MAZMUR 22:31 - Allah Wene Fano Wene Hupla Inane

³¹ It hobuk logogun mene nen he, Tuhan faget enek hilingiti logogun. Iren he, iren tagongge mene inoba, At ane yagaisilik laga logogun.

MAZMUR 22:31 ပူးပေါင်းရင်းမြစ်များ

MAZMUR 102:18

It afuni At againafuri mene inebe mondogat inomame lek a'luk werek mene nen, At Tuhan oba samban agarek mene re, Aren mondogat esanggo holherek. Iren kino yagatarek mene re Aren nabit iluk herak fisikherek lek.

MAZMUR 40:9

Allah neisena, an he Hat hamolo anggikhi lagen mene andoma hilingitu mene faget he nagaiyek anggikhi lagi o, Hat hawene melalek a'nogo an nendawimo fakhigirik welagi o,” iluk ikhi lagi.

MAZMUR 78:6

A'nogo isikhe andi re, it hobuk ta'lasugun mene nen ogo At ebe inelu nek logolik, Iren inagainafuri taginabugun mene inoba yagaisilik laga logouwageluk, isikhe.

MAZMUR 86:9

Tuhan neisena, afuni yi inunggulenu ti inunggulenu Haren walhogo fisegen mene omanogo, Hat handungdang welagen mene andi faget foget hobagagik, hapne wanhik, hilingiti logogun nen waga logogun.

YESAYA 53:10

Tuhan nen anggikhi logolik, at enggin-fenggin hoak iluk anggasikhe, nen nit ninebe mondogat ninaweak hosuageluk wam warogo nolharek hak At ebeat wasuak anggasikhe. A'nogo hilingite andiba at umur uanhogo logolik at ambisangma nen tago mene eilenggen isagain, at oba nen he Tuhan endawimo anggasikhe mene a'nogo mondogat higit aga.

YESAYA 54:1

Yerusalem, attak hat he hemi abili mene hangge logolik, omalik taginabu re elo'lek hilingik welagagin. Oba nen yogondak he hagainafuri hokho-pokhorogo were'ma, hemi inaguni nen herakfisugu mene inagainafuri inebe oan yenggerek werek kwelek, hat hagainafuri nek he hokho-pokhorogo hilingik andi nen he, hanggilugeti logolik, hagaiyekhogo wuni wati logoin o!

YESAYA 60:4

Hat hunggul legeisogo heilenggen habel fena-fena a'lima yerisan, it inebe mondogat seberogo hat hambit sugulogo wesuogeluk weri'lagwi a'li o. Hat hagainafuri ap mene re yatma nen wesugun, nen helime yenggerugwi re hamboginarek wesugun.

ROMA 1:17

Allah nen mel isikhemo lisu palogo fesukwa mene werek: ”Hinendawinggen an noba himbirik logogun andiba, an nen wene hinoba werek mene a'nogo korogo wokhambik, ninom hobuk hinambotkwe hunogo hinobagagin mene halok hineluk mondok logogun o,” iluk isikhemo lisu palogo fesukwa hagat, Allah ninom hobuk ninambotkwe yi'nogo hunetlasugun, iluk, fano wene andiba sele'matfesikhe. Allah ninom hobuk ninambotkwe hunetlasugun wene andi ebe re, hunogoat mene ekhe hilingisugun oba nen fuk. We, ninendawinggen at oba eberogoat himbiret fuluk eroba nen pikhit huli erembul oba logogun andiba, Allah ninom hobuk ninambotkwe hunetlasimbik logogun o.

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.