afuni andoma re Tuhan eilhanem weak hilingiti lagaukwama re niren hilingiti lago mene andi re weak he lego. It inombawi re Tuhan oba eberogo anggikhi lagaukwama re it ogore At oba nek tiphogo hilingiti logou mene hilingiri'lagwi o,” iluk ili'lagwi.

DANIEL 3:28

A'nogo isasukwasik, at raja nen mel isikhe: ”Allah Enupogot Sadrakh inom, Mesakh inom, Abednego inomen fogeratarek mene andiat fogerati logouwogo. It he afuni nen, Nineisena ebe yi aro, iluk fogeratarek mene andi fogerasu inabit logolik, we it ineisena Allah it fogeratarek mene andi nek fogerasugun iluk inendawinggen at oba himbiret fuluk logolik, Ninebe ninoasugun halok fano aro, iluk an nen wene ero wulafi mene herakfisagama, wene inoba figi meneat he, At Allah nen amingmingengge inebe henagan aremnogo faget agoromi malaikat mene ekhe inoba lakfei wagasik it inebe telinafe andi.

ROMA 10:11

Allah aneba lisu palogo fikhi logolik he, mel isukwa: ”Afuni inendawinggen at eba rogo himbiret fogoin mene halok inenggali asugun mondok lego,” iluk lisu palogo fesukwa.

ROMA 9:33

Wene andi faget Allah nen he, mel isikhe: ”An o Sion andoma helep hangge ekhe figi yi hani! helep andiba afuni ineisok a'lip silukhogo waraluk, talorogo laga logogun o. Meneat he, hinebe lombok hinendawinggen at oba himbiret fogoin mene halok hinenggali hogoin mondok lego,” iluk isikhemo lisu palogo fesukwa.

1 PETRUS 2:6

Wene andi faget Allah nen mel isikhe: ”An nen, helep fano mondok mene wenagaisogo o Sion andoma o tik ekhe warogo figi yi hani! Hit afuni hinebe lombok hinendawinggen at oba himbirik logogun halok he, hinenggali hogoin lego,” iluk isikhemo lisu palogo fesukwa andi.

HAKIM–HAKIM 4:3

At kain Yabin angge kereta weim yafu mene posiemanggen meneba hilingik menere 900 nen welagaikhe. Were'ma, aren afuni Israel mene 20 tahun ferinarek logolik mondok wiik-weakhogo hilinginafi lagaikhe andi nen, iren he, ”Nineisena Tuhan telninabin o,” iluk inane hokhorogo yagati lagaukwa.

HAKIM–HAKIM 6:6

A'nogo hilingitunem afuni Israel mene nen it inoba yi'nogo ti'nogo iluk ekhe hilingfisa re, elo'lek aga lagaikhe.