MAZMUR 22:3 - Allah Wene Fano Wene Hupla Inane

³ Neisena Allah, o linggene re an nane humeti lagi, oba nen he Haren nane onggo yaganeti'lek aloksek mondok welagen, nen o hubanggo samban hoba yagaheti lagiat, oba nen nendawinggen hambugili'lago legat.

MAZMUR 22:3 ပူးပေါင်းရင်းမြစ်များ

AYUB 19:7

An weak noba ari'lago andi nenahalok, iluk nane hokhorogo kwe igirek meneat he, afuni ekhe nen nane futnobagau re elo'lek. Wene higithogo pilingisogo leget fagarek mene andi faget nane kweti lagi meneat he, afuni ekhe nen nane inesanggo holi'lagwi lego.

AYUB 30:20

Neisena Allah o, an he Hat hoba nane kwetunem he, Haren nane onggo yaganeti lagen lek, nen an samban hoba ugunem he Haren futnobagakhi lagen lek.

MAZMUR 145:17

At Tuhan andi re Aren hilingiterek mene andoma mondok katokhogo nek hilingiterek, Aren yi'nogo ti'nogo hilingiterek mene andomaba re endawi hundik mondok welagarek.

MAZMUR 50:23

Afuni nen wam yi mene ti mene warogo An nobaget fou hak he, ap andi nen An nalong anggaluk legeisogo nobagakhi logogin andi aro. Nen it ekhe kwe pikhithogo laga logogun mene andi inoba re, inagap telinabigin mene andi re An noba nen inugisikhi logogin o, iluk ikhe.

MAZMUR 65:1

Wuni it ekhe nen wati logouwagaluk, Daud en felalogo watikhe mene.

MAZMUR 88:2

Tuhan Allah neisena, Hat he an nagap telogo nobagakhi lagen mene welagenma re, O linggene re an nen hat hoba nane kwetu logolik welagi o, Nen o hubanggo re Hat ninom ambi asuogeluk hoba waga lagi o.

MAZMUR 99:9

Nit nineisena Tuhan Allah ebe horek mondok werek andi nen he, At enek legeisogo fikhi logoni! Nen At andom horek meneba andoma nen hineindep awi yagaisogo fogerati logoni.

YESAYA 6:3

A'nogo logolik it-it inane mondok hokhorogo ikhi logolik he, ”Horek mene, Horek mene, Horek mene. Tuhan Mondok Homame Hokho mene. Kweangma yikwe tikwe mondogat he Hat Homameba nek sagarek welagen o,” iluk fogerati lagaikha.

HABAKUK 1:2

Tuhan, eige neisena! Afuni inobabut weak mene nen weagetninabi'lagwi andi nen, telninabinogen iluk hayonggo fikhi lagi mene yi re mera huli nen nane hesanggo holigin nogo?

ULANGAN 10:21

Nit nineisena re, at Allah amuat andi nen he At enek fogerati logoino o. Hiren futfouwageluk Aren elalin mene mondok hokhorogo hilingitik, inailo mene hilingitik, hilingitunem hit hineilenggen tomok hasigip andi.

WAHYU 4:8

It andi inebe enggaminogo mene re, inebe lombok inogolabi falfaligen were'ma re, inomak abel endakwe inom, a'makwe inom, ineilenggen mondok hokhorogo welaga, were'ma re, inane kamo igi'lek, lingge hundik, hup hundik, Allah apne wanhi logolik he, ”Nineisena Tuhan Allah omame hokho mene, Attak tegelek welaga, Yogondak tegelek werek, Hobuk tegelegat logogin,” iluk fogeratu mondok welagaikha.